ԿԱՐՃ ԼՈՒՐԵՐ

Էվրան հրապարակել է իր և Ռոնալդուի՝ խելահեղ խաղից 5 օր առաջ կայացած երկխոսությունը

14.03.2019 22:52 ՍՊՈՐՏ
Էվրան հրապարակել է իր և Ռոնալդուի՝ խելահեղ խաղից 5 օր առաջ կայացած երկխոսությունը

«Յուվենտուսի» նախկին պաշտպան Պատրիս Էվրան ինստագրամյան էջում հրապարակել է իր և թուրինյան ակումբի հարձակվող Կրիշտիանու Ռոնալդուի երկխոսությունը, որը տեղի է ունեցել Չեմպիոնների լիգայի գավաթի խաղարկության 1/8 եզրափակիչ փուլում «Ատլետիկոյի» հետ կայացած պատասխան մրցավեճից 5 օր առաջ։

Ռոնալդուն առաջինն է ողջունում ու շնորհակալություն հայտնում ինչպես ֆուտբոլիստներին, այնպես էլ մարզչական շտաբի բոլոր անդամներին.Էմրե Ջան

«Եղբա՛յր, ես հույսերով լի եմ, որ դուք «քամբեք» կիրականացնեք։ Երբեք չեմ կասկածել քեզ վրա, իսկ մարդիկ «սպանում» են ինձ ամեն անգամ, երբ դու կամ «Յուվենտուսը» պարտվում եք»,- գրել է Էվրան։

Ռոնալդուն այսպես է պատասխանել ֆրանսիացու հաղորդագրությանը․ «Ես գիտեմ։ Մենք առաջ ենք անցնելու, եղբա՛յր։ Տանը ջախջախելու ենք նրանց»։

Էվրան այս հրապարակման ներքո հետևյալ գրառումն է թողել․ «Սա իմ և Կրիշտիանուի խոսակցությունն է այդ անհավանական «քամբեքից» 5 օր առաջ։ Սա ցուցադրում է աշխարհի լավագույն ֆուտբոլիստի վստահությունը, վճռականությունը և նպատակամղվածությունը։ Պետք է շնորհակալություն հայտնենք Ռոնալդուի ծնողներին ու Աստծուն նրա համար, որ մեզ տվել են նման հիանալի մարդու և անհավանական խաղացողի։ Նա իր որակները ցույց է տալիս յուրաքանչյուր կարևոր խաղում, չնայած գոյություն ունեցող ճնշմանը»։

Հիշեցնենք, որ թուրինյան թիմը Մադրիդում 0-2 հաշվով պարտվելուց հետո պատասխան մրցավեճում պորտուգալացու հեթ-տրիքի շնորհիվ հաղթանակ է տոնել 3-0 հաշվով ու ձեռք բերել հաջորդ փուլի ուղեգիր։ Ռոնալդուն և Էվրան միասին հանդես են եկել «Մանչեսթեր Յունայթեդում»։

 

 

 

 

КОМСОМОЛЬСКАЯ ПРАВДА