ԿԱՐՃ ԼՈՒՐԵՐ

Իրավիճակ է փոխվել, եւ երկրում խնդիր է դրված հավասար կարգով մարդիկ լինեն պաշտպանված. տեսանյութ

11.07.2018 18:15 ՔԱՂԱՔԱԿԱՆ ԻՐԱՎՈՒՆՔ
Իրավիճակ է փոխվել, եւ երկրում խնդիր է դրված հավասար կարգով մարդիկ լինեն պաշտպանված. տեսանյութ

(Սկիզբը` https://iravunk.com/news/62008 )

Շարունակում ենք մեր զրույցը «Լեւ գրուպ» իրավաբանական ընկերության ղեկավար, հայտնի փաստաբան, ԼԵՎՈՆ  ԲԱՂԴԱՍԱՐՅԱՆԻ հետ:

Լեւոն Բարսեղյանի հայտարարությունը ԿԳ նախարարի համար «անմեկնելի» է

ԵՐԲ ՊՈՌՆԻԿԻՆ ՔԱՐԿՈԾՈՒՄ ԷԻՆ, ՆՐԱՆ ՊԱՇՏՊԱՆՈՒՄ ԷՐ ՀԻՍՈՒՍ ՔՐԻՍՏՈՍԸ

– Պարոն Բաղդասարյան, դուք հանդիսանում եք նաեւ Մանվել Գրիգորյանի փաստաբանը, ինչը հանրության կողմից ընդունվեց սվիններով: Նախ, ինչո՞ւ որոշեցիք նրան պաշտպանել եւ ինչպե՞ս եք դիմակայում հանրության այս արձագանքին:

– Ես այս երկրի քաղաքացին եմ եւ իրավապաշտպանության ոլորտում ունեմ իմ դերակատարությունը եւ ունենալու եմ: Մեկ անգամ եւս ուզում եմ փաստեմ՝ դեմ եմ ընտրովի իրավապաշտպանությանը: Իրավապաշտպանությունը  աստվածային իրավանորմ է եւ աստվածային օրենքի ուժով տրված է յուրաքանչյուրին: Դրա տիպիկ օրինակն է աստվածաշնչյան այն էպիզոդը, երբ մի պոռնիկ կնոջ սկսում է ամբոխը քարկոծել, իսկ վերջինիս պաշտպանում է Հիսուս Քրիստոսը: Դա վառ օրինակ է մեր երկրային բոլոր քաղաքացիների համար, որ իրավապաշտպանության ոլորտը չի կարող լինել ընտրովի, ես դա ընդունել եմ ի գիտություն:

Ինչ վերաբերում է հանրության բացասական վերաբերմունքին, ապա ես դրան սովոր եմ դեռեւս 90-ականներից, երբ համարձակություն ունեցա տեսնել անարդար ընտրություններ ՏԻՄ ոլորտում, իսկ այն ժամանակ ՀՀՇ-ն էր իշխանության: Ես ստանձնեցի լուսահոգի Արմենակ Արմենակյանի պաշտպանությունը: Զգալով այդ ճնշումը` դա ինձ չի կաշկանդել, որպեսզի կանգնեմ նրա կողքին, եւ դատարանը անվավեր ճանաչեց ընտրությունները Մարաշ համայնքում, որից հետո Արմենակյանը վերականգնվեց թաղապետի պաշտոնում: Մյուս ճնշումը իշխանության կողմից զգացի Ա1+-ի պաշտպանությունը ստանձնելիս: Մոտ 8 փաստաբաններից մնացի ես եւ լուսահոգի Տեր-Եսայանը, իսկ մնացածները դուրս եկան ճնշման տակ: Նույնը՝ Նորք-Մարաշի զինված խմբի գործով ինձ շատերը հարցնում էին` ինչո՞ւ ես պաշտպանում տեռորիստին: Բայց երեք տարի անց տեռորիստ մականունը ձեւափոխվել է: Ինչ վերաբերում Մանվել Գրիգորյանին: Ասել, որ նա հերոս է, դա քիչ է եւ կստեմ, որ ասեմ, մինչ այս դեպքերը նա ասոցացվում էր միայն բացասական: Հիմա իրավիճակ է փոխվել, եւ երկրում խնդիր է դրված, որպեսզի հավասար կարգով յուրաքանչյուր մարդ լինի պաշտպանված, ապա իշխանությունը, պետական լիազոր մարմինը ինքը պետք է լինի դրա կրողը, որպեսզի երկրում բացառվի ինքնադատաստանը, թույլատրեն, որպեսզի ընթանա օբյեկտիվ քննություն: Այսօրվա իշխանությունը ինչով է տարբերվում նախորդից, երբ ինքնադատաստանի պահեր կարող են լինել: Այո, այսօրվա իշխանության առավելությունը պետք է լինի այն, որ յուրաքանչյուր ոք պետք է պաշտպանված լինի առաջադրված այն մեղադրանքին, որի առջեւ կանգնած է: Իսկ երբ տվյալ դրվագում հանրությունը փորձ է անում որակումներ տալ, ապա առաջին պատասխան տվողը պետք է լինի պետական լիազոր մարմինը: Իրավապաշտպանի եւ պետական լիազոր մարմնի համար բավական դժվար է հանրության կարծիքի առկայության պայմաններում գործառույթներ իրականացնել: Ուզում եմ փաստել, որ Մ. Գրիգորյանի քննությունը ընթանում է օբյեկտիվ, եւ եթե քննության արդյունքում պարզվեց, որ իրեն մեղսագրվող արարքը, հանձինս սնունդի հետ կապված, որը ես զազրելի եմ համարում, պարզվեց, որ այդպես է եղել, օրենքով սահմանված կարգով թող անձը կրի իր պատիժը: Բայց միեւնույն ժամանակ պետք է հնարավորություն տալ, որպեսզի անձը ունենա պաշտպանվելու իրավունք:

Արթուր Ասատրյանի (Դոն Պիպո) նկատմամբ կիրառված կալանավորումը փոխարինվեց գրավով

– Իսկ Մանվել Գրիգորյանը Ձեզ ինչ-որ բաներ փոխանցե՞լ է` կապված իրեն առաջադրված մեղադրանքների վերաբերյալ:

– Պետք է մի փոքր համբերություն ունենալ, ընթանում է քննություն, եւ բոլոր հարցերի պատասխանը կտա նախաքննությունը, որի արդյունքում պարզ կլինի` ով որ դրվագով ինչքանով է մեղավոր:

– Պարոն Բաղդասարյան, մեր երկրում մեծ խնդիրներից է նաեւ այսօր Ամուլսարի հետ կապված իրավիճակը: Հանքը շահագործողները գտնում են, որ իրենք են ճիշտ, իսկ տեղաբնակներն ու բնապահպանները պնդում են, որ դա խիստ վնասակար է մեզ համար: Իրավական առումով ինչպե՞ս եք տեսնում այս հարցի լուծումը:

– Ծանոթ չլինելով գործի փաստական հանգամանքներին` կդժվարանամ իրավական կարծիք հայտնել, բայց թերեւս իրավունքը ավելի գերակա է, քան օրենքը: Ավելին, այն ամրագրված է մեր հիմնական օրենքով՝ Սահմանադրությամբ: Պայմանական վերցնենք, որ ամեն բան գնում է օրենքով, բայց այստեղ պետք է պետական լիազոր մարմինները, ղեկավարությունը ուշադրություն դարձնի հետեւյալի վրա. իրավունքի տեսանկյունից պետք է տեսնեն, արդյոք տվյալ շրջակայքում ապրող քաղաքացու իրավունքը խախտվել է, թե` ոչ: Եթե նայենք փաստաթղթերին ու տեսնենք, որ կա գյուղապետի որոշում, չնայած օրենքի առումով կարեւոր է, բայց հաշվի առնելով նախկին դառը փորձը, գյուղապետը կարող էր զոռբայությամբ վերցներ, կորզեր ինչ-որ բաներ, կամ, ասենք` հանրությանը կանչեր ընտրության: Այստեղ ես երկու հանգամանք եմ տեսնում, եթե դա չի եղել ժողովրդի կամքի արտահայտությունը, ապա այստեղ կա խախտում, եւ պետք է տեսնեն այդ գործարքի անվավերությունը: Բայց այդ գործարքի անվավերությունը ճանաչելուց հետո, եթե պետությունը որոշակի պարտավորությունների տակ է ընկնելու, այստեղ տեսնում եմ նաեւ երկրորդ տարբերակը, նման դեպքում, նորմալ երկրում, եթե գերակա շահ ենք ճանաչում մի տարածք, ապա այդ տարածքի ժողովրդին բնակեցնում են մեկ այլ տեղ եւ մաքսիմալ ձեւով կատարում են փոխհատուցում: Ի վերջո, ո՞րն էր այս իշխանափոխության իմաստը, որ քաղաքացին իրեն արժանապատիվ չպետք է զգա: Սա գլոբալ հարց է, շտապողականությունը կխանգարի: Մենք նախկին փորձով տեսել ենք, թե ինչպես են փոքր գումարներով ունեզրկել քաղաքացիներին: Այսօրվա քաղաքացու կարծիքը պետական լիազոր մարմինը հաշվի կառնի, թե` ոչ, պարզապես պետք է իրեն զգա այն գիտակցության մեջ, որ որպես ՀՀ քաղաքացի, պաշտպանված է պետության կողմից:

 

ՄԵՐ ՀՈԳԵՎՈՐ ՀԱՄԱՅՆՔԻ ՎՐԱ ՈՒՂՂԱԿԻ-ԱՆՈՒՂՂԱԿԻ ՃՆՇՈՒՄ ԵՄ ՏԵՍՆՈՒՄ

ԽԱՉԱՏՈՒՐՈՎԻ ՓԱՍՏԱԲԱՆՆԵՐԸ ԿԴԻՄԵՆ ԴԱՏԱՐԱՆ

– Չենք կարող չանդրադառնալ այն իրողությանը, որը վերջին օրերին տեղի է ունենում Մայր Աթոռում: «Նոր Հայաստան» «Նոր հայրապետ» շարժման ներկայացուցիչները վրաններ են խփել վեհարանի ներսում, մնալով այնտեղ, հայտարարում են, որ չեն հեռանա մինչեւ Վեհափառը հրաժարական չտա: Հոգեւորականներից մեկը նշել էր, որ զարմանում է ոստիկանության հանդարտության վրա, որը ոչ մի միջոց չի ձեռնարկում վերջիններիս այնտեղից դուրս հանելու ուղղությամբ, եւ դա տեղի ունեցավ մի քանի օր անց: Զարմանալի չեզոքություն է նկատվում այդ հարցի վերաբերյալ նաեւ ներկա իշխանությունների կողմից: Ի՞նչ կարծիք ունեք:

– Այն, որ պետությունը եկեղեցուն անջատել է օրենքի ուժով, դա հայտնի է, բայց հիմնական օրենքով, Սահմանադրությամբ, փաստվում է, որ Առաքելական եկեղեցին հեգեմոն ուժ է: Ինչ վերաբերում է իշխանությունների չեզոքությանը, դիտում եմ նորմալ, բայց երբ տվյալ չեզոքությամբ աղերս կունենանք դեպի պետական անվտանգությունը, իսկ ես մեր հոգեւոր համայնքի վրա ուղղակի-անուղղակի ճնշում եմ տեսնում: Նման դեպքում պետք է խորը ուսումնասիրել, թե պետական անվտանգության առումով ինչ խնդիր կա, իսկ իմ սուբյեկտիվ կարծիքով ես դա տեսնում եմ, ապա միանշանակ կարեւորում եմ ոչ միայն երկրի ղեկավարության խոսքը, այլ Կիլիկիո կաթողիկոս Արամ Առաջինի խոսքը: Չեմ ցանկանա Վեհափառի պաշտպանությունը ստանձնել, քանի որ նրա անձի հետ կապված եւս բացասական խոսակցություններ կան, բայց դա պետք է ստորադասել, եւ պետք է կարեւորել այն օղակը, որը կոչվում է Վեհափառ, Հայ առաքելական եկեղեցի: Որպես այդ եկեղեցու հետեւորդ` ինձ բռնում եմ այն գիտակցության մեջ, որ այդ եկեղեցու կրողի արժանապատվությունն է վիրավորվում: Իսկ եթե բանը հասել է վրանների, ապա, կարծում եմ, կարող է լինել միջամտություն՝  հեղինակային խոսքով: Ես սրա տակ վտանգ եմ տեսնում, որից կարող են օգտվել բազմաթիվ աղանդներ, փորձելու են պառակտել դաշտը:

– Պարոն Բաղդասարյան, եթե մի քաղաքացի փորձում է  այլ կրոնական կառույցի թանին թթու ասել, ապա ոստիկանությունը անմիջապես ընթացք է տալիս գործին, որի արդյունքում հարցին տրվում է լուծում, անկախ նրանից, թե ինչ լուծում է դա: Իսկ տվյալ պարագայում, երբ, ըստ էության, վեհարանը գտնվում է ճնշման տակ, ոստիկանությունը կատարում է պարզապես միջամտություն եւ ոչ ավելին:

– Նման գլոբալ հարցում ուղղակի մեղադրել ոստիկանությանը, այդքան էլ ճիշտ չեմ համարում: Իսկ եթե կա ոստիկանության կողմից մի փոքր անգործություն, միգուցե եւ կա:  Շատ եմ կարեւորում նաեւ առողջ քննադատությունը, իսկ ես վերջերս նկատել եմ, երբ կատարում ես որեւէ քննադատություն, հարձակվում են պետության, իշխանության լուռ համաձայնության տակ, որը եւս վտանգ է իրենից ներկայացնում: Երկրի ղեկավարությունը պետք է կարողանա ընդունել առողջ քննադատությունը, որը երկիրը հզորացնելու միտում է: Ես հավատում եմ, որ խնդիր է դրված կառուցելու հզոր պետություն: Բայց նաեւ ուզում եմ ասել, որ անձը միայնակ ոչինչ չի կարող անել:

Սարսափելի է, երբ ԱԱԾ տնօրենն ասում է՝ դատավորի հետ խոսել է, որ կկալանավորի. Գուրգեն Եղիազարյան. Հրապարակ

– Հայտնի է, որ այս հեղափոխությունը կոչվում էր սիրո եւ համերաշխության: Սակայն, թե՛ սոցցանցերում, թե՛ դրանից դուրս տեսնում ենք մարդու իրավունքների կոպիտ խախտումներ, ճնշումներ: Վառ օրինակը Ձեզ հետ կապված, երբ ստանձնեցիք Մանվել Գրիգորյանի պաշտպանությունը, համացանցը հեղեղվեց հայհոյանքներով, սպառնալիքներով եւ այլն: Արդյո՞ք սա կարելի է համարել սիրո եւ համերաշխության հեղափոխություն:

– Հեղափոխության ծրագրում միգուցե եղել է այդ ամենը, բայց հետհեղափոխական դրվագներով ոչ միայն չկա, այլ նաեւ ես տեսա ագրեսիա: Սեր բառը նախկինում գրվել է այբուբենի 7-րդ տառով՝ շշաձեւ Է տառով, որը աստվածային տառն է: Սակայն որոշակի փոփոխություններից հետո արդեն կաթի սերն ու մարդկային սերը նույն ձեւով է գրվում: Բայց սերը եկել է ի վերուստ, Աստված սեր է, եւ դրանով ամեն բան ասված է: Եվ ցանկացած գործառույթում, անկախ ոլորտից, եթե առկա է ագրեսիան, հետեւաբար այդ երկիրը չի կարող լինել հզոր: Ցավով ուզում եմ արձանագրել, որ ցեղասպանված այդ տարիները, պետություն չունենալը, իմ սուբյեկտիվ կարծիքով կապում եմ սեր չունենալու մեջ: Պետք է հիշել Ջորջ Վաշինգտոնի հետեւյալ թեւավոր խոսքը, որ անհնարին է երկիրը ճիշտ ղեկավարել առանց Աստծո, առանց Աստվածաշնչի: Տվյալ դեպքում Աստված սեր է, իսկ Աստվածաշունչը տալիս է այն օրենքը, որով պետք է մարդը շարժվի: Դուք տեսեք, թե ովքեր են սիրո եւ համերաշխության նախադրյալը խախտողները, մարդիկ, ովքեր ժամանակին 10 հազար դրամները ձեռքներին վազում էին բարիկադից-բարիկադ եւ ընտրություններ կեղծում: Մենք բոլորս պետք է օգնենք սիրո եւ համերաշխության ծրագիրը կրողներին, եւ պաշտպանողն ու օգնողը պետք է լինենք բոլորս միասին:

Հարցազրույցը՝ ԱՐՄԵՆՈՒՀԻ ՀԱԿՈԲՅԱՆԻ

 

КОМСОМОЛЬСКАЯ ПРАВДА