ԿԱՐՃ ԼՈՒՐԵՐ

«Ելքն» անցել է անհատակա՞ն բանակցությունների

20.12.2017 20:51 ՕՐՎԱ ՊԱՏԿԵՐ ՔԱՂԱՔԱԿԱՆ ԹԵՄԱ
«Ելքն» անցել է անհատակա՞ն բանակցությունների

Մինչ ԱԺ «Ելք» խմբակցության ղեկավար Նիկոլ Փաշինյանը հայտարարում է, որ անձամբ է բանակցություններ սկսելու ԱԺ «Ծառուկյան» խմբակցության հետ, որպեսզի աջակցեն ստորագրություններով եւ պաշտպանեն «Ելքի» կողմից առաջադրած ՀՀ նախագահի թեկնածու ԱԺ պատգամավոր Արտակ Զեյնալյանի թեկնածությունը, տպավորություն է, որ դրան զուգահեռ իրականացվում են նաեւ անհատական բանակցություններ: Երեկ Ազգային ժողովի միջանցքում Ամանորի մասին երկար-բարակ հարցազրույցներ էր տալիս ԱԺ «Ելք» խմբակցության պատգամավոր ՍԱՍՈՒՆ ՄԻՔԱՅԵԼՅԱՆԸ: Մինչդեռ երբ «Իրավունքը» դիմեց նրան ներքաղաքական հարցերով վերջինս հրթիռային արագությամբ շտապեց ԱԺ «Ծառուկյան» խմբակցության պատգամավոր ԼՈՒԻԶԱ ՍԱՐԳՍՅԱՆԻ աշխատասենյակ: Դեռ մի բան էլ տանտիրոջ իրավունք իրեն վերապահած դուռը շխկացրեց: Թե ինչ են քննարկում տարբեր խմբակցությունների ընդդիմադիր պատգամավորները, դժվար է ասել, սակայն «Ելքի» որդեգրած տեխնոլոգիան կամաց-կամաց ակնհայտ է դառնում: Բնական է, որ դժվար թե «Ծառուկյան» խմբակցությունը հայտարարի, որ իրենց ողջ պատգամավորական կազմով սատարելու են «Ելքի» նախագահի թեկնածուին, ուստի` այլ ելք չի մնում, քան քաղաքականության մեջ առավել քիչ եփված «Ծառուկյան» խմբակցության նոր պատգամավորներից մի երկու ստորագրություն կորզել:

«Դուք լավ չեք պատկերացնո՞ւմ, թե որ երկրի վարչապետ եք ընտրվել»

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА