ԿԱՐՃ ԼՈՒՐԵՐ

Թող չգրեր դիմում, ի՞նչ անեմ. Փաշինյանը՝ մաքսային ծառայողի ազատման մասին

15.04.2019 16:50 ՕՐՎԱ ՊԱՏԿԵՐ ՔԱՂԱՔԱԿԱՆ
Թող չգրեր դիմում, ի՞նչ անեմ. Փաշինյանը՝ մաքսային ծառայողի ազատման մասին

Եթե այդպես գնա, հաջորդ բաց նամակը կլինի այն, որ Սերժ Սարգսյանի աշխատանքային իրավունքները խախտել ենք, որովհետև Սահմանադրության համաձայն՝ վարչապետ ընտրվելուց հետո նա մեկ տարի պաշտոնանկության ենթակա չէր. այս մասին լրագրողների հետ զրույցում ասաց ՀՀ վարչապետ Նիկոլ Փաշինյանն՝ անդրադառնալով ԲՀԿ-ական պատգամավոր Գևորգ Պետրոսյանի՝ իրեն ուղղված բաց նամակին, որում նշվում էր, թե խախտվել է ավտոմաքսատան աշխատակցի իրավունքները:

Թինա Կանդելակին՝ Նիկոլ Փաշինյանի և Վլադիմիր Զելենսկու մասին

Հիշեցնենք, որ Նորագավիթի ավտոմաքսատուն այցի ժամանակ սենյակներից մեկում վարչապետը հրահանգել էր, որ այդ սենյակի բոլոր աշխատողները ազատման դիմում գրեն ՀՀ դրոշի նկատմամբ անհարգալից վերաբերմունքի համար:

Դիտարկմանը, թե այդ մաքսայինը, կարծես, քավության նոխազ դարձավ, Փաշինյանն արձագանքեց. «Եղել է փաստ, և փաստին արձագանք: Ես չէի պլանավորել, որ հատուկ պետք է մտնեի այդ սենյակ: Իմիջիայլոց, ես հետագայում հետաքրքրվել եմ՝ մեր հարգարժան քաղաքացին մշտապես աշխատել է ՊԵԿ-ում, մի կարճ ժամանակ աշխատել է ԱԺ-ում և հետ է եկել ՊԵԿ»:

Ինչ վերաբերում է դիտարկմանը, թե ստացվում է՝ աշխատողն իր դիմումի համաձայն է դուրս եկել, բայց վարչապետի հորդորն է եղել պատճառը, վարչապետն ասաց. «Բա ի՞նչ անեի: Թող չգրեր դիմում, ես ի՞նչ անեմ: Բայց ես իմ դիրքորոշումն ունեմ, որ այդպիսի մարդիկ չպետք է լինեն համակարգում: Թող ոչ ոք անակնկալի չգա: Ես կարծում եմ, որ պետական դրոշի նկատմամբ վերաբերմունք բարձրացնող ոչ մի ակցիա այդքան արդյունավետ չի եղել, որքան որ եղել է այդ օրվա միջադեպը»:

 

 

КОМСОМОЛЬСКАЯ ПРАВДА