ԿԱՐՃ ԼՈՒՐԵՐ

Բացառել ծառայության ընթացքում թափթփված վերաբերմունքը. խորհրդակցություն Փրկարար ծառայությունում

10.08.2018 19:50 ՕՐՎԱ ՊԱՏԿԵՐ ՀԱՆՐՈՒԹՅՈՒՆ
Բացառել ծառայության ընթացքում թափթփված վերաբերմունքը. խորհրդակցություն Փրկարար ծառայությունում

Օգոստոսի 10-ին ՀՀ արտակարգ իրավիճակների նախարարությունում կայացել է Փրկարար ծառայության հերթական ընդլայնված խորհրդակցությունը, այն վարել է ծառայության տնօրեն, փ/ծ գնդապետ Արտակ Նահապետյանը:

Նոր իշխանության 100 օրվա ընթացքում սկսվեց արշավ հայ եկեղեցու դեմ. տեսանյութ

Երևան քաղաքի և խորհրդակցությանն առցանց մասնակցող Արցախի Հանրապետության արտակարգ իրավիճակների պետական ծառայության ու ՀՀ մարզային փրկարարական վարչության պետերը զեկուցեցին անցած շաբաթվա ընթացքում գրանցված ահազանգերի, ձեռնարկված միջոցառումների, անցկացված և նախապատրաստվող ուսումնավարժությունների, մարտական պատրաստության դասընթացների, ինչպես նաև տրանսպորտային միջոցների տեխնիկական վիճակի մասին:

Հաշվետու ժամանակահատվածում Արցախում գրանցվել է 560 ահազանգ:

Ռուս-հայկական հումանիտար կենտրոնի ՀՀ կողմից տնօրեն, փ/ծ գնդապետ Պավել Գյոզալյանը զեկուցել է, որ ավարտին են մոտենում Ռուսաստանից հրավիրյալ մասնագետի կողմից անցկացվող անտառային հրդեհների թեմայով դասընթացները և առաջիկայում նախատեսվում է փորձի փոխանակում կազմակերպել նաև Ռուսաստանի Դաշնությունում:

Ընթացիկ կազմակերպչական աշխատանքների վերաբերյալ այլ ստորաբաժանումների զեկույցները լսելուց հետո՝ ծառայության տնօրենն անդրադարձավ առաջիկայում սպասվող միջոցառումների նախապատրաստական աշխատանքներին, տվեց անհրաժեշտ ցուցումներ:

Ծառայության կանոնավոր աշխատանքը կազմակերպելու նպատակով՝ գնդապետ Նահապետյանը կրկին հանձնարարել է խստորեն հետևել կարգ ու կանոնի պահպանմանը, բացառել թափթփված վերաբերմունքը և հետևել, որպեսզի ծառայության ընթացքում չգրանցվեն համազգեստի խախտման դեպքեր:

 

 

КОМСОМОЛЬСКАЯ ПРАВДА