o C     26. 08. 2019   : :

ԿԱՐՃ ԼՈՒՐԵՐ

Ինչպես են տխրում եւ տառապում Կենդանակերպի տարբեր նշանները

16.06.2019 13:00 ՀԱՆՐՈՒԹՅՈՒՆ
Ինչպես են տխրում եւ տառապում Կենդանակերպի տարբեր նշանները

Խոյ (մարտի 21-ից ապրիլի 19-ը)

Խոյերը համարձակ են, լավատես, ինքնավստահ եւ կրքոտ: Տխրության պահերին նրանք հակված են իմպուլսիվ որոշումներ կայացնել, ինչպես նաեւ իրենց ցավը զայրույթով քողարկել: Խոյերը կարող են տխրության պահերին կույր կատաղությամբ հարձակվել մարդկանց վրա: Նրանք հակված են կոնֆլիկտների:

Թշնամություն՝ ըստ Կենդանակերպի նշանի

Նման իրավիճակում Խոյը պետք է ինքն իրեն հարցնի. «Կարո՞ղ է սա [որոշումը, գործողությունը եւ այլն] լավը լինել ինձ համար»: Դա կօգնի գիտակցաբար լավագույն որոշումը կայացնել: Խոյի համար եւս մեկ շատ լավ լուծում է մեդիտացիան: Իսկ եթե անշարժ նստելը շատ բարդ է ձեզ համար, որեւէ արկած ծրագրեք, որը ձեր էներգիան դրական հուն կուղղի:

 

Ցուլ (ապրիլի 20-ից մայիսի 20-ը)

Ցուլերը հուսալի, հավատարիմ եւ պատասխանատու մարդիկ են: Տխրության պահերին նրանք նախընտրում են մենակ մնալ: Եվ չնայած նրանք համբերատար են, տխուր ժամանակ կարող են դուրս գալ ափերից:

Ցուլերը կարող են թեթեւանալ՝ իրենց խնդիրների կամ տխրության պատճառների մասին պատմելով հուսալի ընկերոջ կամ մասնագետի: Դա կօգնի հաղթահարել ցավը: Եվս մեկ խորհուրդ. շարունակեք ապրել առօրյա կյանքով՝ տխրությանը չտրվելու համար:

Երկվորյակներ (մայիսի 21-ից հունիսի 20-ը)

Երկվորյակները հետաքրքրասեր եւ քնքուշ մարդիկ են: Դեպրեսիայի ժամանակ նրանք չափազանց շատ են մտածում: Երբեմն դա պարզապես շեղվելու միջոց է: Երկվորյակները հենց դրան են ձգտում տխրության պահերին: Երկվորյակները հաճախ ժխտում են խնդիրների առկայությունը եւ նախընտրում են փախչել դրանցից:

Իրականում նման պահերին պարզապես հարկավոր է ուղեղին հանգստանալու հնարավորություն տալ: Հասկանալի է, որ ասելը հեշտ է, անելը՝ դժվար, բայց փորձել արժե: Փորձեք գրառել ձեր մտքերը. դա կօգնի հաղթահարել տխրությունը: Նման իրավիճակներում օգտակար կլինի նաեւ մտերիմ ընկերոջ հետ կիսվելը:

Խեցգետին (հունիսի 21-ից հուլիսի 22-ը)

Խեցգետիններն ակտիվ երեւակայություն ունեն, անհավանականորեն հավատարիմ են եւ տիրապետում են համոզելու արվեստին: Նրանք շատ խորն են զգում էմոցիաները, այդ պատճառով ավելի ծանր են տանում դեպրեսիան: Նրանք կարող են շատ արտասվել, միայնակ զգալ: Խեցգետիններն էմոցիոնալ եւ խոցելի են դառնում իրենց կյանքի նշանակալի իրադարձություններից հետո: Նրանք, որպես կանոն, մեկուսանում են, երբ շատ վատ են զգում:

Նման պահերին բնության, Տիեզերքի կամ Բարձրագույն Ուժի հետ առանձնանալու ժամանակ գտեք: Դա կօգնի աջակցություն եւ հոգատարություն զգալ: Դա նաեւ կհիշեցնի, որ մենք միայնակ չենք, այլ կապված ենք միմյանց եւ առավել ինչ-որ բանի հետ: Խեցգետինների համար օգտակար է նաեւ գրառել մտքերն ու ստեղծագործել:

Առյուծ (հուլիսի 23-ից օգոստոսի 22-ը)

Առյուծները ստեղծագործ, կրքոտ եւ բարի մարդիկ են: Տխրության պահերին նրանք կարող են ասել կամ անել ինչ-որ բան, որը կարող է վնաս հասցնել շրջապատողներին:

Որպես կանոն՝ Առյուծներն ի ցույց են դնում իրենց տխրությունն ու զայրույթը: Նրանք նաեւ արագորեն ազատվում են տխրության զգացողությունից: Առյուծների համար տխրությունը հաղթահարելու միջոց կարող է դառնալ արվեստը: Դա կարող է լինել բանաստեղծությունը, նկարը կամ գրքի գաղափարը: Բացի այդ՝ կարեւոր է պատասխանատվություն ստանձնել զգացմունքների համար եւ ուշադիր լինել՝ այլոց վնաս չհասցնելու համար:

Կույս (օգոստոսի 23-ից սեպտեմբերի 22-ը)

Կույսերը հավատարիմ, բարի եւ աշխատասեր մարդիկ են: Նրանք նախընտրում են միայնության մեջ տխրել: Տխրության եւ զայրույթի պահերին նրանք կարող են հոռետես եւ կտրուկ դառնալ: Նման պահերին Կույսերը հիմար են, դաժան, ամեն ինչին ընդդիմացող:

Օրագիր պահելը սեփական զգացմունքները հասկանալու եւ ընդունելու լավ միջոց է: Կարող են օգնել նաեւ մեդիտացիան եւ աղոթքը: Այլոց վնաս չպատճառելու համար մտերիմներին պատմեք ձեր էմոցիաների մասին, երբ զգում եք, որ լավ չեք: Նման օրերին կարող եք միայնակ մնալ կամ հաճելի զրույցներ վարել մտերիմների հետ՝ կախված իրավիճակից:

Կենդանակերպի 5 ամենամեծամիտ նշանները

Կշեռք (սեպտեմբերի 23-ից հոկտեմբերի 22-ը)

Կշեռքները հայտնի են իրենց արդարամտությամբ, դիվանագիտությամբ, հաճելի եւ շփվող բնավորությամբ: Տխրության պահերին նրանք կարող են քմահաճ եւ անկայուն դառնալ: Հաճախ Կույսերը չեն ցանկանում, որ մարդիկ հասկանան իրենց իրական զգացմունքները, քանի որ նրանց կենսուրախ եւ դրական են համարում:

Կշեռքները կուլ են տալիս իրենց զայրույթն ու տխրությունը՝ ձեւացնելով, որ ոչինչ չի պատահել: Դա, իհարկե, սարսափելի է հարաբերություններ կառուցելիս, իսկ երբ նրանք վերջապես խոսում են իրենց անհանգստացնող բաների մասին, դա քայքայում է հարաբերությունները:

Կարելի է դիմել մտերիմ ընկերոջը կամ խորհրդատու՝ խնդիրները քննարկելու համար: Բացի այդ, մի վախեցեք հրաժարվել շփումից, երբ դա անհրաժեշտ է ձեզ:

Կարիճ (հոկտեմբերի 23-ից նոյեմբերի 21-ը)

Կարիճները համարձակ, հնարամիտ մարդկանց համբավ ունեն: Նրանք չեն էլ ձգտում թաքցնել իրենց տխրությունը: Նրանք տրամադրության անկումներ են ունենում, եւ նրանց տրամադրությունը կարող է ազդել այլ մարդկանց վրա: Բացասական տրամադրություն ունենալու դեպքում Կարիճները քայլող դժոխք են: Նրանք թշնամաբար են տրամադրվում, զայրանում են, մեկուսանում:

Երբ զգացմունքների տեղատարափ եք զգում, օգտակար կլինի որոշ ժամանակ հանգստանալ ու առանձնանալ: Սովորեք միայնության մեջ կառավարել ձեր զգացմունքները, դա կօգնի ավելի լավ կառավարել ձեզ՝ այլ մարդկանց կողքին լինելով: Այդպես կկարողանաք խուսափել կոնֆլիկտներից եւ վիրավորանքներից: Կարող են օգնել նաեւ մեդիտացիան եւ օրագիրը:

Աղեղնավոր (նոյեմբերի 22-ից դեկտեմբերի 21-ը)

Աղեղնավորները, ինչպես հայտնի է, զվարճալի են, առատաձեռն եւ իդեալիստ: Նրանք կարող են շատ ծանր ապրումներ ունենալ, դեպրեսիայի մեջ ընկնել: Աղեղնավորները հակված են ծանր դեպրեսիայի, նույնիսկ երբ չափավոր տխուր են: Եվ չնայած Աղեղնավորները, որպես կանոն, տխրության պահերին աջակցություն չեն փնտրում, նրանց համար օգտակար կլինի դիմել ընկերոջը կամ խորհրդատուի:

Այծեղջյուր (դեկտեմբերի 22-ից հունվարի 19-ը)

Այծեղջյուրները հայտնի են լավ ինքնատիրապետմամբ, կարգապահ են եւ պատասխանատու: Տխրության պահհերին նրանք կարող են իրենց անհույս եւ հոռետես համարել: Երկվորյակների նման Այծեղջյուրները դեպրեսիայի ժամանակ սկսում են շատ մտածել: Նրանք չափազանցնում են իրենց խնդիրները, եւ նրանց շատ կամքի ուժ է պետք՝ ճահճից դուրս գալու համար:

Նման զգացումներ ունենալիս պետք է դիմեք մարդկանց, որոնց վստահում եք: Ձեզ դրական մարդկանցով շրջապատեք: Լավ խորհրդատուն կարող է հատուկ վարժություններ առաջարկել, որոնք կօգնեն ավելի դրական եւ լավատես զգալ, ինչպես նաեւ ավելի օբյեկտիվ նայել իրավիճակին:

Ջրհոս (հունվարի 20-ից փետրվարի 18-ը)

Ջրհոսները, ինչպես հայտնի է, ինքնատիպ, առաջադեմ եւ անկախ մարդիկ են: Համարվում է, որ նրանք անջատվում են իրենց զգացմունքներից եւ ղեկավարվում ուղեղով: Տխրելիս նրանք կարող են չխոսել իրենց զգացմունքների մասին: Նման պահերին նրանք, որպես կանոն, մեկուսանում են, միաժամանակ ձեւացնելով, որ երջանիկ են: Ջրհոսների համար օգտակար կլինի գրառել իրենց մտքերն ու սովորել ունկնդրել իրենց զգացումներին:

Ձկներ (փետրվարի 19-ից մարտի 20-ը)

Հումորային հորոսկոպ. Ի՞նչ կկատարվի, եթե Կենդանակերպի 12 նշաններին միևնույն տանիքի տակ հավաքես

Ձկներն իմաստուն, բարեսիրտ եւ ստեղծագործ մարդիկ են: Տխրության ժամանակ նրանք կարող են բացասական զգացմունքներ ունենալ եւ նորից ու նորից վերապրել նախկին ցավը: Նրանք կարող են շատ հոռետես դառնալ: Երբ խնդիրներ են առաջանում, Ձկները մտածկոտ են դառնում: Նրանք նկատում են բոլոր վատ մանրուքները, որոնք ժամանակին պատահել են:

Մեդիտացիան, հոգեբան-խորհրդատուի հետ շփումը, ինչպես նաեւ օրագիրը ձեզ կօգնեն հասկանալ այն ամենը, ինչ գիտեք եւ ինչ չգիտեք, ու առաջ շարժվել:

 

КОМСОМОЛЬСКАЯ ПРАВДА