ԿԱՐՃ ԼՈՒՐԵՐ

Տեր-Հովակիմյանը դեռ վերադարձնելու ու պատասխան տալու շատ բան ունի...

13.06.2018 15:32 ՕՐՎԱ ՊԱՏԿԵՐ ՔՐԵԱԿԱՆ
Տեր-Հովակիմյանը դեռ վերադարձնելու ու պատասխան տալու շատ բան ունի...

 ՀՀ քննչական կոմիտեի Երևան քաղաքի քննչական վարչությունում քննվող քրեական գործով մեղադրանք է առաջադրվել Հայաստանի երիտասարդական հիմնադրամի գործադիր տնօրենին Ալեքսանդր Տեր-Հովակիմյանը՝ առանձնապես խոշոր չափերով յուրացում կատարելու համար, հաղորդում է ՀՀ ՔԿ մամուլի ծառայությունը։

Ավելի վաղ տեղեկացրել ենք, որ 2018թ. մայիսի 25-ին ՀՀ քննչական կոմիտեում ստացվել է Հայաստանի երիտասարդական հիմնադրամի հոգաբարձուների խորհրդի անդամ, ԱԺ պատգամավոր Կարեն Ավագյանի դիմումն առ այն, որ ապրիլի 6-ին Հայաստանի Երիտասարդական հիմնադրամի գործադիր տնօրենը հիշյալ հիմնադրամի անունից ինքն իր հետ կնքել է 326.000.000 ՀՀ դրամի փոխառության պայմանագիր:

Աստղաբանը՝ բացահայտել է մոդել Անահիտ Հարությունյանի գաղտնիքները


Դեպքի առթիվ ՀՀ ՔԿ Երևան քաղաքի քննչական վարչությունում հարուցվել է քրեական գործ՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով և ձեռնարկվել անհետաձգելի քննչական և դատավարական մի շարք այլ միջոցառումներ՝ դեպքի հանգամանքները պարզելու ուղղությամբ: Հարցաքննվել են մի շարք անձինք, կատարվել առգրավումներ և խուզարկություն:

Արդյունքում՝ փաստական տվյալներ են ձեռք բերվել, որ հիմնադրամի գործադիր տնօրենը, կանոնադրությամբ ունենալով հիմնադրամի գույքը և ֆինանսական միջոցները տնօրինելու իրավասություն, 2013-2018թթ. ընթացքում հիմնադրամի բանկային հաշիվներից մաս-մաս կանխիկացրել, ապա հիմնադրամից առհաշիվ ստացել և յուրացմամբ հափշտակել է հիմնադրամին պատկանող, իրեն վստահված առանձնապես խոշոր չափի` 325.600.000 ՀՀ դրամ գումար:

Ձեռք բերված բավարար ապացույցների հիման վրա՝ տնօրենին մեղադրանք է առաջադրվել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով և հարցաքննվել: Վերջինս ընդունել է առաջադրված մեղադրանքը և պարտավորվել փոխհատուցել պատճառված վնասը։ Սակայն Հիմնադրամը վաղուց ուներ կոռումպացված ու «ատկատներով» աշխատող հիմնարկի համբավ, եւ հավանաբար քննության արդյունքում կպարզվի, որ Տեր-Հովակիմյանը դեռ վերադարձնելու ու պատասխան տալու շատ բան ունի...

Նախաքննությունը շարունակվում է:

 

КОМСОМОЛЬСКАЯ ПРАВДА