o C     21. 11. 2019   : :

ԿԱՐՃ ԼՈՒՐԵՐ

Հրանտ Դինքի սպանության գործով հերթական եռօրյա դատական նստաշրջանը կսկսվի հունիսի 11-ից

08.06.2019 20:30 ՄԻՋԱԶԳԱՅԻՆ
Հրանտ Դինքի սպանության գործով հերթական եռօրյա դատական նստաշրջանը կսկսվի հունիսի 11-ից

«Ակօս»-ի փոխանցմամբ՝ եռօրյա դատական նստաշրջանի ընթացքում որպես վկա հարցաքննվելու են այն ժամանակ Ստամբուլի նահանգապետի պաշտոնը զբաղեցնող Մուամմեր Գյուլերը և Ազգային հետախուզության ծառայության շրջանային աշխատակիցները: Նրանց հարցաքննելու որոշումը կայացվել էր մարտի 14-ին՝ այս գործով վերջին դատական նիստի ժամանակ:  

Հունական Կալամատա քաղաքում Հայոց ցեղասպանության զոհերին նվիրված հուշարձան է կանգնեցվել

Նախկին նահանգապետից բացի, վկայի կարգավիճակով հարցաքննվելու են մի շարք բարձրաստիճան պաշտոնյաներ, մասնավորապես՝ 2004 թվականի փետրվարի 24-ին Ստամբուլի նահանգապետարանում Հրանտ Դինքի հետ հանդիպած Ազգային անվտանգության ծառայության աշխատակիցներ:  

Տարիներ շարունակ Դինքի սպանության դատական գործին հետևող «Հրանտի ընկերներ» նախաձեռնողական խումբը հունիսի 11-ին նախատեսված դատական նիստից առաջ հավաքվելու է Ստամբուլի Չաղլայան դատարանի առաջ՝ կրկին բարձրացնելու արդարության պահանջը:  

2007 թվականի հունվարի 19-ին թուրք ազգայնական Օգյուն Սամասթի ձեռքով սպանված ստամբուլահայ նշանավոր լրագրողի մտերիմները այսօր էլ հայտարարում են, որ սպանությունը նախապես ծրագրված է եղել, և իրավապահ մարմինները, տեղյակ լինելով նախապատրաստվող մահափորձի մասին, չեն կանխել այն։ Հանցագործությունից 12 տարի անց նրանց պահանջը նույնն է՝ բացահայտել ու դատապարտել սպանության պատվիրատուներին: 

 

 

КОМСОМОЛЬСКАЯ ПРАВДА