o C     08. 12. 2019   : :

ԿԱՐՃ ԼՈՒՐԵՐ

ՀՀ-ում ՌԴ դեսպանը պարգևատրել է Երևանում ռուսական «Էրեբունի» ավիաբազայի հրամանատարին

20.06.2019 17:13 ՕՐՎԱ ՊԱՏԿԵՐ ԹԵՄԱ
ՀՀ-ում ՌԴ դեսպանը պարգևատրել է Երևանում ռուսական «Էրեբունի» ավիաբազայի հրամանատարին

Երևանում «Էրեբունի» ավիաբազայի հրամանատար, գնդապետ Ալեքսանդր Պետրովին շնորհվել է «Ռուսաստանի Դաշնության վաստակավոր ռազմական օդաչու» կոչումը: Պարգևի շնորհման արարողությունը կայացել է Երևանում: 

Պարգևը շնորհել է ՀՀ-ում ռուսական դիվանագիտական առաքելության ղեկավար Սերգեյ Կոպիրկինը, որի կարծիքով՝ հատկանշական է այն հանգամանքը, որ միջոցառումն անցկացվում է Հայաստանում: 

«Ինձ համար առանձնակի հաճելի է, որ պատիվ է ընձեռվել պարգևն այստեղ՝ Հայաստանում, շնորհել: Հայաստանում ռուսական բազայի առկայությունը վկայում է ոչ միայն ռուսական ռազմական հզոր ուժի, այլև այն դերակատարման մասին, որը Ռուսաստանն ունի խաղաղության և անվտանգության պահպանման գործում»,-ասել է ՀՀ-ում ՌԴ դեսպանը: 

Շարունակելով իր խոսքը՝ Կոպիրկինն ընդգծել է Հայաստանի հետ եղբայրական հարաբերությունների պահպանման գործում ՌԴ զինված ուժերի առաքելության կարևորությունը: Ստանալով պարգևը՝ Պետրովն իր երախտագիտությունն է հայտնել ամբողջ անձնակազմին, ինչպես նաև բոլոր այն զորամասերին, որտեղ ինքը ծառայել է: 

«Այս մեդալում ամփոփված է Ձեր աշխատանքը: Երախտապարտ եմ Ձեզ այս պատվավոր կոչումը կրծքիս կրելու իրավունքի համար»,-ասել է ավիաբազայի հրամանատարը: Հայտնի է, որ «Էրեբունի» ավիաբազան ստեղծվել է 1995թ.: Երեք տարի անց Ռուսաստանից ավիաբազա են ուղարկվել ՄիԳ-29 բազմաթիրախային կործանիչներ, իսկ 2001թ. հուլիսին «Էրեբունի»-ում տեղակայված զորամասերից ավիացիոն բազա է ձևավորվել, որն էլ դարձել է Գյումրիում տեղակայված 102-րդ ռուսական ռազմաբազայի օդային բաղադրիչը:

Երևանում և ևս 6 մարզում սպասվում են էլեկտրաէներգիայի անջատումներ

 

 

КОМСОМОЛЬСКАЯ ПРАВДА