o C     19. 07. 2019   : :

ԿԱՐՃ ԼՈՒՐԵՐ

Արաքս Դավթյանի 70-ամյակին նվիրված հոբելյանական համերգ կանցկացվի

17.06.2019 22:15 ՄՇԱԿՈՒՅԹ ՀԱՆՐՈՒԹՅՈՒՆ ԱԶԴԱԳՐԵՐ
Արաքս Դավթյանի 70-ամյակին նվիրված հոբելյանական համերգ կանցկացվի

Հայաստանի պետական կամերային նվագախումբը և Երևանի պետական կամերային երգչախմբի մենակատարները կներկայացնեն օպերային երգչուհի,սոպրանո Արաքս Դավթյանի 70-ամյակին նվիրված համերգ: Այն կանցկացվի հունիսի 18-ին, ժամը 19:00 Կոմիտասի անվան կամերային երաժշտության տանը:

MFE 42 եւ GFC 16 մրցաշարի մասնակիցները հաջողությամբ անցան կշռման արարողությունը (Ֆոտոշարք)

Դիրիժոր՝ Հարություն Արզումանյանի ղեկավարությամբ՝ կհնչեն Ջուլիո Կաչինիի, Ալեսանդրո Ստրադելլայի, Ջովաննի Պերգոլեզիի, Անտոնիո Վիվալդիի,Վոլֆգանգ Ամադեուս Մոցարտի, Ֆելիքս Մենդելսոնի, Ֆրանց Շուբերտի, Լուիջի Լյուցիի, Ժակ Օֆենբախի, Ջակոմո Պուչինիի, Պյոտր Չայկովսկու, ՄիխայիլԻպոլիտով-Իվանովի, Բարսեղ Կանաչյանի, Կոմիտասի ստեղծագործությունները:

Օպերային երգչուհի, սոպրանո Արաքս Դավթյանը ծնվել է Միլանում, զինվորական օդաչուի ընտանիքում: Երաժշտական կրթությունը ստացել է ԵրևանիԿոմիտասի անվան պետական կոնսերվատորիայում: 1986թ. առաջին խորհրդային երգչուհին էր, ով հաղթանակ տարավ այնպիսի հեղինակավորստուգատեսում, ինչպիսին է Իտալիայի Վերչելլի քաղաքում անցկացվող «Վիոտիի անվան մրցույթը»:

Ռուս դասական երաժշտության հայ «թանկարժեք ադամանդը» 1-ին անգամ ելույթ կունենա Հայաստանում

Նրա լիրիկական սոպրանոն հնչել է աշխարհի ավելի քան 120 հեղինակավոր համերգային դահլիճներում` Նյու Յորքի Կարնեգի Հոլ, Փարիզի Գավո,Ամստերդամի Կոնցերտ Գեբաու, Տոկիոյի Սենտր Հոլլ և այլն: Համագործակցել է հանրահայտ արտիստներ Շաիի, Ռոժդեստվենսկու, Ֆլորի, Օբրազցովայի,Սինյավսկայայի և այլոց հետ: 1988թ. կատարել է Վերդիի «Ռեքվիեմը» Ամստերդամի «Գեբաու» դահլիճում:

Նրա ստեղծագործական ուղին խաչվել է նաև Մոսկվայի Մեծ թատրոնի հետ, որտեղ, դիրիժոր Ժուրայտիսի հրավերով, կատարել է Վիոլայի դերերգը`Վերդիի «Տրավիատա» օպերայում: Վոկալ է դասավանդել Երևանի Կոմիտասի անվան պետական կոնսերվատորիայում (պրոֆեսոր), նաև` Մոսկվայում,ուր աշխատել է մինչ կյանքի վերջ:

Ձախ Հարութի նկատմամբ ոչ մի երգիչ երբեք նման բան չէր արել. Պրոդյուսեր

Զբաղվել է ակտիվ համերգային գործունեությամբ, ունեցել է լայն երգացանկ, սակայն շարունակել է մնալ Մոցարտի ստեղծագործությունների կատարմանմեծագույն վարպետը: Եղել է բացառիկ արտիստիզմի տեր անձնավորություն, ինչի վկայությունն է ռեժիսոր Խամդամովի «Վոկալ զուգահեռներ»խաղարկային ֆիլմում նրա մարմնավորած կերպարը:

1987թ. արժանացել է ՀԽՍՀ վաստակավոր, 2004թ.` ՀՀ ժողովրդական արտիստի կոչման: Արժանացել է նաև Ռուսաստանի վաստակավոր արտիստի և1979թ.` Գլինկայի անվան մրցանակի դափնեկրի կոչման: Մահացել է 2010 թ., թաղված է Երևանի քաղաքային պանթեոնում։

Չնայած անձեւային եղանակին՝ շուրջ հիսուն հազար հանդիսատես մեծ ոգեւորությամբ ունկնդրում է սիրված երգչի համերգը

 

 

КОМСОМОЛЬСКАЯ ПРАВДА