ԿԱՐՃ ԼՈՒՐԵՐ

«ԵՐԿԱԹՈՒՂԱՅԻՆ ԵՆԹԱԿԱՌՈՒՑՎԱԾՔԻ ԶԱՐԳԱՑՄԱՆ ՌԱԶՄԱՎԱՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ

07.11.2018 22:10 ՏՆՏԵՍՈՒԹՅՈՒՆ
«ԵՐԿԱԹՈՒՂԱՅԻՆ ԵՆԹԱԿԱՌՈՒՑՎԱԾՔԻ ԶԱՐԳԱՑՄԱՆ ՌԱԶՄԱՎԱՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ

Հայաստանի երկաթուղու կոնցեսիոն կառավարիչ հանդիսացող «Հարավկովկասյան երկաթուղի» ընկերությունը «Երկաթուղային ենթակառուցվածքի զարգացման ռազմավարությունը հաստատելու մասին» Հայաստանի Հանրապետության կառավարության որոշման նախագծի որոշ դրույթները գնահատում է, որպես իրականությանը չհամապատասխանող:

«Հարավկովկասյան երկաթուղին» դիմել է դատարան

ՀԿԵ-ն հայտնում է, որ փաստաթղթի մշակման ընթացքում այն չի քննարկվել եւ չի համաձայնեցվել ընկերության հետ, որը առավել լիարժեք տիրապետում է այդ նեղ մասնագիտական ոլորտին վերաբերվող ամբողջ տեղեկատվությանը: Դատելով փաստաթղթի տեքստից` այն կազմողները չեն տիրապետում ոլորտում ներկա պահին տիրող իրավիճակի վերաբերյալ համապատասխան տեղեկատվությանը: Արդյունքում` աշխատանքային փաստաթղթում տեղ են գտել դրույթներ եւ գնահատականներ, որոնք չեն արտացոլում ընթացիկ իրավիճակը եւ հակասում են կոնցեսիոն պայմանագրի որոշ դրույթներին, որոնց հիման վրա գործում է «Հարավկովկասյան երկաթուղին»: Գնահատելով երկաթուղային ենթակառուցվածքի ընթացիկ իրավիճակը` փաստաթղթի հեղինակները որպես հիմք են ընդունել 2008թ.-ի իրողությունները, երբ ՀԿԵ-ն դեռ նոր էր ստանձնել Հայկական երկաթուղու ակտիվների կառավարումը: Հայաստանի կառավարության 2006 թ.-ի հոկտեմբերի 12-ի N-1497 որոշումը մանրամասն նկարագրում է, մեղմ ասած, տխուր իրավիճակն այդ ոլորտում, երբ Հայկական երկաթուղու հետաձգված ներդրումների ծավալը կազմում էր 112,5 միլոն դոլարՄինչդեռ «Հարավկովկասյան երկաթուղին» 2008թ.-ից երկաթուղային ենթակառուցվածքի վերակառուցմանը եւ արդիականացմանը, շարժակազմի թարմացմանը եւ Գյումրիում ու Երեւանում լոկոմոտիվային եւ վագոնային դեպոներում ժամանակակից մեքենաշինական համալիրների ձեւավորմանն արդեն իսկ ներդրել է 110 միլիարդ դրամ: Մասնավորապես, վերանորոգվել է 463 կմ երկաթուղային գծեր եւ 40 կամուրջ: Բացի դրանից, արդեն իսկ սկսվել է մերձքաղաքային ուղեւորատար էլեկտրագնացքների շարժակազմի թարմացման ծրագրի իրականացումը, որը կավարտվի 2020-ական թվականներին: Երեւան-Գյումրի երթուղում գործարկվել է նոր ժամանակակից էլեկտրագնացք: Միաժամանակ մշակվում է շարժակազմի նորացման ներդրումային համալիր ծրագիրԱրդյունքում, ՀԿԵ-ի տասնամյա գործունեության ընթացքում անվտանգության մակարդակը բնորոշող տրանսպորտային պատահարների թիվը երկաթուղում նվազել է 6 անգամ, էներգամատակարարման տեխնիկական միջոցների խափանումը` 4 անգամ, երկաթուղային ավտոմատիկայի տեխնիկական միջոցների խափանումը` 10 անգամ: Գնացքների միջին արագությունը 25 կմ/ժ-ից ավելացել է 60 կմ/ժ, իսկ որոշ տեղամասերում` մինչեւ 100 կմ/ժ, վերակառուցվել է 8 խոշոր կայարանային համալիր, աշխատանքի արտադրողականությունն ավելացել է 46%, ներդրվել են մինչ այդ Հայաստանում չoգտագործվող նոր տեխնոլոգիաներ: Այդ միջոցառումների համալիրը թույլ է տվել մի քանի անգամ նվազեցնել վթարների թիվը: Օրինակ, եթե 2008թ.-ին, երբ ՀԿԵ-ն դեռ նոր էր սկսել իր աշխատանքը Հայաստանում, գրանցվել է գնացքների գծերից դուրս գալու 151 դեպք, ապա 2017թ.-ին` ընդամենը 1 դեպք, այն էլ ոչ ընկերության աշխատակիցների մեղքով: «ՀԿԵ» ՓԲԸ, որպես Հայաստանի Հանրապետության համար ռազմավարական նշանակություն ունեցող երկաթուղային ոլորտի պահպանման եւ զարգացման համար պատասխանատու ընկերություն, շարունակելու է կատարել պետության առջեւ ստանձնած պարտականությունները եւ պատրաստ է այդ ոլորտում համագործակցել բոլոր շահագրգիռ կողմերի հետ:

ՀԱՐԱՎԿՈՎԿԱՍՅԱՆ ԵՐԿԱԹՈՒՂԻՆ ԵՎ GPM Gold ԸՆԿԵՐՈՒԹՅՈՒՆԸ ՍՏՈՐԱԳՐԵԼ ԵՆ ԲԵՌՆԱՓՈԽԱԴՐՈՒՄՆԵՐԻ ԻՐԱԿԱՆԱՑՄԱՆ ՄԱՍԻՆ ՊԱՅՄԱՆԱԳԻՐ

 

КОМСОМОЛЬСКАЯ ПРАВДА