ԿԱՐՃ ԼՈՒՐԵՐ

Բացահայտվել են SSJ-100-ի հրդեհի ժամանակ փրկարարների թույլ տված սխալները

15.05.2019 18:04 ՄԻՋԱԶԳԱՅԻՆ
Բացահայտվել են SSJ-100-ի հրդեհի ժամանակ փրկարարների թույլ տված սխալները

SSJ-100 ինքնաթիռի վթարի հետևանքով «Շերեմետևո» միջազգային օդանավակայանի փրկարարական ստորաբաժանումների իրականացրած գործողությունների առնչությամբ հետաքննություն է սկսվել: 

Փորձագետներին տրվել է ավելի քան 50 հարց՝ պարզելու համար նրանց համապատասխանությունը միջազգային կարգավորիչ փաստաթղթերով ներկայացված պահանջներին ու իրականցվող փրկարարական գործողություններին:

«Արդեն կատակների ժամանակը չէ, գործելու ժամանակն է». Պորոշենկոն՝ Զելինսկիին

Ներկա պահին հայտնի է, որ «տագնապի» ազդանշանն օդաչուներին հասել է վնասված 89098-ի (բորտային համար) ընկնելուց 80 վայրկյան անց, մինչդեռ, սովորական պայմաններում, դա պետք է տեղի ունենար SSJ-100-ից տագնապային ազդանշանը ստանալուց անմիջապես հետո, կամ էլ, համենայն դեպս, մինչև օդանավի վայրէջքի մեկնարկը:

Չնայած այն հանգամանքին, որ վայրէջքը տեղի է ունեցել նորմալ ռեժիմով, 89098-ից տագնապային ազդանշան է ստացվել, որը ստանալուն պես փրկարարները պարտավոր էին դուրս բերել սարքավորումները:

Բացի այդ, այրվող ինքնաթռի հրդեհը կասեցնելու համար նախատեսված 6 Elefant փրկարարական-տրանսպորտային միջոցներից միայն 2-ն են առաջին վեց րոպեների ընթացքում դեպքի վայր հասել: Ավելին, դրանք միայն ջրով են բեռնված եղել, այլ ոչ թե փրփուրով, որն այդքան անհրաժեշտ է բռնկված վառելիքը մարելու համար:

Քաղաքացիական ավիացիայի որոշ աշխատակիցների կողմից արված հայտարարություններն այն մասին, որ փրկարարական թիմերի իրականացրած գործողությունները համապատասխանում են սահմանված կանոններին, մեղմ ասած, չափազանցված են և հետաքննության արդյունքում չեն հաստատվել:

Հիշեցնենք, որ SSJ-100-ի վթարը տեղի է ունեցել մայիսի 5-ի երեկոյան՝ Մոսկվայի «Շերեմետևո» օդանավակայանում: Օդանավի պոչային մասի հրդեհի հետևանքով 41 մարդ է զոհվել: Ինքնաթիռում 78 մարդ է եղել:

 

КОМСОМОЛЬСКАЯ ПРАВДА