ԿԱՐՃ ԼՈՒՐԵՐ

Մոսկվայում ձերբակալել են ԻՊ տասնյակ կողմնակիցների, որոնց մոտ նաև հայկական անձնագիր է եղել (տեսանյութ)

14.03.2018 17:21 ՔՐԵԱԿԱՆ
Մոսկվայում ձերբակալել են ԻՊ տասնյակ կողմնակիցների, որոնց մոտ նաև հայկական անձնագիր է եղել (տեսանյութ)

Մոսկվայում և Մոսկվայի մարզում Ռուսաստանի տարբեր գերատեսչությունների իրավապահ ուժերի համատեղ հատուկ գործողության արդյունքում ձերբակալվել են «Իսլամական պետության» ավելի քան 60 կողմնակիցներ, հաղորդում է ՌԴ ԱԳՆ մամուլի ծառայությունը։ Գերատեսչությունը կադրեր է հրապարակել մեղադրյալներին ձերբակալելու օպերատիվ նկարահանումից, որը տեղի է ունեցել Ռուսաստանի մայրաքաղաքում և Մոսկվայի շրջանի 17 հասցեներում։

Վարդենիսում 9 մլն դրամ են յուրացվել(Տեսանյութ)

Ձերբակալվածները զբաղվել են Կենտրոնական Ասիայից Ռուսաստան ժամանած անօրինական ներգաղթյալների հարցերով, կազմակերպել են նրանց անօրինական ներգաղթը Սիրիա և Իրաք, որտեղ նրանց հաճախորդներն ընդգրկվել են ահաբեկչական խմբավորումների շարքեր (մասնավորապես՝ ԻՊ, որն արգելված է Ռուսաստանում և մի շարք երկրներում)։

Ինչպես նշել է Ռուսաստանի ՆԳՆ պաշտոնական ներկայացուցիչ Իրինա Վոլկը, հատուկ գործողության շրջանակում գտել են երեք լաբորատորիա, որտեղ չարագործները կեղծ փաստաթղթեր են պատրաստել։ Գտել են գրասենյակային տեխնիկա, սարքավորումներ, բնակության վայր ժամանելու համար ավելի քան 200 գրանցման թերթիկ, նույնքան միգրացիոն քարտ, բժշկական 50 տեղեկանք, Միջին Ասիայի հանրապետությունների քաղաքացիների նույնքան անձնագիր, 40 բանկային քարտ և այլ կեղծ փաստաթղթեր։

Օպերատիվ նկարահանման կադրերում երևում է, որ գտնված կեղծ փաստաթղթերի շարքում կա հայկական անձնագիր, ընդ որում` ոչ թե հին նմուշի, այլ համեմատաբար վերջերս ներմուծված կենսաչափական։ Չի երևում, թե ում տվյալներով է լրացվել փաստաթուղթը։

 

 

КОМСОМОЛЬСКАЯ ПРАВДА