o C     24. 10. 2019   : :

ԿԱՐՃ ԼՈՒՐԵՐ

ՄԽԻԹԱՐՅԱՆԸ ԿՐԿԻՆ ՀԻԱՍԹԱՓԵՑՐԵՑ

19.02.2019 22:20 ՍՊՈՐՏ
ՄԽԻԹԱՐՅԱՆԸ ԿՐԿԻՆ ՀԻԱՍԹԱՓԵՑՐԵՑ

Մամուլում տեղեկությունները շատ են, որ «Արսենալի» բյուջեն ամառային համալրումների համար եւս մեծ չէ, իսկ թիմի ղեկավարությունը իսպանացի մասնագետի առաջ խնդիր է դրել՝ ակումբը վերադարձնել Չեմպիոնների լիգա: «Daily Star»-ի տեղեկություններով, Էմերին իր առջեւ դրված խնդիրն ուզում է լուծել բարձր վարձատրվող ֆուտբոլիստներից ազատվելու միջոցով:

ԴԱՐՁՅԱԼ ԿՈՏՐԱԾ ՏԱՇՏԱԿԻ ԱՌԱՋ

Մասնագետը կարծում է, որ Հենրիխ Մխիթարյանը, Մեսուտ Օզիլը, Ալեքս Իվոբին, Շկոդրան Մուստաֆին կարող են «զինագործներին» ավելի մեծ օգուտ բերել թիմից հեռանալով: Լոնդոնցիները նրանց փոխարեն ցանկանում են գնել Նիկոլաս Պեպեին եւ Ուսման Դեմբելեին: Այսօրինակ ծրագրերը մարզչի կողմից կարող են իրագործվել, եթե նա իսկապես մրցաշրջանի երկրորդ հատվածում վերոհիշյալ ֆուտբոլիստներից գործնական օգուտ չտեսնիՄխիթարյանը, իհարկե, բարձրակարգ ֆուտբոլիստ է: Սակայն խնդիրն այն է, որ չի կարողանում կայուն լավ խաղ ցուցադրել: Տեւական ժամանակ խաղադաշտից բացակայելով, հայ ֆուտբոլիստը վերադարձ «Հադերսֆիլդի» դեմ խաղում թեեւ բավականին տպավորիչ էր, սակայն հաջորդ խաղը նրան բավականին շատ քննադատություն բերեց: Ասենք, չփայլեց նաեւ «Արսենալը»՝ Եվրոպա լիգայի 1/16 եզրափակչում հյուրընկալվելիս՝ անակնկալ պարտություն կրելով ԲԱՏԷ-ից: «The Independent»-ը Մխիթարյանի մասին գրել է. «Բավական կոկիկ հանդիպում անցկացրեց: Բայց մի՞թե դա էր խնդիրը: Նրա մոտ այդպես էլ չստացվեց՝ խաղը վերցնել ձեռքի մեջ եւ սեղմել պատին: «Արսենալը» առաջատարի կարիք էր զգում»: «Mirror»-ի կարծիքն էլ այսպիսին էր. «Լավ սկսեց, բայց ավելի ուշ պարզապես անհետացավ: Մեկնարկում լավ հնարավորություն ուներ «Արսենալին» առաջ մղելու, բայց վրիպեց»: «The Sun»-ն ավելի կտրուկ էր իր դիտարկումներում. «Եթե միայն Հենրիխ Մխիթարյանը օգտագործեր այդ հնարավորությունը հանդիպման սկզբում, ամեն ինչ կարող էր այլ լինել: Բայց նա դա չարեց, ու եթե դուք խաղը նայում էիք ուշադիր, ապա, հավանաբար, մոռացել էիք, որ նա դաշտում էր»:

Հենրիխ Մխիթարյանը չի մասնակցի «Սամպդորիայի» դեմ խաղին

«ESPN»-ն իր հերթին նկատել է. «Հադերսֆիլդի» դեմ տպավորիչ վերադարձից հետո այս խաղը հիասթափություն էր: Նա այդպես էլ չկարողացավ իր խաղը թելադրել, ու դիրքը հեշտությամբ կորցնում էր: Զարմանալի է, որ նա այդքան երկար մնաց խաղադաշտում»: Իսկ «Pain In The Arsenal»-ն անգամ նոր ֆուտբոլիստ ձեռք բերելու ակնարկներ է արել. «Անհետացած էր խաղի մեծ մասում: Իսկապես շատ լավ սկսեց, լավ տեղաշարժվում էր խաղադաշտում, գեղեցիկ փոխանցումներով պահեր էր ստեղծում, բայց 15-րդ րոպեից հետո բառի բուն իմաստով ոչինչ չարեց... Ժամանակն է եկել ինչ-որ նոր բանի, կամ ինչ-որ նոր մեկի»:

Մխիթարյանը տեղական ֆուտբոլի գխավոր դրոշակակիրն է. France Football-ը ծավալուն հոդված է հրապարակել Հենրիխ Մխիթարյանի ու հայկական ֆուտբոլի մասին

Հայ ֆուտբոլիստի կարիերայի հետագա ընթացքի որոշման հարցում մրցաշրջանի ավարտը մեծ դեր կունենա: Այս պահին Մխիթարյանը մասնակցել է ընթացիկ մրցաշրջանի 22 խաղի` դառնալով ընդամենը 4 գոլի եւ 3 գոլային փոխանցման հեղինակ:

ՔՐԻՍՏԻՆԵ ՊԵՏՐՈՍՅԱՆ

 

КОМСОМОЛЬСКАЯ ПРАВДА