ԿԱՐՃ ԼՈՒՐԵՐ

Բաքվին լուրջ անհանգստացնում է հայ-չինական համագործակցության զարգացման միտումները

08.09.2017 17:44 ՔԱՂԱՔԱԿԱՆ ՀԱՆՐՈՒԹՅՈՒՆ
Բաքվին լուրջ անհանգստացնում է հայ-չինական  համագործակցության զարգացման միտումները

«Նորավանք» գիտակրթական հիմնադրամի Քաղաքական հետազոտությունների կենտրոնի ղեկավար, ավագ փորձագետ ԿԱՐԵՆ ՎԵՐԱՆՅԱՆԻ խոսքով` Բաքվում լուրջ անհանգստության տեղիք են տալիս վերջին շրջանում Հայաստանի եւ Չինաստանի միջեւ համագործակցության զարգացման նոր միտումները, մասնավորապես` Չինաստանի հարավկովկասյան տարածաշրջանային դիվանագիտությունում Հայաստանի նկատմամբ դրսեւորվող հետաքրքրվածությունը. «Վերջերս երկու նշանակալի իրադարձություն արձանագրվեցին հայ-չինական համագործակցության զարգացման հարթությունում։ Առաջին՝ չինական կողմը պատրաստակամություն է հայտնել Հայաստանում կառուցել իր նոր դեսպանատունը, որն իր ծավալներով եվրասիական տարածաշրջանում երկրորդ խոշոր չինական դեսպանատունն է լինելու։ Սա թերեւս խոսում է առաջիկա տարիներին «Մեկ գոտի, մեկ ճանապարհ» չինական նախաձեռնության համատեքստում հարավկովկասյան ուղղությամբ Պեկինի որդեգրած նոր քաղաքականության մասին։ Երկրորդ՝ հայ-չինական երկկողմ գործակցությունում կարեւոր պետք է համարել Հայաստանի պաշտպանության նախարարի՝ Չինաստան կատարած պաշտոնական այցելությունը, որի արդյունքում կողմերը ձեռք են բերել պաշտպանական, ռազմատեխնիկական ոլորտներում կարեւոր պայմանավորվածություններ՝ այդ թվում եւ Չինաստանի կողմից Հայաստանին 1.5 մլն անհատույց ռազմական օգնություն տրամադրելու վերաբերյալ»,-նշում է Կարեն Վերանյանը։ Ըստ նրա, Բաքվում բավական ցավոտ են ընկալվում նման զարգացումները՝ հատկապես, երբ խոսքը գնում է Հայաստանի ռազմական, ռազմատեխնիկական ոլորտի զարգացման մասին.«Այս տեսանկյունից սպասելի է Բաքվի կողմից տեղեկատվական դաշտում ուղղորդված այն հրապարակումների, գնահատականների սփռումը, որոնք նպատակ են հետապնդում հայ-չինական տնտեսական, պաշտպանական գործակցության շուրջ վերջին պայմանավորվածությունները դարձնել հայ-ռուսական պետական-քաղաքական քննարկումների առարկա՝ փորձելով այս հարցում արհեստականորեն հրահրել Ռուսաստանի դժգոհությունը։ Իհարկե, միգուցե Չինաստանի հետ հայկական կողմի ձեռքբերած պայմանավորվածությունները այնքան էլ միանշանակ ընկալում չունենան Մոսկվայում, այսուհանդերձ, Չինաստանը վերջին երկիրը չէ, որ զենք է վաճառում Հարավային Կովկաս»,-ընդգծում է փորձագետը։

Քաղաքապետ ընտրվելու դեպքում Ն. Զոհրաբյանն ընտրություններին մասնակցող բոլոր ուժերին հրավիրելու է միասին կառավարել Երեւանը

 

 

КОМСОМОЛЬСКАЯ ПРАВДА