ԿԱՐՃ ԼՈՒՐԵՐ

Ոստիկանության ներքին անվտանգության վարչությունն ամփոփել է 2017թ. աշխատանքները

11.01.2018 10:14 ԻՐԱՎՈՒՆՔ
Ոստիկանության ներքին անվտանգության վարչությունն ամփոփել է 2017թ. աշխատանքները

ՀՀ ոստիկանության ներքին անվտանգության վարչությունում 2017 թվականի ընթացքում կատարվել է 527 ծառայողական քննություն և ուսումնասիրություն: Այս մասին նշված է ՀՀ ոստիկանության ներքին անվտանգության վարչության կողմից 2017 թվականի ընթացքում իրականացված աշխատանքների ամփոփ վիճակագրության մեջ, որ ներկայացված է ՀՀ ոստիկանության պաշտոնական կայքում։

Վալերի Օսիպյանի հրամանով Սևանի ոստիկանության բաժինը նոր պետ ունի

Հաղորդագրության մեջ նաև նշված է. «Կատարված ծառայողական քննությունների արդյունքներով ոստիկանության ծառայողների նկատմամբ կիրառվել են 266 կարգապահական տույժեր, այդ թվում՝

– հայտարարվել է նկատողություն` 78,

– հայտարարվել է խիստ նկատողություն` 133,

– պաշտոնն իջեցվել է մեկ աստիճանով՝ 4,

– կոչումն իջեցվել է մեկ աստիճանով` 11,

– ազատվել են ոստիկանությունում ծառայությունից` 40:

ՀՀ ոստիկանության ծառայողների կողմից թույլ տրված օրինախախտումների փաստերով ներքին անվտանգության վարչության կողմից նախապատրաստվել և ՀՀ հատուկ քննչական ծառայության ու նախաքննական այլ մարմինների քննարկմանն են ուղարկվել ծառայողական քննությունների 17 նյութեր: Դրանցով հարուցվել են 17 քրեական գործեր, որոնցից.

• 1-ը նախաքննության փուլում է,

• 6-ը կարճվել են,

• 1-ը կասեցվել է,

• 9-ն ուղարկվել են դատարան, որոնցից՝

7-ը դատաքննության փուլում են,

2-ով 2 ծառայող դատապարտվել են:

Հաշվետու ժամանակահատվածում ուսումնասիրվել և ամփոփվել է ՀՀ ոստիկանության համակարգի ծառայողների կողմից կատարված իրավախախտումների և կիրառված կարգապահական տույժերի վերաբերյալ տեղեկատվությունը:

Այսպես.

2017 թվականի ընթացքում ՀՀ ոստիկանության ծառայողների կողմից թույլ տրված իրավախախտումների կապակցությամբ կատարվել են 1559 ծառայողական քննություններ, որոնց արդյունքներով ծառայողների նկատմամբ կիրառվել են 937 կարգապահական տույժեր (որից 55-ը` ազատում ՀՀ ոստիկանությունում ծառայությունից):

2017 թվականի ընթացքում ՀՀ ոստիկանությունում հրավիրվել է կարգապահական հանձնաժողովի 8 նիստ, որի ընթացքում քննարկվել է ոստիկանության 38 ծառայողի վերաբերյալ իրականացված ծառայողական քննությունների 31 նյութ /այդ թվում` 1 ծառայողի վերաբերյալ իրականացված ծառայողական քննության նյութերը նոր քննություն կատարելու համար ուղարկվել են ներքին անվտանգության վարչություն և կարգապահական հանձնաժողովի կողմից քննության առնվել կրկնակի/:

Կարգապահական հանձնաժողովի միջնորդությամբ ՀՀ ոստիկանության պետի հրամաններով ոստիկանության 37 ծառայողի նկատմամբ կիրառվել են հետևյալ կարգապահական տույժերը.

– 6 ծառայողի հայտարարվել է «Խիստ նկատողություն»,

– 1-ի կոչումն իջեցվել է մեկ աստիճանով,

– 30-ն ազատվել են ՀՀ ոստիկանությունում ծառայությունից»:

Նախարար Զեյնալյանը կարևորել է Պետական ռեգիստրի գործակալությունում կոռուպցիոն ռիսկերը բացառելուն ուղղված աշխատանքները

 

 

КОМСОМОЛЬСКАЯ ПРАВДА