ԿԱՐՃ ԼՈՒՐԵՐ

Չեմ կարող հավատալ, որ Ռուսաստանը չի օգտագործի իր լծակները՝ Ադրբեջանին սադրանքից հետ պահելու համար. Նիկոլ Փաշինյան

20.07.2018 15:05 ՔԱՂԱՔԱԿԱՆ
Չեմ կարող հավատալ, որ Ռուսաստանը չի օգտագործի իր լծակները՝ Ադրբեջանին սադրանքից հետ պահելու համար. Նիկոլ Փաշինյան

Տարածաշրջանում պատերազմի վերսկսման վտանգը միշտ առկա է եղել և մենք պետք է պատրաստ լինենք նման զարգացումների, այսօր լրագրողների հետ հանդիպմանն ասաց ՀՀ վարչապետ Նիկոլ Փաշինյանը:

«Զուգադիպությունների» քանակը հուշում են վտանգավոր զարգացումների մասին

Անդրադառնալով պատերազմի հնարավոր վերսկսման մեջ Ռուսաստանի դերակատարմանը, ՀՀ վարչապետն ասաց.

«Բոլորս էլ հասկանում ենք, որ Ռուսաստանի Դաշնությունը, որպես գերտերություն, հնարավորություն ունի թույլ չտալու պատերազմի վերսկսումը մեր տարածաշրջանում: Ես չեմ կարող հավատալ, որ Հայաստանի ռազմավարական գործընկեր և բարեկամ Ռուսաստանն իր լծակները չի օգտագործի տարածաշրջանում ռազմական գործողությունների վերսկսումը թույլ չտալու համար: Բոլորի պես ես էլ համոզված եմ՝ Ռուսաստանը կարող է թույլ չտալ պատերազմը: Ու չեմ կարող հավատալ, որ նա չի օգտագործի իր լծակները՝ Ադրբեջանին սադրանքից հետ պահելու համար»:

Սահմանին տիրող լարվածությունը գնահատելով՝ Ն. Փաշինյանն ասաց, որ այն ամեն օր կարող է փոքր-ինչ ավելանալ ու պակասել: Ավելի շատ ռազմաքաղաքական լարվածությունն է մեծ:

«Դա կարող է մի օր կրակոցներով արտահայտվել, հաջորդ օրը՝ ոչ: Կրակոցների վիճակագրությունը շատ հաճախ նույնիսկ սովորականից շատ ավելի ցածր է լինում: Բայց դա չի նշանակում, որ այդ օրվա մեջ ռազմաքաղաքական իրավիճակը փոխվում է»- նշեց վարչապետը:

 

 

КОМСОМОЛЬСКАЯ ПРАВДА