o C     19. 07. 2019   : :

ԿԱՐՃ ԼՈՒՐԵՐ

Քոչարյանի դեմ ճնշման տակ կայացված ցանկացած դատական ակտ ի սկզբանե ոչ լեգիտիմ է. Հայկ Ալումյան

01.06.2019 15:41 ԻՐԱՎՈՒՆՔ
Քոչարյանի դեմ ճնշման տակ կայացված ցանկացած դատական ակտ ի սկզբանե ոչ լեգիտիմ է. Հայկ Ալումյան

Ռոբերտ Քոչարյանի ազատ արձակվելուն ի պատասխան ՀՀ վարչապետն, իսկ այնուհետ նաև ԱԺ-ում մեծամասնություն կազմող քաղաքական ուժի պատգամավորներն, ուղղակի կոչ արեցին ճնշում գործադրել դատական համակարգի վրա, այսօր լրագրողների հետ հանդիպմանը հայտարարեց ՀՀ երկրորդ նախագահ Ռոբերտ Քոչարյանի փաստաբանական խմբի անդամ Հայկ Ալումյանը։

Այո, պարոն Փաշինյանն իրավունք ունի անհրաժեշտ իրավիճակներում զինված ուժերն օգտագործել. Քոչարյանի պաշտպան

«Նրանք ուղղակիորեն մասնակցեցին այդպիսի ճնշումների իրագործմանը, մարդկանց կոչ արեցին փակել դատարանների ելք ու մուտքերը։ Սա շատ պարզ մեսիջ էր վերաքննիչ դատարանին, և ապագայում նաև պարոն Քոչարյանի գործի հետ առնչություն ունեցող բոլոր դատավորներին, թե ինչ տեղի կունենա, եթե երբևիցե նրանցից որևէ մեկը կհամարձակվի Ռոբերտ Քոչարյանի վերաբերյալ կայացնել այնպիսի որոշում, որը վարչապետի կամ ԱԺ-ում մեծամասնություն կազմող ուժի ուզածով չի լինի», - ասաց Ալումյանը։

Փաստաբանը նշեց, որ սա ամենաբիրտ ճնշումն էր իշխանական երկու ճյուղերի կողմից իշխանական երրորդ ճյուղի նկատմամբ։

«Սա աննախադեպ երևույթ էր և այս երևույթն ուղղակի ոչ լեգիտիմ դարձրեց հետագայում կայացված ցանկացած դատական ակտ, որը կլինի պարոն Քոչարյանի դեմ։ Ցանկացած դատական ակտ, որը կայացված կլինի այս ճնշման տակ, ի սկզբանե ոչ լեգիտիմ է», - ասաց Հայկ Ալումյանը

 

 

КОМСОМОЛЬСКАЯ ПРАВДА