ԿԱՐՃ ԼՈՒՐԵՐ

«Զիբիլիքսի» գործով ՀՀԿ-ական Հրայր Անտոնյանը, «ՍԱՍ» սուպերմարկետների ցանցի տնօրենը դատապարտվեցին տուգանքի

04.02.2019 12:51 ՕՐՎԱ ՊԱՏԿԵՐ ՔՐԵԱԿԱՆ
«Զիբիլիքսի» գործով ՀՀԿ-ական Հրայր Անտոնյանը, «ՍԱՍ» սուպերմարկետների ցանցի տնօրենը դատապարտվեցին տուգանքի

Երևան քաղաքի ընդհանուր իրավասության դատարանը դատավոր Տաթևիկ Գրիգորյանի նախագահությամբ քիչ առաջ հրապարակել է «Զիբիլիքս» անվանումը ստացած սկանդալային գործով դատավճիռը:

Դատավճռով՝ Տարոն Մարգարյանի ընտրական շտաբի պետ, ՀՀԿ-ական Հրայր Անտոնյանը, «ՍԱՍ» սուպերմարկետների ցանցի տնօրեն Ստեփան Սահակյանը դատապարտվել են տուգանքի՝ 2 միլիոն 500 հազար դրամի չափով:

​​​​​​​Թե ինչ տեղի ունեցավ գրիչի անհաջողությունից հետո

Գործով անցնող մյուս ամբաստանյալները՝ Արմեն Ազոյանը, Երվանդ Բեգլարյանը, Աշոտ Գևորգյանը, Հովհաննես Գալստյանը, Մինաս Շահինյանը, Ալեքսան Խաչատրյանը, Տարոն Սարգսյանը, Սեյրան Հակոբյանը դատապարտվել են 2 միլիոն 300 հազար դրամ տուգանքի:

Գործով մյուս ամբաստանյալ Հեղինե Փոքրարյանի պատիժը մեղմացվել է և նա դատապարտվել է 2 միլիոն 250 հազար դրամ տուգանքի:

Հրայր Անտոնյանին ու Ստեփան Սահակյանին մեղադրանք էր առաջադրվել այն բանի համար, որ նրանք 2017թ. մայիսի 14-ին Երևանի ավագանու հերթական ընտրությունների նախընտրական փուլում՝ նախնական համաձայնությամբ, իրենց համախոհների օժանդակությամբ, ընտրողներին տվել են կաշառք` Հանրապետական կուսակցության օգտին քվեարկելու համար: Գործով անցնող բոլոր ամբաստանյալներն ընդունել էին իրենց առաջադրված մեղադրանքները և միջնորդել գործը քննել արագացված կարգով:

Մեղադրող դատախազ Հայկ Պետրոսյանը միջնորդել էր 3-ական տարվա ազատազրկման դատապարտել Արաբկիրի նախկին թաղապետ, ՀՀԿ-ական Հրայր Անտոնյանին, ինչպես նաև «ՍԱՍ» սուպերմարկետների ցանցի տնօրեն Ստեփան Սահակյանին դատապարտել 3 տարվա ազատազրկման: Մյուս ամբաստանյալներին դատախազը միջնորդել էր տուգանքի դատապարտել:

 

 

 

КОМСОМОЛЬСКАЯ ПРАВДА