o C     17. 07. 2019   : :

ԿԱՐՃ ԼՈՒՐԵՐ

Հայտնաբերվել է անանուխի պաստեղի անսպասելի օգուտը

01.05.2019 18:01 ՀԱՆՐՈՒԹՅՈՒՆ ԱՌՈՂՋԱՊԱՀԱԿԱՆ
Հայտնաբերվել է անանուխի պաստեղի անսպասելի օգուտը

Հարավային Կարոլինայի բժշկական համալսարանի (ԱՄՆ) գիտնականները հայտնաբերել են անանուխի պաստեղի անսպասելի օգուտը: Digestive Diseases&Sciences ամսագրում հրապարակված հետազոտության մեջ նշված է, որ անանուխի պաստեղները կերակրափողի հետ կապված խնդիրների դեպքում օգնում են վերացնել ցավը:

«Դեպքի վայրի զննությամբ այս պահին հայտնաբերվել է 6 այրված դի»

Հետազոտությանը մասնակցել է 38 պացիենտ, որոնց մոտ խնդիրներ են եղել կլլելիս, ինչպես նաեւ կրծքավանդակում պարբերական ցավ, որը սրտի հիվանդության հետ կապված չէր: Այս ամենը կերակրափողի մկանային սպազմի հետեւանք էր:

Ուտելուց առաջ եւ հետո փորձարկվողներին տվել են երկու պաստեղ, որոնք պարունակել են խտացված անանուխի յուղ: Արդյունքում կամավորներից 63 տոկոսի մոտ դրական փոփոխություններ են դիտվել: Նրանցից կեսի մոտ ախտանշաններն ամբողջությամբ վերացել են, իսկ մնացյալի մոտ՝ մասնակի:

Գիտնականները պաստեղների բարերար էֆեկտը կապում են այն բանի հետ, որ անանուխը նպաստում է հարթ մկանունքի թուլացմանը: Այս էֆեկտի շնորհիվ հաջողվում է խուսափել կերակրափողի սպազմից:

Հետազոտողները նախատեսում են անցկացնել նոր, ավելի մասշտաբային կլինիկական փորձարկումներ հաստատելու համար անանուխի պաստեղների գործածման եւ կերակրափողի վիճակի բարելավման միջեւ եղած կապը:

 

КОМСОМОЛЬСКАЯ ПРАВДА