ԸՆԿԵՐ ՓԱՆՋՈՒՆԻ

ԿԱՌԱՎԱՐՈՒԹՅԱՆ ԲԱՑ ՆԱՄԱԿԸ ՍՈՐՈՍԻՆ

– Խնդրում ենք, բաց թողնեք քաղբանտարկյալներին:

ԸՆԿԵՐ ՓԱՆՋՈՒՆԻ

 

 

 

ԱԽՔ ՔԱՐՏՈՒՂԱՐ ԱՐՄԵՆ ԳՐԻԳՈՐՅԱՆԻ ՆՈՐ ՀԱՅԵՑԱԿԱՐԳԸ

Ըստ Պաշտպանության նախարարության, Արմեն Գրիգորյանը «Ազգ-բանակ» հայեցակարգի փոխարեն առաջարկում է «ազգ-դեզերտիր», իսկ այլընտրանքային ծառայության փոխարեն` «ազգ-գենդեր» նոր ռազմավարական ձեւաչափը:

 

ԱՐԹՈՒՐ ԲԱՂԴԱՍԱՐՅԱՆԸ` ՎԻԳԵՆ ՍԱՐԳՍՅԱՆԻՆ (ՎԵՐՋԻՆԻՍ ԿՈՂՄԻՑ ՆՈՐ ԱԽ ՔԱՐՏՈՒՂԱՐ ԱՐՄԵՆ ԳՐԻԳՈՐՅԱՆԻՆ «ԱԶԳ-ԲԱՆԱԿ» ԾՐԱԳԻՐԸ ԺԽՏԵԼԸ ՔՆՆԱԴԱՏԵԼՈՒ ԿԱՊԱԿՑՈՒԹՅԱՄԲ)

– Ինքը մեղավոր չի, ով Արթուրից հետո այդ աթոռին նստում ա` ախք ա դառնում…

 

 

 

ՆԱՅՈՒՄ ԵՄ ՇՈՒՐՋՍ` ԷԼԻ ՓՇԱԼԱՐ (ՆՈՐ ՎԱՐՉԱԿԱՐԳԻ ԴԵՄ ՏԵՂԻ ՈՒՆԵՑՈՂ ՑՈՒՅՑԵՐԻ, ՑՈՒՑԱՐԱՐՆԵՐԸ` ՈՍՏԻԿԱՆԱՊԵՏ ՕՍԻՊՅԱՆԻՆ` «ՓՇԱԼԱՐԵՐԸ ՊԱՀԵՍՏՆԵՐՈՒՄ ԺԱՆԳՈՏԵԼՈՒ ԵՆ» ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

– Աշխատող փշալարը չի ժանգոտում…

 

ՈՐ ՀՈՆՔԻ ՏԵՂԸ ԱՉՔՆ ԷԼ ՉՀԱՆԻ («ՄԻ ՎՆԱՍԻՐ» ՀԱՂՈՐԴԱՇԱՐԻ ՀԱՂՈՐԴԱՎԱՐ ՎԱՀԵ ՏԵՐ-ՄԻՆԱՍՅԱՆԻՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ ԽՈՐՀՐԴԱԿԱՆ ՆՇԱՆԱԿՎԵԼՈՒ ԿԱՊԱԿՑՈՒԹՅԱՄԲ)

Կառավարությունից հայտնում են, որ հաշվի առնելով նորանշանակ նախարարի ոչ ադեկվատ «չմո երկիր Հայաստան»  հայտարարությունը եւ  գարդասիլային պատմությունը, որոշեցին Տեր-Մինասյանին նշանակել խորհրդական, որպեսզի նախարարի հետ «Մի՛ վնասիր»-ի շրջանակներում աշխատանք տանի:

 

ԴԱԲՐՈ ՉԿԱ

Ըստ քաղտեխնոլոգների` ինչքան էլ «Սասնա ծռերի» աջակիցները փողոցներում իրեց «քեռի Թորոսի» տեղ դրած Արշակունյաց պողոտան փակեն, միեւնույնն է` մինչեւ կառավարությանը «քեռի Սորոսը» թույլ չտա, նրանց ազատ չեն արձակի:

 

ՔԱՂԱՔԱԿԱՆ ՀԻՇՈՑ

– Սաքունցի տղա…