ԿԱՐՃ ԼՈՒՐԵՐ

ՔԿ-ն նոր մանրամասներ է հայտնում Արմավիրում մանկահասակ երեխայի դաժան սպանության մասին. տղամարդը հարբած է եղել

14.03.2019 16:00 ՔՐԵԱԿԱՆ
ՔԿ-ն նոր մանրամասներ է հայտնում Արմավիրում մանկահասակ երեխայի դաժան սպանության մասին. տղամարդը հարբած է եղել

ՀՀ քննչական կոմիտեի Արմավիրի մարզային քննչական վարչությունում ավարտվել է մանկահասակ երեխայի սպանության դեպքի առթիվ հարուցված քրեական գործի նախաքննությունը. մեղադրանք է առաջադրվել 32-ամյա տղամարդուն:

Խանդոտ կինը մարդասպան է վարձել ամուսնու սիրուհուն և նրանց երեխային սպանելու համար

Ավելի վաղ տեղեկացրել էինք, որ մանկահասակ երեխայի նկատմամբ բռնություն է գործադրել հայրը, ով հանդամասում գտնվող իրենց բնակության վայրում ծեծել էր իր ոչ կենսաբանական, սակայն հայրությունը ճանաչած մանկահասակ որդուն՝ ծնված 18.12.2017 թվականին: Ստացած մարմնական վնասվածքներից փոքրիկը տեղում մահացել էր:

ՔԿ-ից հայտնում են, որ փաստական տվյալների համաձայն՝ 2018թ. սեպտեմբերի 28-ին՝ ժամը 09-ի  սահմաններում, 32-ամյա տղամարդը, երեխայի լացի ձայնը կտրելու նպատակով, ապօրինաբար նրան կյանքից զրկելու դիտավորությամբ, ձեռքի ափով եւ բռունցքներով հարվածներ է հասցրել երեխայի դեմքին, այնուհետեւ փոքրիկին դեմքն ի վար շրջելով անկողնու վրա՝ շարունակել է հարվածներ տեղալ նրա մեջքի, գլխի եւ մարմնի տարբեր մասերին՝ երեխայի առողջությանը պատճառելով «ձախ հոնքի ներսային եւ դրսային անկյան, ձախ եւ աջ վերին կոպերի, ձախ այտային, ձախից ստորին ծնոտի անկյան շրջանների արյունազեղումների, գլխի մաշկի տակի ձախ ծոծրակային շրջանի արյունազեղումների, գլխի մաշկի տակի ձախ ծոծրակային շրջանի արյունազեղումների, ձախից ծոծրոսկրի կոտրվածք, գլխուղեղի վերկարծրենային, ենթակարծրենային արյունահավաքի, ուղեղանյութի արյունազեղման, ձախ ուսահոդի, կրծքավանդակի շրջանների արյունազեղումների, աջ գոտկային, աջ հետույքային շրջանների քերծվածքների, ձախից 5,6,7,8,9,10-րդ կողոսկրերի կոտրվածքների» ձեւով մարմնական վնասվածքներ:

Երեխայի մայրը փորձել է կանխել ամուսնու կողմից երեխային ծեծի ենթարկելը, սակայն տղամարդը հարվածներ է հասցրել նաեւ կնոջը:

32-ամյա տղամարդու կողմից երեխային հասցրած հարվածների արդյունքում փոքրիկն ստացել էր կյանքի հետ անհամատեղելի մարմնական վնասվածքներ եւ մահացել:

Քրեական գործի նախաքննությամբ տվյալներ են ձեռք բերվել նաեւ, որ 1986թ. ծնված տղամարդը նախկինում եւս բռնություն է գործադրել եւ՛ փոքրիկ տղայի, եւ՛ կնոջ նկատմամբ:

Մասնավորապես՝ 2018 թվականի սեպտեմբերին, գտնվելով ալկոհոլի ազդեցության տակ, անհարկի վիճաբանել է կնոջ հետ, որի ժամանակ մետաղյա ձողով հարվածներ է հասցրել նրա մարմնի տարբեր հատվածներին՝ պատճառելով մարմնական վնասվածքներ: Այնուհետեւ մի քանի անգամ հարվածել է նաեւ մանկահասակ երեխային:

Ձեռք բերված ապացույցների հիման վրա՝ 32-ամյա տղամարդուն մեղադրանք է առաջադրվել ՀՀ քրեական օրենսգրքի 104-րդ հոդվածի 1-ին մասով եւ 118-րդ հոդվածով: Նրա նկատմամբ որպես խափանման միջոց է ընտրվել կալանավորումը:

Հայտարարվել է նախաքննության ավարտի մասին, եւ քրեական գործը՝ մեղադրական եզրակացությամբ, ուղարկվել է դատարան:

 

 

КОМСОМОЛЬСКАЯ ПРАВДА