o C     17. 07. 2019   : :

ԿԱՐՃ ԼՈՒՐԵՐ

Թուրքական լիրան շարունակում է արժեզրկվել

07.08.2018 10:11 ՄԻՋԱԶԳԱՅԻՆ ՏՆՏԵՍՈՒԹՅՈՒՆ
Թուրքական լիրան շարունակում է արժեզրկվել

Թուրքական լիրան կրկին արժեզրկվել է: Թուրք-ամերիկյան հարաբերությունների վատթարացումն ազդում է թուրքական տնտեսության վրա

Թուրքական արժույթի՝ լիրայի արժեզրկումը դոլարի նկատմամբ հասել է ռեկորդային մակարդակի: Դրան նախորդել էր նախագահ Թրամփի վարչակազմի հայտարարությունը, որ այն այժմ վերանայում է Թուրքիայի՝ առանց սակագներ վճարելու ամերիկյան շուկա մուտք ունենալու հնարավորությունը: Այս վերանայումը կարող է ազդել ավելի քան 1,6 միլիարդ դոլարի համարժեք ներմուծվող ապրանքների վրա:

ԱՄՆ-ն առաջարկել է զայրացնել Պուտինին՝ թուրքական F-35-ներն Ուկրաինային տալով

Այս իրավիճակն անհանգստություն է առաջացրել Թուրքիայի քաղաքացիների շրջանում:

«Ես վճարում եմ 700 թուրքական լիրա կամ 135 ԱՄՆ դոլար վարձակալության համար: Իմ թոշակը մոտ 320 դոլար է: Վարձակալության վճարը տալուց հետո դա ինձ չի բավարարի ապրուստի համար, ուրեմն պետք է հավելյալ աշխատել»,- ասում է Ալի Ուզունը:

Թուրքական լիրան արժեզրկվել է այս տարի արդեն 27 տոկոսով: Իրավիճակը մտահոգում է իշխանություններին, որոնք փորձում են վերահսկել այն դրամավարկային գործիքների միջոցով: Սակայն երկուշաբթի օրը թուրքական լիրան կրկին արժեզրկվեց 2 տոկոսով, որի արդյունքում հայտնվեց ռեկորդային ցածր մակարդակի վրա դոլարի հանդեպ:

Թուրքիայի ու ԱՄՆ-ի միջև հարաբերությունները վերապրում են դժվար ժամանակաշրջան՝ կապված Սիրիայի և ամերիկացի բողոքական հոգևորական Էնդրյու Բրանսոնի հարցերում միմյանց միջեւ առկա տարաձայնությունների հետ:

Հարաբերությունների վատթարացումն իր ազդեցությունն է թողնում թուրքական արժույթի վրա:

 

КОМСОМОЛЬСКАЯ ПРАВДА