ԿԱՐՃ ԼՈՒՐԵՐ

Հաղթանակս նվիրում եմ Յուրի Վարդանյանի վառ հիշատակին. Եվրոպայի առաջնության փոխչեմպիոն

13.04.2019 16:02 ՕՐԱՑՈՒՅՑ
Հաղթանակս նվիրում եմ Յուրի Վարդանյանի վառ հիշատակին. Եվրոպայի առաջնության փոխչեմպիոն

Վրաստանի Բաթումի քաղաքում ավարտին մոտեցող ծանրամարտի Եվրոպայի առաջնության 102 կգ քաշային կարգի փոխչեմպիոնի կոչումը նվաճած Սամվել Գասպարյանը մեկնաբանել է իր մրցելույթը:

«Ցանկանում եմ ընդգծել, որ չցուցադրեցի առավելագույն հնարավորություններս: Երեւի, մի քիչ խանգարեց լարվածությունը:

Պատրաստ էի 5-ական կգ ավելի բարձրացնել մարզումներին ցուցադրածս արդյունքներից: Իմ կարծիքով, լարվածությունը խանգարեց: Կաշխատեմ իմ սխալների վրա:

Կձգտեմ ապագայում այս արդյունքը փոխել ոսկե մեդալով: Աշխարհի առաջնությունում կփորձեմ ամենաքիչը կրկնել այս արդյունքը եւ բարձրացնել ավելի լուրջ քաշեր: Կաշխատեմ լարվածությունը հաղթահարելու ուղղությամբ, որպեսզի աշխարհի առաջնությունում ոչինչ չխանգարի ինձ: Այս հաղթանակս նվիրում եմ Յուրի Վարդանյանի վառ հիշատակին»,- նշեց Սամվել Գասպարյանը, ում խոսքերն է մեջբերում ՀԱՕԿ-ը։

Նշենք, որ Սամվել Գասպարյանն իր ելույթից հետո լրագրողների հարցերին պատասխանում էր լեգենդար ծանրորդ Յուրի Վարդանյանի պատկերով շապիկով։

Հիշեցնենք, որ երկամարտում հայ ծանրորդը գրանցեց 377 կգ (168+209) արդյունք: Պոկում վարժությունում նա հաջող կատարեց միայն երրորդ մոտեցումը եւ ցուցադրեց 5-րդ արդյունքը, իսկ հրում վարժությունում նվաճեց փոքր արծաթե մեդալ:

 

 

КОМСОМОЛЬСКАЯ ПРАВДА