ԿԱՐՃ ԼՈՒՐԵՐ

«Վստահ չեմ, որ գերնախարարությունների պատասխանատվության տակից նախարարները կարողանալու են դուրս գալ»

19.04.2019 20:10 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
«Վստահ չեմ, որ գերնախարարությունների պատասխանատվության տակից նախարարները կարողանալու են դուրս գալ»

 Այս շաբաթ խորհրդարանն առաջին ընթերցմամբ ընդունեց «Կառավարության կառուցվածքի եւ գործունեության մասին» ՀՀ օրենքում փոփոխություններ եւ լրացումներ կատարելու, ինչպես նաեւ հարակից օրենքներում փոփոխություններ կատարելու մասին նախագիծը£ Դեմ քվեարկեցին ԲՀԿ եւ ԼՀԿ խմբակցությունները, իսկ նրանց կողմից բարձրացված մի շարք հարցեր, այդպես էլ մնացին անպատասխան: Այս ամենի մասին «Իրավունք TV»-ի տաղավարում զրուցել ենք ԱԺ «Լուսավոր Հայաստան» խմբակցության քարտուղար ԳԵՎՈՐԳ ԳՈՐԳԻՍՅԱՆԻ հետ:

Քոչարյանի ազատվելու պատճառը Փաշինյանի ոչ հեղափոխական գործելակերպն է.«Սասնա Ծռեր»

«ՈՒՆԵՆԱԼՈՒ ԵՆՔ ԿՈՐՑՐԱԾ ԺԱՄԱՆԱԿ ԵՎ ԿՈՐՑՐԱԾ ՌԵՍՈՒՐՍՆԵՐ»

– Պարոն Գորգիսյան, երբ կյանքի կոչվի կառավարության կառուցվածքի փոփոխության վերոնշյալ նախագիծը, ըստ Ձեզ, ի՞նչ հետեւանքներ է այն ունենալու:

Նախ ասեմ, որ նախագիծն ամենակարեւորից է զուրկ` նպատակից, չկա պատասխան, թե ինչի՞ համար է արվում: Եթե ինչ-որ բան ուզում ես կառուցել, դրա համար պետք է ունենաս նախագիծ, հաշվարկներ, թե քեզ ինչ է պետք եւ ի վերջո ինչ ես ուզում ստանալ: Այդ նախագծում, որպես այդպիսին, չկային այս հարցերի պատասխանները: Եվ չկային նաեւ հաշվարկներ, թե ինչ ազդեցություններ են ունենալու հետագայում այդ կատարվող փոփոխությունները: Մենք ստիպված նույնիսկ հարցապնդումներ էինք արել կառավարությանը` ստանալու այն թվերը, որոնք ի սկզբանե պետք է լինեին նախագծի հիմնավորման, ազդեցության գնահատականների մեջ, բայց նույնիսկ կարիքների գնահատում չկար: Մենք, չունենալով կառավարության փորձագիտական ներուժը եւ ռեսուրսները, երկրի կարիքներին ավելի համահունչ նախագիծ էինք ներկայացրել, որոնք պատասխանում են այն խնդիրներին, որոնք հենց այսօր ծառացած են երկրի առաջ, եւ պահանջում են հրատապ լուծումներ: Իսկ կառավարության ներկայացրած նախագիծը նույնիսկ չէր բխում կառավարության ծրագրից: Եթե ծրագրում հստակ գրված է, որ պետք է իրականացնել պարենային անվտանգության, գյուղատնտեսությունը զարգացնելու ուղղությամբ քայլեր, ապա այժմ Գյուղատնտեսության նախարարություն առհասարակ չենք ունենալու: Եվ առհասարակ չկա պատասխան, թե այդ նախարարություններն ինչ սկզբուքով են միմյանց ձուլվում, կարծես, կոնկրետ անձերով պայմանավորված լինի, այլ` ոչ թե տեսլականով: Շատ բարդ ու ծանր ոլորտներ միացված են իրար: Վերցնենք Կրթության, գիտության, մշակույթի եւ սպորտի նախարարությունը. եթե սպորտը նույնիսկ կարելի է դիտարկել կրթության, գիտության ցիկլի մի մաս, ապա մշակույթը մի ամբողջ համակարգ է, մի ամբողջ աշխարհ է: Իսկ կրթության եւ գիտության ոլորտում մենք այսօր էլ ունենք շատ լուրջ խնդիրներ, հենց նախարարի ձեւակերպմամբ` նա ժառանգել է ավերակներ, եւ այս ավերակները մինչեւ խելքի բերվեն, շատ ժամանակ, ռեսուրս ու ջանք է պետք:

«Պետք է ազատվենք այս դիլետանտ եւ փուչ կառավարությունց». Վահան Բաբայան (Տեսանյութ)

Կառավարության ներկայացուցիչներն ասում են, որ յուրաքանչյուր ոլորտ կունենա իր փոխնախարարը, բայց չէ՞ որ նախարարն է քաղաքական պատասխանատվություն կրում: Այս դեպքում ո՞ւմից ենք ինչ պահանջելու:

Փաստացի մի մարդուց մի քանի ոլորտների համար բան պետք է պահանջենք, բայց նա ոչ միայն պատասխանատվություն է կրելու, այլեւ պետք է մշակի քաղաքականությունը: Վստահ եմ, որ առնվազն մի քանի ոլորտներ, որ միացել են իրար, ուղղակի անհնար կլինի, որովհետեւ նույն գյուղատնտեսության համար քաղաքականությունը լրիվ այլ է, քան ընդհանուր տնտեսական զարգացման եւ ներդրումային միջավայր ստեղծելու համար: Կամ մշակույթի, կրթության եւ սպորտի համար քաղաքականություն մշակելը լրիվ առանձին հարցեր են: Այս ամենը խառնաշփոթ է ստեղծելու, որովհետեւ մի մարդ չի կարողանալու այդ բեռի տակից դուրս գալ: Մենք վստահ ենք` վախ, թե ուշ կառավարությունը գալու է մեր ասած այսօրվա հիմնավորումներին եւ կրկին Ազգային ժողով է գալու` փոխելու կառավարության կառուցվածքը: Բայց մենք ունենալու ենք կորցրած ժամանակ եւ կորցրած ռեսուրսներ, որոնք ոչ այնքան օպտիմալ են օգտագործվել:

«Խնդրում եմ` միացեք ինձ` մեր երկրի խաղաղութան համար». ՀՀ վաստակավոր արտիստը դատարանի բակում է

«ՉՈՒՆԵՆ ՃԻՇՏ ՀԱՇՎԱՐԿ ԿԱՄ ՎԱԽԵՆՈՒՄ ԵՆ ՍՈՑԻԱԼԱԿԱՆ ԸՆԴՎԶՈՒՄՆԵՐԻՑ»

– Ինչո՞ւ իշխանությունը հետեւողականորեն չի ասում թվեր, թե կառավարության կառուցվածքի փոփոխության հետեւանքով որքա՞ն մարդ է օպտիմալացվելու եւ գործազուրկ մնալու: Մի՞թե սա ռազմական գաղտնիք է, երբ ՔՊ-ական պատգամավոր Սասուն Միքայելյանն անգամ բանակի թվաքականի մասին է ԱԺ ամբիոնից բարձրաձայնում...

Կարծում եմ` ուղղակի չունեն ճիշտ հաշվարկ կամ վախենում են սոցիալական ընդվզումներից: Խոսում են սկզբունքների մասին, թե ինչպես պետք է արվեն կրճատումները, ինչպես պետք է ընտրվեն քաղաքացիները, ովքեր մնալու են աշխատատեղերում, որոնք ուղղակի մտացածին են, որովհետեւ գործող օրենքներով այն, ինչ իրենք ասում են, որ անելու են` անհնար է: Եվ դեռեւս չկա որեւէ քննարկում, թե այդ օրենքները ինչպես պետք է փոխվեն եւ երբ, իսկ կառուցվածքն այսօր արդեն առաջին ընթերցմամբ ընդունված է, սա նշանակում է, որ շուտով այն կմտնի հաջորդ ԱԺ քառօրյայի օրակարգ, կանցնի երկրորդ ընթերցմամբ ու կսկսի գործել: Այսինքն` մոտավորապես մեկուկես ամսից ունենալու ենք այս կառուցվածքը` դրանից բխող հետեւանքներով: Հետեւանքներ, որոնք ոչ ոք չգիտի, որեւէ հաշվարկ չի արվել, թե մեզ ինչ է սպասվում: Հենց սա է ամենամտահոգիչը, որովհետեւ չկա կանխատեսում, չկա հաշվարկ: Մինչդեռ պետք էին չոր թվեր. օրինակ` այս նախարարությունը միանում է մյուսին, մեզ այստեղից պետք է հինգ մարդ, մնացած 50-ը դառնում են գործազուրկ, եւ պետությունն այդ 50 մարդու համար ունի հետեւյալ սոցիալական ծրագիրը, որ նրանք կարողանան վերապրոֆիլավորվել եւ կարողանան մտնել աշխատաշուկա: Սակայն չկա որեւէ տեսլական, միակ բանը, որ ասվում է, հետեւյալն է` դե, մենք ամենալավ կադրերին կընտրենք: Էդ ամենալավն ինչպե՞ս է որոշվելու, ո՞վ է որոշելու, ի՞նչ սկզբունքով: Այս մասին որեւէ խոսք դեռեւս չկա: Եվ բնականաբար, խնդրահարույց կետերից մեկը սուպերվարչապետական համակարգի պահպանումը եւ ուժեղացումն է:

Արամ Սիմոնյանի` սեփական աթոռը «ճանկռտելու» փաշինյանական բնորոշումների մասին. «Հրապարակ»

Ու, ըստ էության, ստեղծվում է սուպերնախարարական համակարգ, որտեղ ամեն մի նախարար 6-7 ոլորտի պատասխանատու է դառնում...

Եվ, փաստորեն, նման լուրջ պատասխանատվությունների տիրույթով դառնալու են գերնախարարություններ, որոնց պատասխանատվության տակից, վստահ չեմ, որ նախարարները կարողանալու են դուրս գալ:

«ՆԻԿՈԼ ՓԱՇԻՆՅԱՆԸ ՏՎԵՑ ԿԻՍԱԽՈՒՍԱՓՈՂԱԿԱՆ ՊԱՏԱՍԽԱՆ»

– ԱԺ «Իմ քայլը» խմբակցության պատգամավոր Վահագն Հովակիմյանը, որը կառավարության կառուցվածքի փոփոխության մասին հարակից զեկուցողն էր, անընդհատ նշում էր, թե Նիկոլ Փաշինյանը կգա եւ բոլոր հարցերի պատասխանները կտա: Կառավարության հետ հարցուպատասխանի ժամանակ ստացա՞ք այդ հարցերի պատասխանները:

ԵՐԵՔ ՎԱՐԿԱԾ, ԹԵ ԻՆՉՈՒ ՆԻԿՈԼԸ ԸՆԿԵՐ ՍԻԻ ՀԵՏ ԽՈՍՈՒՄ ԷՐ ՌՈՒՍԵՐԵՆ

Հարցուպատասխանի ժամանակ, բնականաբար, չքննարկեցինք կառավարության կառուցվածքը: Բայց ես հստակ հարց տվեցի պարոն Փաշինյանին, թե մեկ տարի առաջ` 2018 թվականի մայիսի 1-ին, երբ նա հստակ, ուղիղ հարցին, ուղիղ պատասխանել էր տվել, որ` այո, փոխելու է սուպերվարչապետական համակարգը, այո՛, պետք է ոստիկանությունն ու ԱԱԾ-ն դառնան նախարարություններ, ինչո՞ւ չեք կատարում ձեր խոստումը: Ճիշտ է, եթերը, կարծես թեպատահականությամբ ընդհատվեց, բայց հարցը հնչեց, եւ հնչեց կիսախուսափողական պատասխան, թե միանգամից ամեն ինչ չի կարելի փոխել, հետո, քայլ առ քայլ կանենք... Բայց այդ փոփոխությունների ժամանակը հիմա է, որովհետեւ հիմա ենք մենք փոխում կառավարության կառուցվածքը: Եվ եթե հիմա կա տեսլական, թե ինչ ենք ուզում կառուցել , ապա չպետք է մեզ կաշկանդի մի քիչ ավել կամ մի քիչ պակաս փոխելը: Այստեղ ամենամեծ խնդիրը, կարծում եմ, սա է, որ չկա հստակ մոտեցում, գաղափար, տեսլական, թե ինչ ենք ուզում ստանալ արդյունքում: Իսկ մեր առաջարկած տարբերակում առաջարկել էինք մի մոդել, որտեղ ամեն ոլորտի եւ ամեն գործողության համար` սկսած տեսչական մարմիններից վերջացրած ուժայիներով, կա քաղաքական պատասխանատու, եւ նա հստակ հաշվետու է ԱԺ-ին: Սա է եղել մեր մոտեցումը` կա հստակ գաղափար եւ այդ ամենին համահունչ հստակ կառուցվածք:

«Ով կասի, 3-6 տարեկան հասակում իմ երեխայի միտքը կենտրոնացնելու եմ սեռական հասունացման վրա, ուրեմն` հայ չէ» (Տեսանյութ)

Կառավարության կառուցվածքի վերաբերյալ բուռն քննարկումները, կարծես, ստվերվեց, երբ երեկ հայտնի դարձավ, որ Քաղաքացու օրը նշելու համար կառավարությունը 124 միլիոն է նախատեսել: Ինչպե՞ս եք վերաբերվում դրան:

Եթե օրը հայտարարվել է կառավարության կողմից տոն, նորմալ է, որ ծախսվում են գումարներ: Բայց այդ օրը տոն դարձնելու հետ կապված մենք ունեինք վերապահումներ: Ես անձամբ դեմ եմ քվեարկել` մի պարզ հիմնավորմամբ, որ որեւէ կառավարություն չպետք է իր արածին տա գնահատականներ: Այդ գնահատականը պետք է տա ժամանակը, եւ որոշ ժամանակ հետո պետք է տան քաղաքացիները  եւ հասարակությունը, բայց կառավաությունը որոշեց, որ այդ օրը տոն է: Փաստացի այն ոչ թե քաղաքացու, այլ հեղափոխության օրն է: Եվ հետեւաբար անում են ծախսեր, արդյոք այդ գումարները կարելի էր ավելի առաջնային խնդիրների վրա ծախսել, իհարկե` այո: Բայց եթե պետք է նշվի տոն, նրանք պետք է այդ ծախսն անեն, որովհետեւ նույն ձեւով մեր կառավարությունը եւ Ազգային ժողովի մեծամասնությունը համապատասխան օրենքի փոփոխությամբ` այդ օրը հավասարեցրին Ամանորի տոնակատարություններին, Անկախության օրվան եւ օրացույցային այլ տոներին:

«Ծռերը» հիմա էլ զինվում են հակաեկեղեցականներո՞վ

Իսկ Ձեզ այդ տոնի մի մասնիկը համարո՞ւմ եք...

Ճիշտն ասած, չգիտեմ, այդ ուղղությամբ չեմ մտածել, որովհետեւ չեմ հասկանում` ի՞նչ է նշանակում քաղաքացու օր: Ամեն օրը պետք է լինի քաղաքացու օր, ամեն օր քաղաքացին պետք է իրեն զգա պաշտպանված պետության կողմից, պետք է զգա, որ պետությունը հոգ է տանում իր մասին, ականջալուր է իր բարձրացրած ձայնին եւ տեր է իր ունեցած խնդիրներին: Եթե մենք այս ամենն ունենանք եւ ունենանք նաեւ իրավագիտակից քաղաքացի, նույնիսկ կարիք չենք ունենա քաղաքացու օր նշել: Այլ բան է, որ ուղղակի, չցանկանալով նմանվել խորհրդային ժամանակների հեղափոխության օր նշելու մոդելին` փուչիկներով, երթերով եւ այլն, որոշվեց անունը դնել Քաղաքացու օր, բայց չեմ կարծում, որ այն իրապես քաղաքացունն է, որովհետեւ եթե հեղափոխության հետ ենք կապում, այն ուներ երկու կողմ, եւ երկու կողմում էլ քաղաքացիներ էին: Հետեւաբար` արդյոք սա քաղաքացիների տոնն է, չեմ կարող ասել, որովհետեւ մյուս կեսը չի տոնելու: Եվ, ի վերջո, արդյոք այսօր ունենք ձեռքբերումներ, որ արժե տոնել... Պետք էին ժամանակ եւ հստակ արձանագրված ձեռքբերումներ` տնտեսական աճ, քաղաքացիների կյանքի որակի բարձրացում, բազմաթիվ այլ ֆակտորներ, որոնցով կարելի էր արձանագրել, որ` այո, մենք ունենք ձեռքբերումներ:

Ի՞նչ է ուզում Փաշինյանի իշխանությունը եկեղեցուց

ՀՐԱՆՏ ՍԱՐԱՖՅԱՆ

Հարցազրույցն ամբողջությամբ դիտե՛ք տեսանյութում. 

 

КОМСОМОЛЬСКАЯ ПРАВДА