ԿԱՐՃ ԼՈՒՐԵՐ

Հեքեքյանը հակադարձում է Մեսչյանին. «Բա ինչի՞ չպահպանեցիք շենքը, մանավանդ, որ հանձնարարական ունեիք երկրի վարչապետից». (ՏԵՍԱՆՅՈՒԹ)

12.01.2019 16:15 ՕՐՎԱ ՊԱՏԿԵՐ ՄՇԱԿՈՒՅԹ ՀԱՆՐՈՒԹՅՈՒՆ
Հեքեքյանը հակադարձում է Մեսչյանին. «Բա ինչի՞ չպահպանեցիք շենքը, մանավանդ, որ հանձնարարական ունեիք երկրի վարչապետից». (ՏԵՍԱՆՅՈՒԹ)

«Իրավունքն» անդրադարձել էր, որ երեկ գիշերը փլուզվել էր Արամի 23 հասցեում գտնվող պատմամշակութային հուշարձան-շենքի վթարված պատը, որտեղ գործում էր Հայաստանի փոքրիկ երգիչներ երգչախմբը:  

Հին Հայաստանից՝ Նոր Հայաստան. Գևորգ Կոստանյանը կնշանակվի ԱԱԾ տնօրենի տեղակալ. «Ժամանակ»

Այսօր առավոտից Արամի 23 հասցեի տարածքը մարդաշատ էր, որտեղ վրդովված ու անորոշ շրջում էր Հայաստանի փոքրիկներ երգչախմբի հիմնադիր եւ ղեկավար ՏԻԳՐԱՆ ՀԵՔԵՔՅԱՆԸ , ով նախորդ տարվա ընթացքում բազմիցս ահազանգում էր պատկան մարմիններին, որ Արամի 23 հասցեում գտնվող երգչախմբի  շենքը, որը պատմամշակութային հուշարձանների ցանկում է, վտանգված է: Ավելին՝ Արտակարգ իրավիճակների նախարարության կողմից շինությունը համարվել էր 4-րդ կարգի վթարային, սակայն կարծես թե դա չէր հետաքրքրում ո՛չ Մշակույթի նախարարությանը, եւ ո՛չ էլ՝ Քաղաքաշինության պետական կոմիտեին:

Մարուքյանը կողմ էր քվեարկել և՛ վարչապետ Տիգրան Սարգսյանի, և՛ Հովիկ Աբրահամյանի ծրագրերին․ «Ժողովուրդ»

Դեպքի վայրում «Իրավունքի» հետ զրույցում Տիգրան Հեքեքյանը ընդգծեց. «Արամի 23-ը փորձաքար է նոր իշխանության համար. Կշարունակի՞ նախկին ռեժիմի գործընթացը, ուրեմն` կստացվի, որ երկրում ոչ թե իրավիճակ այլ` անձերն են փոխվել» ,- ապա հավելեց. «Շենքը քանդվել է հանցագործների ապօրինի շինարարության պատճառով, որտեղ կա Երեւանի քաղաքապետարանի մեղավորությունը, քանի որ կան բազում խախտումներ, իսկ Քաղաքապետարանը թույլ է տվել այդ շինարարությունը իրականացնելու: Կառուցապատողն էլ իրավունք չուներ այս խախտումներով անել դա:  Արդյունքում Հայաստանի հանրապետության օրենքի խախտումներով կառուցապատման հետեւանքով տեղի ունեցավ այն, ինչ տեղի ունեցավ»:

Անդրադառնալով Երեւանի գլխավոր ճարտարապետ Արթուր Մեսչյանի այն կարծիքին, թե հնարավոր էր պահպանել պատմամշակութային հուշարձան-շենքի վթարված պատը, Տիգրան Հեքեքյանը ասաց. «Այո, Արթուր Մեսչյանը ճիշտ է ասել, որ հնարավոր էր պահպանել եւ բոլորն էլ գիտեին, որ հնարավոր էր դա: Դրա համար պետք է հարցնել գլխավոր ճարտարապետին, քաղաքապետին, քաղշինին, որ ժողովուրդ ջան, բա ինչի՞ չպահպանեցիք, մանավանդ, որ հանձնարարական ունեիք երկրի վարչապետից»:

 

Հ.Գ. Տիգրան Հեքեքյանի հետ զրույցն ամբողջությամբ դիտեք տեսանյութում.

ԼԻԼԻԹ ԵՂԻԱԶԱՐՅԱՆ

 

КОМСОМОЛЬСКАЯ ПРАВДА