ԿԱՐՃ ԼՈՒՐԵՐ

«ԱՐԱՐԱՏՅԱՆ» ՊՈՄՊԱԿԱՅԱՆԸ ՆՈՐԻՑ ԳՈՐԾՈՒՄ Է

06.07.2018 22:40 ՏՆՏԵՍՈՒԹՅՈՒՆ
«ԱՐԱՐԱՏՅԱՆ» ՊՈՄՊԱԿԱՅԱՆԸ ՆՈՐԻՑ ԳՈՐԾՈՒՄ Է

«Վեոլիա ջրի» ղեկավարները հանդիպեցին լրագրողների հետ` ներկայացնելու այս օրերին Երեւանում ջրամատակարարման հետ կապված իրավիճակը:

«Վեոլիա Ջուրը» օրենքով սահմանված կարգով սակագնի փոփոխության հայտ կներկայացնի. Միքայել Սողոմանյան

Վերջին օրերին «Վեոլիա ջուր» ՓԲԸ ստացված հաղորդագրությունների քանակն աննախադեպ աճել էր` որպես հետեւանք Երեւանում ստեղծված նույնքան աննախադեպ իրավիճակի: Խնդիրը հետեւյալն է: Ինչպես ամեն տարի, այս անգամ եւս ամռան շոգերի հետ հանրապետության բնակավայրերում, այդ թվում` մայրաքաղաքում կտրուկ ավելացավ ջրի սպառման ծավալները: Ընկերությունը կենարար հեղուկի նկատմամբ պահանջարկը բավարարելու համար վայրկյանում մոտ 2000 լիտրով ավելացրեց ջրի արտադրությունը համակարգում: Այդ նպատակով նաեւ վերագործարկվեց պահուստային հանդիսացող «Արարատյան 3, 4» հզոր պոմպակայանը, որով սովորաբար հուլիս-օգոստոս ամիսներին Արարատյան դաշտի խորքային հորերի ջուրը մղվում է մայրաքաղաքի հարավային շրջանները: Շաբաթ օրը համակարգում պահանջարկ-առաջարկը գրեթե կարգավորվել էր, երբ «Արարատյանում» տեղի ունեցավ խոշոր վթար: Շարքից դուրս եկան ոչ միայն պոմպերը, այլեւ մայրուղային ջրատարը, որով Երեւանը ջուր է ստանում: Անմիջապես սկսվեցին վթարի պատճառների հայտնաբերման, նոր պոմպերի տեղադրման ու խողովակաշարի վրա առաջացած վթարների վերացման աշխատանքները: Մի կողմից արտակարգ շոգ եղանակ, մյուս կողմից` ջրի մեծ սպառում, ինչը կտրուկ ավելացրեց ծանրաբեռնվածությունը պոմպերի վրա, ի վերջո, հնամաշ, դեռ խորհրդային արտադրության սարքավորումներ, որոնք չդիմացան լարվածությանը եւ…

Երեւանում անմիջապես կտրուկ ընկավ ճնշումը: Ներքաղաքային բաշխիչ ցանցի կարգաբերումով հնարավոր չէր ապահովել կայուն ջրամատակարարում: Ջուրը պարզապես չէր բավականացնում: «Վեոլիա ջուրը» անգամ ստիպված էր մյուս աղբյուրներից ստացվող ջուրը վերաբաշխել մայրաքաղաքով մեկ, որ ջրազրկված շրջաններում ապահովի գոնե նվազագույն ջրամատակարարում: Իսկ մինչ այդ, շուրջօրյա արտակարգ ռեժիմով պոմպակայանում ու ջրատարի վրա աշխատում էին ներգրավված մի քանի տասնյակ մասնագետներ ու մեծաքանակ շինարարական տեխնիկա: Ներկայումս «Արարատյան 3,4» պոմպակայանը նորից գործում է: Այստեղից վերսկսվել է ջրի մատակարարումը Երեւանին` վայրկյանում ավելի քան 500 լիտր քանակությամբ: Դրա շնորհիվ արդեն առաջիկայում մայրաքաղաքում կվերականգնվի ջրամատակարարման հայտարարված ռեժիմը, եւ այս օրերի իրավիճակը սպառողների համար կդառնա միայն տհաճ մի հուշ: Իսկ մինչ այդ մի խումբ լրագրողներ «Վեոլիա ջրի» Աշտարակում գտնվող Կենտրոնական կարգավարական ծառայությունում հանդիպեցին ընկերության գլխավոր տնօրեն Կրիստիան Լըֆեին, գլխավոր գործառնական տնօրեն Գոռ Գրիգորյանին, մյուս պատասխանատուներին, որոնք ներկայացրին իրավիճակը, պատմեցին ձեռնարկված քայլերի մասին ու պատասխանեցին հասարակությանը հուզող հարցերին:

Հանրային կապերի ծառայություն

 

КОМСОМОЛЬСКАЯ ПРАВДА