ԿԱՐՃ ԼՈՒՐԵՐ

«ՀԱՐՁԱԿՎՈՒՄ ԵՆ ՊԱՇՏՊԱՆՅԱԼԻՍ ՈՒՂԵԿՑՈՂ ՈՍՏԻԿԱՆԱԿԱՆ ՄԵՔԵՆԱՅԻ ՎՐԱ»

19.01.2018 21:20 ՔՐԵԱԿԱՆ
«ՀԱՐՁԱԿՎՈՒՄ ԵՆ ՊԱՇՏՊԱՆՅԱԼԻՍ ՈՒՂԵԿՑՈՂ ՈՍՏԻԿԱՆԱԿԱՆ ՄԵՔԵՆԱՅԻ ՎՐԱ»

Գեղարքունիքի մարզի ընդհանուր իրավասության դատարանում, դատավոր Մնացական Հարությունյանի նախագահությամբ, Գեղարքունիքի փոխմարզպետ Անդրանիկ Հակոբյանի որդու` 29-ամյա Հայկ Հակոբյանի (Նորատուսցի Հայկո) սպանության աղմկոտ գործով նիստերը շարունակում են անցնել լարված իրավիճակում: Այդ մասին մեզ հետ զրույցում պատմեց սպանության համար մեղադրվող Մեխակ Հարությունյանի փաստաբան ՌՈՒՍՏԱՄ ԽԱՉԱՏՐՅԱՆԸ.

Ողբերգական վթար՝ Մաստարա գյուղի մոտ՝ բեռնատարների մասնակցությամբ, մարդատար ավտոմեքենայի վարորդը տեղում մահացել է

Դռնփակ դատական նիստն էլ չի հանդարտեցնում դատարանում սպանվածի հարազատների կրքերը: Արդեն անհնար է դառնում անգամ դռնփակ նիստերի անցկացումը մարզի դատարանում: Դա է պատճառը, որ վերջին նիստի ընթացքում միջնորդել եմ, որպեսզի արտագնա նիստեր նշանակվեն եւ անցկացվեն Երեւանում, որպեսզի հնարավոր լինի դատական պրոցեսը առաջ տանել: Դատարանը հայտնեց, որ կքննի միջնորդությունը եւ որոշում կկայացնի, թեպետ սպանվածի կողմը հակափաստարկներ ներկայացրեց, որ նիստերը անպայման ընթանան մարզի դատարանում:

- Պարոն Խաչատրյան, ինքներդ նշեցիք, որ դատական նիստերը դռնփակ են ընթանում: Այդ դեպքում փոխմարզպետի հարազատներն ինչպե՞ս կարող են խանգարել դատական պրոցեսը:

- Այո, ճիշտ եք, դռնփակ են նիստերը, բայց եթե նախկինում դատական նիստերի դահլիճում էին հնչում հայհոյանքները, ապա հիմա այդ ամենը ավելի վատ ձեւով պաշտպանյալիս նկատմամբ հարձակման փորձեր կատարվում է դատարանի բակում: Հարձակվում են պաշտպանյալիս ուղեկցող ոստիկանական մեքենայի վրա, քաշքշուկներն ու հայհոյանքները առհասարակ չեն պակասում: Այն աստիճան է լարված իրավիճակը, որ պաշտպանյալիս հարազատները վախենում են անգամ դատարանի շուրջբոլորը երեւան:

- Լավ, իսկ ինչ փուլում է դատական պրոցեսը:

- Կարելի է ասել՝ տեղից չի շարժվում: Անընդհատ կա՛մ հետաձգվում է կա՛մ վկաները վախից չեն գալիս: Լավ է, վերջին նիստի ժամանակ դատարանը երկու վկայի կարողացավ հարցաքննել: Երեւի դժվար է պատկերացնել, բայց այնքան լարված է ամեն բան, որ վկաներն էլ են վախենում Նորատուսից գան ու ցուցմունք տան, իրենց էլ են սպառնում:

ԻԼՈՆԱ ԱԶԱՐՅԱՆ

 

КОМСОМОЛЬСКАЯ ПРАВДА