o C     23. 10. 2019   : :

ԿԱՐՃ ԼՈՒՐԵՐ

«Եթե չկանգնեցնենք սրանց, հետո մեր երեխաները մեզ չեն ներելու...»

01.06.2019 23:47 ՕՐՎԱ ՊԱՏԿԵՐ ՔԱՂԱՔԱԿԱՆ ԹԵՄԱ
«Եթե չկանգնեցնենք սրանց, հետո մեր երեխաները մեզ չեն ներելու...»

«Ըստ Նիկոլի՝ նորանկախ Հայաստանը իր պատմությունը սկսել է 1998-ից...», - այս մասին գրում է քաղաքական մեկնաբան ՄԵՆՈՒԱ ՀԱՐՈՒԹՅՈՒՆՅԱՆԸ եւ մանրամասնում. «Նիկոլը մեր ժողովրդին ուզում է համոզել, որ մինչ 1998 թվականը Հայաստանում ամեն բան լավ էր, իսկ դրանից հետո՝ վատ, բայց չէ՞որ մենք ապրել ենք այդ տարիներին եւ լավ հիշում ենք, ամեն բան, եւ ուրեմն՝ ինչո՞ւ ենք թույլ տալիս, որ Նիկոլը խաբի մեզ, ինչո՞ւ ենք թույլ տալիս այդ ստի վրա հիմնվելով՝ զավթի ու հիմա էլ փորձի ամեն գնով պահպանել իշխանությունը՝ փաստացի չկատարելով մեզ տված ոչ մի խոստումՆիկոլը խոսում է թալանից ու կոռուպցիայից, բայց այդ միայն 1998-ից հետո, մեր ժողովրդին փորձելով հիմարացնել՝ թե իբր Տեր-Պետրոսյանի ՀՀՇ-ի տարիներին չի եղել թալան, չեն եղել ապօրինի հարստացածներ, այդ իսկ պատճառով էլ ՀՀՇ-ի տարիներին թալանով հարստացածներին կամ հիմա իրեն սատարողներին չի հարցնում՝ ինչպես են հարստացել, եւ դրանց վրա անցումային արդարադատություն չի իրականացվելու, այն դեպքում, երբ հենց ՀՀՇ-ի տարիներին Հայաստանը թալանվեց եւ միլիոնավոր քաղաքացիներ արտագաղթի ճանապարհ բռնեցին... Նիկոլը խոսում ա ընտրությունները կեղծելու մասին, բայց դարձյալ չի հիշում մինչ 1998 թվականի իրադարձությունները, երբ Վազգեն Մանուկյանից տանկերով խլեցին հաղթանակը եւ ժողովրդի մոտ սասանեցին արդար ընտրությունների նկատմամբ հավատը, փակելով ՀՅԴ-ն, թերթեր, հեռուստահաղորդումներ՝ հարված հասցրին Հայաստանի ժողովրդավարական էությանը... Մեր իսկ ապրած պատմությանը Նիկոլը մեր աչքի առաջ խեղաթյուրում է՝ համոզելով մեզ, որ ոչ թե ՀՀՇ-ի տարիներին է Հայաստանը թալանվել, այլ՝ Քոչարյանի, իսկ իրականում հենց Քոչարյանի նախագահության տարիներին մեր երկիրը տնտեսական թռիչքաձեւ աճ ապրեց, եւ սա անում է դիտավորյալ, իր քաղաքական հոր՝ Տեր-Պետրոսյանի անփառունակ քաղաքական արատները փորձելով բարդել նախագահ Քոչարյանի վրա...»:

«Սերժ Սարգսյանի խոսքին են սպասում հազարավոր մարդիկ». Վահան Բաբայան

Քաղաքական մեկնաբանի գնահատմամբ՝ քանի դեռ մեր ժողովուրդը հանդուրժում է, որ իրեն ստորաբար խաբեն, միշտ էլ գտնվելու են նիկոլներ, ովքեր հանուն սեփական իշխանության ու կոմֆորտի խաբելու են ժողովրդին. «Արդյունքում իրենք իրենց թայֆով լավ են ապրելու, իսկ մարդիկ սկսելու են ավելի վատ ապրել՝ հիասթափվելով մտածելու են Հայաստանը լքելու մասին... Սիրելի՛ ժողովուրդ, տարված ձեր առօրեական հոգսերով՝ չեք էլ նկատում, թե ինչպես է Նիկոլը հանուն սեփական իշխանության քարուքանդ անում մեր բոլորիս անվտանգության եւ բարեկեցության միակ օջախը՝ Հայաստանը, եւ եթե չկանգնեցնենք սրանց, հետո մեր երեխաները մեզ չեն ներելու...»:

​​​​​​​«Իմ խաբված ժողովուրդ, վերջում գլխիդ ես տալու». Մենուա Հարությունյան

 

КОМСОМОЛЬСКАЯ ПРАВДА