o C     22. 07. 2019   : :

ԿԱՐՃ ԼՈՒՐԵՐ

«ՀՈՂ ՀԱՆՁՆՈՂԻՆ, ՀՈՂԻՆ ԿՀԱՆՁՆԵՆՔ»

25.01.2019 21:00 ԶԱՐԿԵՐԱԿ
«ՀՈՂ ՀԱՆՁՆՈՂԻՆ, ՀՈՂԻՆ ԿՀԱՆՁՆԵՆՔ»

Ինչպիսի՞ն է լինելու Արցախի ժողովրդի դիրքորոշումը, եթե նրանց առաջ դրվի հինգ շրջան հանձնելու մասին փաստաթուղթը` առանց Արցախին կարգավիճակ տալու:

Արցախի հերոս՝ լեգենդար Սամվել Օգանովսկի (վավերագրական ֆիլմ)

Արցախի ԱԺ նախագահի տեղակալ ՎԱՀՐԱՄ ԲԱԼԱՅԱՆ.

- Խնդիրը հետեւյալն է` Արցախի Հանրապետության Սահմանադրությամբ այդ բոլոր հարցերի պատասխանները տրված են: Եվ մենք որեւէ այլ պատասխան չունենք տալու: Մենք ունենք Արցախի Հանրապետություն, որն ունի որոշակի սահմաններ: Եվ այդ սահմանների մեջ մտնում են ե՛ւ ազատագրված տարածքները, ե՛ւ Լեռնային Ղարաբաղի ինքնավար մարզի շրջանները: Այնպես որ, Արցախի Հանրապետության քաղաքացիների առաջ, եթե նման փաստաթուղթ դրվի, մեր պատասխանը դա է լինելու: Իսկ թե ով ինչպես է մտածում, ինչ պատասխաններ են տալու, ինչ են քննարկելու` դա իրենց խնդիրն է: Մեր որոշումը միանշանակ է, եւ դա ոչ միայն արցախահայության կարծիքն է, այլեւ Արցախի Հանրապետության իշխանությունների:

ԻՆՉՈ՞Ւ ԹԻՐԱԽԱՎՈՐՎԵՑԻՆ ԱՐՑԱԽՅԱՆ ԳԵՆԵՐԱԼՆԵՐԸ

ՀՅԴ Հայաստանի Գերագույն մարմնի անդամ ԱՐԹՈՒՐ ԵՂԻԱԶԱՐՅԱՆ.

- Ես կարող եմ, թե՛ իմ, թե՛ ՀՅԴ-ի կարծիքը արտահայտել: Եվ դա հետեւյալն է. մենք միանշանակ բացառում ենք նման մոտեցումը եւ դեմ ենք կանգնելու շրջաններ հանձնելու որոշմանը: Որովհետեւ, միանշանակ Արցախի Սահմանադրությամբ հստակ ձեւակերպված է այդ հարցի պատասխանը:

Ռեժիսոր ԱՐՇԱԿ ԶԱՔԱՐՅԱՆ.

- Նման որոշումը կբերի համահայկական բունտի, իսկ նման առաջարկ անողներին ուղղակի, բառի բուն իմաստով, ծեծելով, կլարեն երկրից: Այլ տարբերակ չկա: Խաբեությունն այս հարցում չի անցնելու: Ժողովրդի հարյուր տոկոսը դեմ է այդ հարցին, եւ հարյուր տոկոս նման դավաճանական քայլը կբերի անդառնալի հետեւանքների: Մեր եղբայրների, մեր քույրերի, մեր որդիների արյունով են ներծծված այդ հողերը: Ով կփորձի այդ հողից մի թիզ հանձնել, նրան կթաղեն, եւ ինչպես ասում են` հող հանձնողին, հողին կհանձնենք, թող չկասկածեն:

Ի՞ՆՉ ՍՊԱՍԵՆՔ ԲԱԿՈ ՍԱՀԱԿՅԱՆԻ ԱՄԵՐԻԿՅԱՆ ԱՅՑԻՑ

Արցախի Հանրապետության մշտական ներկայացուցչության խորհրդական-խորհրդատու ԳԱՌՆԻԿ ԻՍԱԳՈՒԼՅԱՆ.

- Որեւէ պաշտոնատար անձ, ո՛չ ՀՀ-ում, ո՛չ Արցախում չի կարող տանել բանակցություն՝ շրջաններ հանձնելու վերաբերյալ: Դրա համար ոչ մեկը աշխարհում լիազորություն չունի: Արցախի ժողովուրդը իրեն պարտադրված պատերազմում հաղթել է, ունի սահմանադրություն` այն սահմաններով, որն այսօր Արցախի իշխանության ներքո է:

Սոցիոլոգ ԱՀԱՐՈՆ ԱԴԻԲԵԿՅԱՆ.

ԱԴՐԲԵՋԱՆԻ ԾՐԱԳՐԵՐԸ ՄԻՏՎԱԾ ԵՆ ՓՈԽԵԼՈՒ ԻՐԱՆԻ ԴԻՐՔՈՇՈՒՄԸ` ԱՐՑԱԽՅԱՆ ՀԻՄՆԱԽՆԴՐԻ ՀԱՐՑՈՒՄ

- Արցախցիների մոտավորապես կեսը կողմ է, որ լինի անկախ երկիր, բայց Հայաստանի կազմում: Երեսուն տոկոսը, որ առհասարակ լինի անկախ, մնացածը` անտարբեր է, թե ինչ որոշում կլինի:

ԱՍՏՂԻԿ ՍՈՒՔԻԱՍՅԱՆ

 

КОМСОМОЛЬСКАЯ ПРАВДА