o C     16. 09. 2019   : :

ԿԱՐՃ ԼՈՒՐԵՐ

ՄԵԼԱՆՅԱ ՍՏԵՓԱՆՅԱՆ. ԱՐԴԵՆ ԿԱՐՈՂ ԵՆՔ ԿԱԶՄԵԼ ՀԱՅԱՍՏԱՆԻ ԳԵՂԱՍԱՀՔԻ ՀԱՎԱՔԱԿԱՆԸ

07.05.2019 22:10 ՍՊՈՐՏ
ՄԵԼԱՆՅԱ ՍՏԵՓԱՆՅԱՆ. ԱՐԴԵՆ ԿԱՐՈՂ ԵՆՔ ԿԱԶՄԵԼ ՀԱՅԱՍՏԱՆԻ ԳԵՂԱՍԱՀՔԻ ՀԱՎԱՔԱԿԱՆԸ

Իրինա Ռոդնինայի անվան գեղասահքի մարզադպրոցում ավարտվեց գեղասահքի Հայաստանի բաց առաջնությունը, որին, բացի Հայաստանի մարզիկներից, մասնակցեցին նաեւ յոթ երկրների ներկայացուցիչներ, ընդհանուր առմամբ՝ 103 գեղասահորդ: Հայաստանի առաջատար գեղասահորդներից առաջնությանը մասնակցեց միայն Սլավիկ Հայրապետյանը, նրանից բացի տղամարդկանց մենասահքում այլ մասնակից չկար: Անաստասիա Գալուստյանը հարգելի պատճառներով հրաժարվել է մասնակցությունից:

Տեղի կունենա Սամբոյի միջազգային հուշամրցաշար

Կանանց պայքարում հաղթեց Մարինա Ասոյանը, որին հաջորդեցին Իզաբելա Դավթյանն ու Մոնիկա Ղեւոնդյանը: Տարբեր տարիքային խմբերում հաղթողներ դարձան նաեւ Միքայել Սալազյանը, Վերա-Մարինա Սիմոնյանը, Լիանա Ֆանաջյանը, Մարկ Հակոբյանը, Նադյա Վարդանյանը եւ Նատալի Ղազարյանը: Հայաստանի գեղասահքի ֆեդերացիայի նախագահ Մելանյա Ստեփանյանի գնահատմամբ, ընդհանուր առմամբ, առաջնությունը ստացվեց, եւ մեր մարզիկները վատ հանդես չեկան: Մասնագետի խոսքով, առայժմ միայն բաց առաջնություն կազմակերպելով է հնարավոր տեղի մարզիկների միջեւ մրցակցություն ապահովել, հակառակ դեպքում պայքարը կընթանա միայն Իրինա Ռոդնինայի անվան մարզադպրոցի սաների միջեւ: «Ամեն երկրից կար 1-2 մասնակից, բայց ուժեղ գեղասահորդներ են եւ մեծ մրցակցություն ապահովեցին առաջնությունում: Հայաստանից կար շուրջ 80 մասնակից: Գոհ եմ բոլորի արդյունքներից, քանի որ արդեն մրցակցություն եմ նկատում մարզիկների միջեւ: 4 տարի է, ինչ մարզադպրոցը գործում է, եւ երեխաներն արդեն մրցում են միմյանց հետ: Արդեն կարող ենք կազմել Հայաստանի հավաքականը, որպեսզի այս մարզիկները կարողանան մասնակցել միջազգային մրցաշարերի»,- ասաց Մելանյա Ստեփանյանը: Իսկ գեղասահքի Հայաստանի առաջնության մրցավարական կազմի անդամները բոլորը արտերկրից էին, առաջնության գլխավոր մրցավարն էր ISU-ի փոխնախագահ Ալեքսանդր Լակերնիկը: Առաջնության հատուկ հյուրը համաշխարհային գեղասահքում հայտնի մարզիչ Ռաֆայել Հարությունյանն էր, ով, խոսելով հայկական գեղասահքի «առողջացման» մասին, նշեց. «Ցանկացած խնդրի լուծման համար անհրաժեշտ է հրավիրել լավագույն մասնագետների՝ սկսած ճգնաժամային մենեջերից եւ մինչեւ սառույցի մասնագետներ: Միայն այդ դեպքում է հնարավոր ճգնաժամից դուրս գալ արագ ու արդյունավետ: Իսկ դրա համար անհրաժեշտ է ֆինանսավորում, պետության ու ժողովրդի աջակցությունը»:

ԲԱՅՑ ՉԷ՞ ՈՐ ԽՈՍՔՆ ԸՆԴԱՄԵՆԸ ԵՎՐՈՊԱՅԻ ԼԻԳԱՅԻ ՈՐԱԿԱՎՈՐՄԱՆ ԵՐՐՈՐԴ ՓՈՒԼԻ ՄԱՍԻՆ Է

Հայաստանի բաց առաջնությանը ոչ մրցութային ծրագրով մասնակցեց մեկ պարային զրույգ Իտալիայից, գեղասահորդուհու հայրը ազգությամբ հայ է, Մ. Ստեփանյանը տեղեկացրեց, որ մարզիկները հանդես կգան Հայաստանի հավաքականի կազմում: «Նրանք ցանկություն են հայտնել ներկայացնել Հայաստանը: Լավ կլինի, որ ունենանք երկու պարային զույգ: Հույս ունեմ, որ կգա մի ժամանակ, երբ մեր հավաքականը բաղկացած կլինի Հայաստանում մարզվող եւ հայաստանցի գեղասահորդներից, պարային զույգերից»,- եզրափակեց ֆեդերացիայի նախագահը:

ԵՐԵՔ ՀԱՅԿԱԿԱՆ ԱԿՈՒՄԲ ՇԱՐՈՒՆԱԿՈՒՄ Է ԵԼՈՒՅԹՆԵՐԸ ԵՎՐՈՊԱ ԼԻԳԱՅՈՒՄ

ՔՐԻՍՏԻՆԵ ՊԵՏՐՈՍՅԱՆ

 

КОМСОМОЛЬСКАЯ ПРАВДА