ԿԱՐՃ ԼՈՒՐԵՐ

«Պետությունն ամեն րոպե մտածում է, որ թատրոնները կամ ընդհանրապես ՊՈԱԿ-ները գող են»

17.05.2019 22:20 ՕՐՎԱ ՊԱՏԿԵՐ ՄՇԱԿՈՒՅԹ ՀԱՆՐՈՒԹՅՈՒՆ
«Պետությունն ամեն րոպե մտածում է, որ թատրոնները կամ ընդհանրապես ՊՈԱԿ-ները գող են»

 Երեկ ՀՀ նախագահ Արմեն Սարգսյանը արդեն ստորագրել է կառավարության կառուցվածքի փոփոխության մասին օրենքը, ըստ որի, այսուհետ Մշակույթի նախարարության փոխարեն կունենանք Կրթության, գիտության եւ մշակույթի նախարարություն: Մշակույթի նախարարության ենթակայության տակ գործող ՊՈԱԿ-ներից` Պետական կամերային երաժշտական թատրոնի տնօրեն, Երեւանի ավագանու Բարգավաճ Հայաստան խմբակցության քարտուղար ՀՌԻՓՍԻՄԵ ԱՌԱՔԵԼՅԱՆԸ, «Իրավունքի» հետ զրույցում անդրադառնալով այդ թեմային, շեշտեց, որ իր ղեկավարած ՊՈԱԿ-ի ճակատագիրն իր համար անհայտ է ու անորոշ, բայց մի բան հստակ է` մեզ Մշակույթի նախարարություն պետք էր:

Տեղի ունեցավ համերգ նվիրված Չուխաջյանի երաժշտական դպրոցի 60 ամյակին. տեսանյութ

 

«ՉԻ ԿԱՐԵԼԻ ՄՇԱԿՈՒՅԹԸ ԴՆԵԼ ՆՈՒՅՆ ՇՏԱՄՊԻ ՏԱԿ ՈՒ ՊԵՏԱԿԱՆ ԳՆՈՒՄ ՊԱՀԱՆՋԵԼ»

- Ճիշտն ասած, չգիտենք` ինչ կլինի մեր` թատրոնի հետ, դեռ սպասում ենք: Այն, որ Մշակույթի նախարարություն մեր երկրին պետք էր` միանշանակ է, սակայն, այդ նախարարությունը պետք էր բոլորովին այլ չափանիշներով ու նպատակներով: Ինձ համար անհասկանալի մնաց, թե ով հիմնավորեց այն միտքը, թեկուզ` իրավաբանորեն, կամ` մշակութաբանորեն, որ Մշակույթի նախարարությունը` որպես առանձին կառույց, պետք չէ: Եթե անգամ այդպես են որոշել, հավատացեք, եթե կարողանան ճիշտ համակարգել իրենց աշխատանքը ՊՈԱԿ-ների հետ, առանց ավելորդ բյուրոկրատիզմի, ավելորդ քաշքշուկների եւ առանց խիստ սահմանափակումների, որի առջեւ այսօր կանգնած են բոլոր ՊՈԱԿ-ները, անգամ եթե լինի Կրթության եւ մշակույթի նախարություն, գործ անող լինեն, այս նախարարության տիրույթում էլ կանեն: Եթե ոչ` ուզում ես լինի առանձին Մշակույթի նախարարություն, կամ դեպարտամենտ, միեւնույնն է, գործ չեն անելու: Բայց ավելի լավ կլիներ, որ առանձին նախարարություն լիներ, քանի որ Հայաստանը մշակութային հսկայածավալ ժառանգություն ունի, ենթադրում եմ, որ պետք է ունենար Մշակույթի նախարարություն, բայց` ճիշտ ֆունկցիոնալ կառույցով:

«Որեւէ ստեղծագործող չի կարող լինել իմ ենթական». Արա Խզմալյան (ՏԵՍԱՆՅՈՒԹ)

 

«ԳԱՆՁԱՊԵՏԱՐԱՆՆԵՐԸ ՊԱՏՄՈՒԹՅՈՒՆ ԵՆ ՄԵՐ ԹԱՏՐՈՆՆԵՐԻ ԳԼԽԻՆ»

- Թատրոնների տնօրենների կողմից գանձապետարանների անցումը դժգոհության ալիք բարձրացրեց...

- Այդ գանձապետարանները լուրջ խնդիր են թատրոնների համար: Մեր հաշվեհամարների առկայությունը այս տարվա սկզբից ամբողջությամբ տեղափոխվեց գանձապետարան եւ ոչ միայն պետական սուբսիդիան, այլ նաեւ մեր ամբողջ արտաբյուջեն, ինչը լուրջ խնդիր է: Պետական գնումների մասին օրենքում միանշանակ պետք է որոշակի բացառություններ առաջադրվեն մշակութային օջախների համար, որովհետեւ չի կարելի մշակույթն այսպես դնել նույն շտամպի տակ եւ ստեղծագործական աշխատանքից պետական գնում պահանջել` չպատկերացնելով այդ նրբությունները: Ուրախ եմ, որ ֆինանսների նախարարար Ատոմ Ջանջուղազյանի հետ բավականին երկար զրույց են ունեցել իմ գործընկերները, եւ, կարծես թե, պարոն Ջանջուղազյանը որոշակի պատկերացում կազմել է, թե ինչպիսի նրբություններ ունի կոնկրետ թատրոնն իր գնումներում: Ինձ մոտ այնպիսի տպավորություն է, որ պետությունը ամեն րոպե մտածում է, որ թատրոնները կամ ընդհանրապես ՊՈԱԿ-ները գող են... Հը՜մ, դուք այնտեղ ինչ-որ բան եք անում, հեսա ես ձեզ նենց եմ սեղմելու, խեղդելու... Գիտեք ինչ վիճակում ենք` մեր ձեռքերը կապել են: Ստացվում է, որ դու գումար ունես, որը մուտքագրվել է քո գանձապետարանի հաշվի վրա, բայց այդ գումարը չես կարող ծախսել: Ախր, այդ արտաբյուջեն հիմա առեւտրային բանկում է, թե գանձապետարանում, էլի նախարարությունն է վերահսկում, որի բոլոր մեխանիզմներն ու լծակներն ունի, չհաշված, որ ամեն տարի աուդիտը գալիս ստուգում է:

Արայիկ Հարությունյանն ինչ խնդիրներ է դրել մշակութային գծով նոր փոխնախարարների առաջ (ՏԵՍԱՆՅՈՒԹ)

- Ինչո՞ւ չեք կարողանում օգտագործել գանձապետարանում կուտակված գումարը:

- Որովհետեւ կան սահմանափակումներ, ամսական ողջ հաշվարկն այնպես են անում, որ եթե ունես տասը միլիոն դրամ գումար, դրանից կարող ես եռամսյակում ծախսել 3 միլիոնը: Ասենք, ուզում ես այդ մի եռամսյակում երկու կամ երեք ներկայացում անել, ես այս պահին այդ խնդրի առջեւ եմ կանգնել, պետք է երեք պրեմիերա ունենայի, բայց այս գանձապետարանի սահմանափակման պատճառով արտաբյուջեում մեր թատրոնի աշխատած գումարը չեմ կարողանում օգտագործել ու երեք ներկայացումը միանգամից մի եռամսյակում անել: Հիմա ստիպված մեկը մայիսին եմ անում, մյուսը` հունիսին, երրորդն էլ, քանի որ մայիսն ու հունիսը ընկնում են երկրորդ եռամսյակի մեջ, տեղափոխել եմ աշնանը` սեպտեմբերին: Մեր թատրոնի աշխատած գումարը պետությունը` գանձապետարանը արգելափակում է, ասում է` ճիշտ է, գումար ունես քո հաշվին, բայց քո լիմիտն արդեն ավարտված է, չես կարող ծախսել: Այս գանձապետարանները պատմություն են մեր թատրոնների գլխին:

«Պետությունը եւ իշխանությունը պետք է լավ գիտակցեն այս կառույցի կարեւորությունը». Րաֆֆի Պալյան

 

ԻՆՉՈՒ ԵՆ ՆԿԱՐԻՉՆԵՐԸ ՀԱՐԿՎՈՒՄ ԽԱՆՈՒԹՆԵՐԻՆ ՈՒ ԽԱՂԱՏՆԵՐԻՆ ՀԱՎԱՍԱՐ

- Երեւանի ավագանու նիստերից մեկի ժամանակ հարց բարձրացրիք նկարիչների արվեստանոցների հարկվելու թեմայի մասին, ի՞նչ լուծում տրվեց:

- Հիմա, որքան գիտեմ, քննարկման փուլում է, այդ ժամանակ Նկարիչների միությունը նամակ էր ուղարկել, անկեղծ ասած, այս ընթացքում այնքան խառը հարցերով ենք զբաղվել, որ նկարիչների մասով, ոչ թե մոռացել եմ, այլ` ընդամենը պետք է հասկանայի` ներեցի՞ն իրենց այդ պարտքերը, թե` ոչ: Կճշտեմ, թե ինչ ընթացք ունեցան այս ամբողջ խառը իրողությունները, որովհետեւ օրենքի փոփոխություն չի կարող լինել, ընդամենը պետք է այդ նամակին քաղաքապետը դրական եզրակացություն տար, որպեսզի այդ պարտքերը մարվեին: Ինչպես իրենք նշում էին, նախկին քաղաքապետների օրոք պարբերաբար դիմել են, քանի որ իրենց արվեստանոցները հարկվում են ինչպես խանութները, կամ խաղատները: Բայց այս մարդիկ ասում են` մերն արվեստանոց է արհեստանոց չէ: Դրա համար պետք է շատ լուրջ օրենսդրական փոփոխություն իրականացնեն, որպեսզի ստեղծագործ մարդկանց համար այլ չափորոշիչներ սահմանեն: Թե դա արդեն օրենսդրական մասով ինչպես կլինի, չգիտեմ, բայց այս պահին լավատես եմ, որ քաղաքապետը իրենց ներած կլինի` այդ պարտքերի մասով:

Նարինե Խաչատուրյանը նշանակվել է Կրթության, գիտության, մշակույթի եւ սպորտի նախարարի տեղակալ

- Ասում են, որ ժամանակին այդ արվեստանոցները կա՛մ վաճառվել են, կամ սեփականաշնորհվել...

- Այո, գուցե ոմանք այդպիսի տրանսֆորմացիաների են ենթարկել արվեստանոցները, գուցե չեն էլ դիմում` տանում հանգիստ մուծում են, բայց խոսքը իրական ստեղծագործ արվեստագետների մասին է, խնդիրը այս մարդկանց շրջանակում է ու նամակով դիմել էին Նկարիչների միության անդամները: Ամեն դեպքում, ես հետեւողականորեն կպարզեմ:

«Առանց Մշակույթի նախարարության ստորադասվում է մշակույթը». Արև Սամուելյան (ՏԵՍԱՆՅՈՒԹ)

 

«ԻՆՏՐԻԳՆԵՐ ԲՈԼՈՐ ԹԱՏՐՈՆՆԵՐՈՒՄ ԷԼ ԼԻՆՈՒՄ ԵՆ»

- Հռիփսիմե, Պետական կամերային երաժշական թատրոնը միշտ եղել է ինտրիգների կիզակետում, եւ կարելի է ասել, որ այդ ինտրիգները մարեցին Ձեր տնօրեն նշանակվելուց հետո, հիմա, այս պահին թատրոնի ներսում ի՞նչ իրավիճակ է:

- Հիմա թատրոնում բնական աշխատանքային իրավիճակ է, իսկ ինտրիգներ բոլոր թատրոններում էլ լինում են, ուղղակի պետք է ցավով արձանագրեմ, որ այստեղ ժամանակին այդ ինտրիգների մասին երեւի փոքր ինչ ուռճացվել է, կամ` հենց էդպես էլ եղել է, անկեղծ, չեմ էլ տիրապետում այդ տեղեկությանը: Ինձ բացարձակ հետաքրքիր էլ չէ, թե այս թատրոնում նախկինում ինչ ինտրիգներ են եղել, ընդհանրապես ես ինտրիգներով չապրող մարդ եմ: Անգամ որեւէ մեկին չեմ էլ հարցրել դրա մասին: Ի սեր Աստծո, էջեր կան, որ բոլոր թատրոններում, առհասարակ` ընտանիքներում են այդպիսի պատմություններ լինում, պետք է փակել այդ էջն ու անցնել առաջ եւ նայել միայն առաջ: Ես այդ սկզբունքն եմ այստեղ որդեգրել եւ հուսամ` որոշակի արդյուքններ արդեն ունենք: Մեկ տարի է, որ թատրոնի տնօրենն եմ, հիմա մտովի մեկ տարի հետ գնացի ու պիտի ասեմ, որ թեպետ մեկ տարի է, բայց շատ բուռն ու հետաքրքիր: Այս տարվա մեջ մեր թատրոնում նախատեսում ենք 5 պրեմիերա ու այդպես շատ ակտիվ աշխատում ենք, մնում է մեզ չխանգարեն: Մենք ամեն ինչ ճիշտ ենք անում, պատասխանատու ենք մեր գերատեսչության առջեւ, ամեն ինչ անում ենք կանոններով, խնդիրն այն է, որ մեզ թույլ տան աշխատել, քանի որ հիմա թատրոնը շատ ծաղկուն ու մոտիվացված վիճակում է, մենք ոչ միայն կատարում, այլ նաեւ գերակատարում ենք մեր բոլոր պլանները, ընդամենը մեզ թույլ տան ստեղծագործել եւ աշխատել:

«Չնայած իրավիճակ է փոխվել, փորձեցինք կիսատ չթողնել տուն-թանգարանի կյանքի կոչելը» (ՏԵՍԱՆՅՈՒԹ)

Զրուցեց ԼԻԼԻԹ ԵՂԻԱԶԱՐՅԱՆԸ 

 

КОМСОМОЛЬСКАЯ ПРАВДА