ԿԱՐՃ ԼՈՒՐԵՐ

«ԱՌԱՆՁԻՆ ՔԱՂԱՔԱՑԻՆԵՐԻ ՄՈՏ ԱՆԳԱՄ ՇՓՈԹՄՈՒՆՔ ԿԱՐ, ԹԵ «ԵԼՔԸ» ՈՐՔԱՆՈՎ Է ԿԱՊՎԱԾ «ԻՄ ՔԱՅԼԻ» ՀԵՏ»

17.04.2019 20:50 ՀԱՆԴԻՊՈՒՄ
«ԱՌԱՆՁԻՆ ՔԱՂԱՔԱՑԻՆԵՐԻ ՄՈՏ ԱՆԳԱՄ ՇՓՈԹՄՈՒՆՔ ԿԱՐ, ԹԵ «ԵԼՔԸ» ՈՐՔԱՆՈՎ Է ԿԱՊՎԱԾ «ԻՄ ՔԱՅԼԻ» ՀԵՏ»

Ազգային ժողովի հերթական նիստերը երեկ մեկնարկեց թեժ բանավեճով` է՛լ դեմագոգ, է՛լ պոպուլիստ, է՛լ զոմբի ու «համազուսպ»: Պատճառը քաղաքական մեծամասնության կողմից մերժելն էր, որ ընդդիմադիր խմբակցությունների նախագծերը լիագումար նիստի օրակարգ ընդգրկվեն: Այս անգամ միմյանց չխնայեցին իշխանությունն ու ընդդիմությունը: Ի դեպ, խորհրդարանական օրվա առանցքային դերակատարներից էր նաեւ ԱԺ «Իմ քայլը» խմբակցության պատգամավոր ՀԱՄԱԶԱՍՊ ԴԱՆԻԵԼՅԱՆԸ, որի ելույթին նախորդել էին ընդդիմադիր պատգամավորների բուռն հայտարարություններ` ժողովրդին ավելի մոտ լինելու մասին: Ի պատասխան Հ. Դանիելյանն ասել էր. «Այս պրակտիկաները բերեք դադարեցնենք: Հարց է հնչում` ո՞վ է ավելի մոտ ժողովրդին: Նորից եմ հարցնում` լո՞ւրջ եք ասում: Ակնհայտ է, որ սաբոտաժի մարտավարությունը ընտրված է, հասարակության տարբեր շերտերի ականջին հաճելի օրինագծեր են բերում, որոնք իրենք էլ չեն պատկերացնում` ինչպես են իրագործելու, հետո էլ պրոֆեսիոնալիզմի մասին են խոսում»: Այս եւ այլ մտքեր էլ ավելի բորբոքեցին ընդդիմադիր խմբակցության պատգամավորների վրդովմունքը, մասնավորապես` ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ, ԲՀԿ-ական Նաիրա Զոհրաբյանը հորդորեց. «Համազա՛սպ, մի քիչ զուսպ եղեք»: Իմքայլական պատգամավորին իր ելույթում անդրադարձավ նաեւ ԱԺ «Լուսավոր Հայաստան» խմբակցության ղեկավար Էդմոն Մարուքյանը: Ստեղծված ամենեւին էլ ոչ սիրո ու հանդուրժողականության մթնոլորտի մասին «Իրավունքը» զրուցեց հենց Համազասպ Դանիելյանի հետ:

«Արդարադատության շահը չպետք է փոխկապակցվի այս կամ այն պաշտոնյայի դիրքորոշման հետ»

 

«ԿԱ՛Մ ԼՀԿ-ԻՆ ԷԻՆ ԽԱԲԵԼ, ԿԱ՛Մ ԻՐԵՆՔ ԷԻՆ ԽԱԲՈՒՄ»

– Պարոն Դանիելյան, ի պատասխան Ձեր ելույթի` Է. Մարուքյանը հարց տվեց. «Ընդդիմությունը տարբեր բաներ չի ներկայանում, իրենց տարբեր բաներ կոչող ֆրակցիաները ո՞րն ա»: Դուք էլ տեղից արձագանքեցիք, թե հետո կասեք` ինչ նկատի ունեիք` Ձեր ելույթում նման ակնարկ անելով: Կմանրամասնե՞ք:

Էդմոն Մարուքյանը, երբ սկսեց ելույթ ունենալ` ինձ նայելով, հենց անունս տալով` ասում էր, թե խմբակցությունները տարբեր դիրքորոշումներ, ոչ փոփոխական դիրքորոշումներ չեն արտահայտում: Ասացի` եթե պետք է, կարող եմ բացատրել` ինչ նկատի ունեմ:

«Ազգապահպան առաքելությանը սպառնալով` խոցելի ենք դարձնում հայ մարդու ոչ միայն ինքնությունը, այլեւ անվտանգությունը»

Իսկ ի՞նչ նկատի ունեիք:

Այսօր, որ հետագծից է սիրում խոսել Մարուքյանը, կարող ենք նայել «Լուսավոր Հայաստան» կուսակցության վերջին 8 ամսվա հետագիծը: Տեսնենք հրապարակային հայտարարությունները, դիրքորոշումները: Երեւանի ավագանու ընտրություններում Էդմոն Մարուքյանը փրփուրը բերանը վերցրած` հայտարարում էր, թե իրենք հաղթելու են, որովհետեւ իրենք սոցիոլոգիական հարցումներ են արել եւ առաջին տեղում են եւ այն ժամանակ ընդդիմադիր էին: Կարծում եմ` կա՛մ այդ հարցումներով «Լուսավոր Հայաստանին» էին խաբել, կա՛մ իրենք էին խաբում: Բայց սա իրենց խնդիրն է, թող իրենք մտածեն, նման որակյալ ընտրություններում գրանցված արդյունքները, կարծում եմ, շատ լավ դաս էր իրենց համար, որ դեկտեմբերին իրենք արդեն հանդես չէին գալիս` որպես իշխանության հավակնորդ` որքան էլ հետաքրքիր է: Դասական գործիչը պետք է իմանա, որ դասական կուսակցությունը իշխանության համար է պայքարում: Մինչդեռ իրենք հիմնականում հանդես էին գալիս որպես հեղափոխության, Նիկոլ Փաշինյանի աջակից, երբեմն անգամ չէին խորշում, երբ ասում էին «Ելքի» մասին: Առանձին քաղաքացիների մոտ անգամ շփոթմունք կար, թե «Ելքը» որքանով է կապված «Իմ քայլի» հետ: Ինչի սրանք նորություննե՞ր են, չի՞ եղել սենց բան: Բայց հիմա ուզում եմ հստակ ասել, որ իմ ելույթը որեւէ կերպ առնչություն չուներ «Լուսավոր Հայաստանի» հետ, թեպետ չեմ խորշում, երբ ասելու բան ունեմ, կարող եմ ասել: Իմ ելույթը, եթե ընթացակարգին հետեւեր նույն Էդմոն Մարուքյանը, կհասկանար, որ հաջորդել է շատ կոնկրետ օրենքի նախագծի, որը բերել է կոնկրետ խմբակցություն եւ այդ կոնկրետ խմբակցության ներկայացուցիչները իրենց իրավունք վերապահեցին դուրս գալ որոշակի սահմաններից: ԲՀԿ-ի ներկայացուցիչ Գեւորգ Պետրոսյանը սահմանը հատեց, երբ իրեն իրավունք վերապահեց ասելու, թե իբր իրենք ժողովրդի հետ կապված են, ժողովրդի մեջ մտնում են, եւ իրենց նախագիծը ժողովրդի պահանջն է, իսկ իմքայլական պատգամավորներն այդ կապը չունեն, մենք չենք առնչվում ժողովրդի հետ: Եվ ես ընդամենը դուրս եկա եւ ամբիոնից հարցրի` լո՞ւրջ եք ասում, «Բարգավաճ Հայաստան» կուսակցությունն ավելի ինտենստի՞վ է կապված ժողովրդի հետ եւ ժողովրդի ցավով տառապում, քան «Իմ քայլը» դաշինքի պատգամավորնե՞րը:

«Հոգեւոր առաջնորդների հանդիպումը շահեկան էր». Գեւորգ Դանիելյան

 

«ԱՐԴՅՈՔ ՄԵՐ ՆՊԱՏԱԿՆ ԱՅՍ ԱՄԲԻՈՆՈՒՄ ԳԶՎՌՏՈՑ ԿԱԶՄԱԿԵՐՊԵԼՆ Է»

– Մինչեւ այս պահը` նախկինում, կարծես, այդքան կտրուկ չէր խորհրդարանում ընդդիմադիրների կեցվածքը, ինչպես հիմա է: Ըստ Ձեզ` ի՞նչ փոխվեց այս անգամ:

Համաձայն չեմ, որ կտրուկ չէր, բայց գիտեք ինչն է ինձ ջղայնացնում. մենք խոսում ենք կոնկրետ հարցերի մասին եւ երբ ուզում ենք քննարկել կոնկրետ փաստեր, հաճախ բերում են ասվածները գլխիվայր շուռ են տալիս: Հանգիստ կարող եմ ասել, որ եթե մենք համեմատենք հռետորաբանությունը «Իմ քայլը» դաշինքի պատգամավորների թե՛ թվի, թե՛ այլ հատկանիշներով, չեմ ուզում շատ փակագծեր բացել, բայց կարող ենք միշտ համարժեք պատասխանել: Բայց արդյոք մեր նպատակը այս ամբիոնում գզվռտոց կազմակերպելն է, «տեղը դնելն է»: Այդ չէ, որովհետեւ խորհրդարանի այս ինստիտուտը  գոնե վերջին երկու տասնամյակում միշտ հեղինակության պակաս է ունեցել: Մենք պետք է կարողանանք մեր խոսքով, մեր գործողություններով մարդկանց վերաբերմունք փոխել, որովհետեւ հենց այս գումարման խորհրդարանը շատ ավելի մեծ ակնկալիքներով է ձեւավորվել: Եվ իրականում ասեմ, որ ինքս չեմ պատրաստվում անընդհատ արձագանքել նման դրսեւորումների ու հույս ունեմ, որ, ի վերջո, իրենք էլ չեն անի: Չգիտեմ, ես կարող է օպտիմիստ եմ, բայց դեռ վերագրում եմ, որ իներցիայով են շարժվում, եւ այդ իներցիայի պահի վերջը գոնե կգա:

«Իրավաչափ ուղին ողջ իրավական համակարգը բարեփոխելն է»

Դուք խոսում եք որոշակի սահմաններն անցնելուց, բայց չե՞ք կարծում, որ այդ սահմանն անցան նաեւ Ձեր խմբակցության պատգամավորները: Օրինակ` Սոֆյա Հովսեփյանը ԲՀԿ-ի ներկայացրած նախագիծը որակեց անհեթեթություն:

Ամենալավ բառը չէ, համաձայն եմ, բայց երկու կարեւոր հանգամանք կա. նախ ժամանակագրությունը, հետո` հերթականությունը, թե ինչ բառեր օգտագործվեցին: Բերվել է ակնհայտ անիրատեսական նախագիծ, եւ դուրս են գալիս ու ասում են` դուք չեք ուզում, որ ժողովրդի ուզածով լինի, դուք ժողովրդի հետ կապ չունեք, իսկ մենք ժողովրդի պահանջն ենք փոխանցում եւ այլն: Մինչդեռ իրականում իրենց նախագծում լուծումներ չկան, այսինքն` խոսքը բարի ցանկություների մասին է:

Արցախում հանրաքվեն ակնհայտ փոխզիջում պետք է հրամցվի

 

«ԱՎԵԼԻ ԼԱՎ Է ԿԱՐՃ ՀԵՏԱԳԻԾ ՈՒՆԵՆԱԼ, ԲԱՅՑ ՉԱՄԱՉԵԼ ԴՐԱՆԻՑ»

– Ձեր կարծիքով` ժողովրդի անունից խոսելը միայն «Իմ քայլի» մենաշնո՞րհն է:

Իհարկե` ոչ, խոսքը ժողովրդի անունից խոսելը չէ, բայց իրենք ասում են` մենք մտնում ենք ժողովրդի մեջ, դուք կապ չունեք ժողովրդի հետ, դուք մտնո՞ւմ եք, թե` ոչ... Եթե այստեղ ժողովրդի անունից խոսելու մենաշնորհի կամ ժողովրդի հետ կապ ունենալու մենաշնորհի մասին է խոսվում, ապա մենաշնորհի հարցը բարձրացվել է ԲՀԿ-ի կողմից:

ԲՀԿ-ական պատգամավոր Նաիրա Զոհրաբյանը Ձեզ կոչ արեց մի քիչ համեստ լինել` ասելով, որ. «Եթե չլիներ Նիկոլ Փաշինյանը, Սասուն Միքայելյանը, եթե չլինեին այստեղ ներկա մեկ-երկուսը» Ձեր մեծամասնությունը հաստատ այս դահլիճում չէր լինի: Ի՞նչ կասեք այս մասին:

Եթե այդ տրամաբանությամբ գնանք, ուրեմն` Նաիրա Զոհրաբյանը պետք է ազնիվ լինի: Եթե ընտրությունների քվեների արդյունքները վերագրում են Նիկոլ Փաշինյանին, ում դերը կարեւոր է եղել, որպես վստահության քվե, Ն. Զոհրաբյանը պետք է այնքան հեռու գնա, որ խոստովանի նաեւ, որ անգամ իրենց խմբակցությունը այդքան մեծ թվով այստեղ ներկա չէր լինի, եթե այդքան մեծ արդյունք չգրանցեր «Իմ քայլը» խմբակցությունը: Գիտեք չէ, որ իրենց պատգամավորների մի մասն այստեղ է, որովհետեւ իրենք բոնուսներ են ստացել, քանի որ ավելացավ «Իմ քայլի» պատգամավորների թիվը: Այնպես որ, եթե կապը բերում է ու նշում Նիկոլ Փաշինյանի հեղինակությունը, ապա հաջորդ նախադասությամբ պետք է ասի նաեւ` շնորհակալություն, հարգելի՛ պարոն Նիկոլ Փաշինյան, որ ձեր հեղինակության շնորհիվ ստացած քվեի համամասնությունն այնքան մեծ էր, որ մենք հիմա այստեղ նստած ենք 26 հոգով եւ ոչ թե ավելի պակաս: Չեմ ուզում գնալ այդ հետագծի մասին խոսակցությունների հետեւից, որովհետեւ ավելի լավ է կարճ հետագիծ ունենալ, բայց չամաչել դրանից, քան` երկար եւ հակասական:

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА