o C     21. 10. 2019   : :

ԿԱՐՃ ԼՈՒՐԵՐ

«Այն, ինչ ժամանակին անում էր ՀՀԿ-ն, նոր իշխանությունները կրկնում են նույնը»

29.08.2018 21:15 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
«Այն, ինչ ժամանակին անում էր ՀՀԿ-ն, նոր իշխանությունները կրկնում են նույնը»

ՀՀ վարչապետ Նիկոլ Փաշինյանը շարունակում է քայլ առ քայլ փաստել, որ այդուհանդերձ նախկին ՀՀԿ-ական իշխանությունն իր վարած ոչ միայն արտաքին, այլ ներքին քաղաքականությամբ ճիշտ էր: Դրա վկայությունն է նաեւ Սեւանից լրացուցիչ ջրառի հարցը, որը երեկ եւ այսօր քննարկվում է Ազգային ժողովում: Հիշեցնենք, որ դեռեւս 2017 թվականին Կարեն Կարապետյանի կառավարությունը խորհրդարանին ներկայացրել էր նմանատիպ օրենքի նախագիծ, որին կտրականապես դեմ էին երբեմնի ընդդիմադիր պատգամավոր Նիկոլ Փաշինյանը, Սասուն Միքայելյանը, Արտակ Զեյնալյանն ու Լենա Նազարյանը: Մինչդեռ այժմ, որպես իշխանավորներ, նրանք են նույնաբովանդակ նախագիծ բերել Ազգային ժողով եւ ճիշտ հակառակ դիրքերից են հանդես գալիս: Այս եւ այլ հարցերի շուրջ «Իրավունքը» զրուցեց ԱԺ ՀՀԿ խմբակցության քարտուղար ԳԱԳԻԿ ՄԵԼԻՔՅԱՆԻ հետ:

Ռացիոնալ մտածողությամբ ցանկացած մարդուն պետք է որ ակնհայտ լինի այն, որ նիկոլապաշտությունն աղանդ է դարձել. Կարեն Վրթանեսյան

«ԱՅՆ ՔԱՂԱՔԱԿԱՆՈՒԹՅՈՒՆԸ, ՈՐՆ ԻՐԱԿԱՆԱՑՎՈՒՄ ԷՐ ՆԱԽԿԻՆՈՒՄ, ՆՈՒՅՆ ՁԵՎՈՎ ՊԵՏՔ Է ՇԱՐՈՒՆԱԿԵԼ»

– Պարոն Մելիքյան, ընդամենը մեկ տարի առաջ այսօրվա իշխանավորները դեմ էին Սեւանից լրացուցիչ ջրառին, իսկ այսօր իրենք են հեղինակել համանման նախագիծ: ԱԺ «Ելք» խմբակցության պատգամավոր Լենա Նազարյանը այն ժամանակ գտնում էր, որ ջրառի նպատակն ափամերձ տարածքներում անօրինական շինությունների պահպանումն է, եւ սա անպատասխանատու կառավարման հետեւանք է: Եվ ինչպես նա, այնպես էլ այն ժամանակ «Ելք» խմբակցության պատգամավոր, այսօր արդարադատության նախարար Արտակ Զեյնալյանը գտնում էին, որ այստեղ կարող են կոռուպցիոն ռիսկեր լինել: Ի՞նչ կասեք այս մասին:

– Ընդամենը կասեմ, որ տեսնում եմ անհրաժեշտություն, որ գյուղացիներին պետք է մատակարարվի ոռոգման, եւ այդ խնդիրն իրականում գոյություն ունի: Իսկ կոնկրետ կոռուպցիոն ռիսկերի հետ կապված չեմ կարծում, որ լուրջ առաջընթաց այդ բնագավառում արձանագրված է: Համոզված եմ, որ այդտեղ բավականին լուրջ խնդիրներ կան, որ պետք է իրականացվեն, եւ այդ դեպքում կարծում եմ, որ Սեւանից լրացուցիչ ջուր բաց թողելու անհրաժեշտություն չի կարող լինել:

– Այսինքն` նախկին ընդդիմադիրներին պետք էր նստել իշխանական աթոռներին, որպեսզի հասկանայի՞ն այն, ինչ ժամանակին ասում էր ՀՀԿ-ն:

– Կարծում եմ` սա շատ կարեւոր փաստ է: Այն, ինչ ժամանակին անում էր Հանրապետականը, նոր իշխանությունները կրկնում են նույնը: Նրանք աստիճանաբար գալիս նաեւ այն մտքին, որ, իրոք, այն քաղաքականությունը, որն իրականացվում էր նախկինում, նույն ձեւով պետք է շարունակել:

«ՀՐԱՊԱՐԱԿՆԵՐՈՒՄ ՀՆՉԵՑՎԱԾ ԷՄՈՑԻՈՆԱԼ ԵՎ ՈՉ ՀԱՄԱՐԺԵՔ ԵԼՈՒՅԹՆԵՐԸ, ՉԵՄ ԿԱՐԾՈՒՄ, ՈՐ ՀԱՐԻՐ Է ՎԱՐՉԱՊԵՏԻՆ»

– Ի դեպ, օրեր առաջ հանդիպեցին ԱԺ նախագահ Արա Բաբլոյանն ու ՀՀ վարչապետ Նիկոլ Փաշինյանը` անդրադառնալով երկրի ներքաղաքական դրությանը: Այն, ինչ համատեղ արձանագրել են օրենսդիր եւ գործադիր մարմինների ղեկավարները, փաստում է, որ ԱԺ նախագահի հրապարակավ հնչեցված մտահոգությունների հետ համաձայնել է ՀՀ վարչապետը...

– Բարձր եմ գնահատում այդ հանդիպումը, ինչպես նաեւ պարոն Բաբլոյանի առաջարկությունները` հանդիպում կազմակերպելու ոչ միայն հանրապետության վարչապետի, այլ նաեւ հանրապետության նախագահի եւ կոնկրետ ՄԻՊ-ի հետ: Համոզված եմ, որ այն իր դրական արդյունքը կտա: Այնուամենայնիվ, արդեն իսկ արձանագրվածը խոսում է այն մասին, որ վեր կանգնելով հրապարակային, էմոցիոնալ ելույթներից` պետք է ամեն ինչ իրականացվի օրենքի եւ Սահմանադրության շրջանակներում:

– Կարո՞ղ ենք արձանագրել, որ օգոստոսի 17-ի հանրահավաքի ժամանակ Ն. Փաշինյանի կողմից արված մի շարք հայտարարություններից հենց ինքը հետ կանգնեց` Ա.Բաբլոյանի հետ հանդիպումից հետո:

– Արձանագրենք, որ հրապարակներում հնչեցված ելույթները շատ հաճախ լինում են էմոցիոնալ եւ ոչ համարժեք, ինչը չեմ կարծում, որ հարիր է վարչապետին:

«ՏՆՏԵՍԱԿԱՆ ԱՌԱՋԸՆԹԱՑԻ ՄԱՍԻՆ ԽՈՍԵԼԸ ԴԵՌԵՎՍ ՏՆՏԵՍԱԿԱՆ ԱԿՏԻՎՈՒԹՅԱՆ ՑՈՒՑԱՆԻՇ ՉԷ»

– Ինչո՞վ կբացատրեք այն, որ ՀՀԿ-ն որոշում կայացրեց չմասնակցել Երեւանի ավագանու արտահերթ ընտրություններին:

– Այդ որոշումը մենք կայացրել ենք քննարկումների արդյունքում, եւ կարծում եմ` այս պահին ճիշտը դա էր:

– Սա պայմանավորվա՞ծ է նրանով, որ ազատ, արդար ու թափանցիկ ընտրություններ տիրող ներկա մթնոլորտում, պարզապես, հնարավոր չէ կազմակերպել:

– Չեմ կարծում, որ դրանով է պայմանավորված: Կարծում եմ` սա ընդամենը պահային որոշում է:

– Շատ խոսվեց այս օրերին խոսքի ազատության ոտնահարման եւ առհասարակ ժողովրդավարական արժեքների հետընթացի մասին: Դուք ինչպե՞ս կգնահատեք իրավիճակը:

– Կարծում եմ` այս ամենը տեսնում ենք ոչ միայն մենք, այլեւ բոլորը, այդ թվում` նաեւ  լրագրողներն ու լրատվամիջոցները: Ուղղակի մի մասն արտահայտվում է, մյուս մասը` թաքցնում:

– Եթե ոչ ժողովրդավարական արժեքների առումով, ապա տնտեսական զարգացման հարցում որեւէ դրական միտում տեսնո՞ւմ եք:

– Տնտեսական առումով այս պահին չեմ տեսնում կոնկրետ լուրջ գործընթաց, քանի որ չեն արձանագրվում նաեւ կոնկրետ ներդրումներ: Տնտեսական առաջընթացի մասին խոսելը դեռեւս տնտեսական ակտիվության ցուցանիշ չէ:

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА