ԿԱՐՃ ԼՈՒՐԵՐ

Թուրքիայում երկու լրագրողի սպառնում է մինչև 10 տարվա ազատազրկում՝ Աֆրինի գործողության մասին գրելու համար

15.05.2018 21:52 ՄԻՋԱԶԳԱՅԻՆ ՔՐԵԱԿԱՆ
Թուրքիայում երկու լրագրողի սպառնում է մինչև 10 տարվա ազատազրկում՝ Աֆրինի գործողության մասին գրելու համար

Թուրքիայում մինչև 10 տարվա ազատազրկում է սպառնում երկու լրագրողի, որոնք ոչ իշխանական տեսանկյունից են լուսաբանել սիրիական Աֆրինում թուրքական ԶՈւ-ի կողմից իրականացված ռազմական գործողությունը, գրում է թուրքական diken.com.tr կայքը։

Լրագրողներ Սիբել Հյուրթաշն ու Հայրի Դեմիրը մեղադրվում են իրենց պատրաստած լուրերում և սոցցանցային հրապարակումներում ահաբեկչամետ քարոզչություն իրականացնելու, ինչպես նաև ժողովրդի մեջ ատելություն սերմանելու համար։

Նշենք, որ լրագրողներն իրենց նյութերում նշել էին, որ պատերազմական գործողություններով ու քրդերի դեմ թշնամությամբ Թուրքիայի իշխանությունները փորձում են ամրապնդել իրենց ռեժիմը։

Հիշեցնենք, որ հունվարի 20-ին թուրքական ԶՈւ-ն սկսել է Սիրիայի հյուսիսում գտնվող քրդական ազգային զինված ջոկատների (PYD/YPG) դեմ ռազմական գործողությունը, որը ստացել է «Ձիթենու ճյուղ» անվանումը:

Մեծ Բրիտանիայում պակիստանցի կինն ազատազրկման է դատապարտվել՝ դստերը հայրենիքում բռնի ամուսնացնելու համար



Թուրքական ԶՈւ-ը Աֆրինի կենտրոնը գրավել է մարտի 18-ին:

 

 

КОМСОМОЛЬСКАЯ ПРАВДА