o C     01. 06. 2020   : :

ԿԱՐՃ ԼՈՒՐԵՐ

Մի քանի ամսից ամեն ինչ լավ չի լինելու․ հարաբերականորեն կարող է մի քիչ լավանալ կամ շատ վատանալ. ՏԵՍԱՆՅՈՒԹ

22.05.2020 15:49 ՕՐՎԱ ՊԱՏԿԵՐ ԱՌՈՂՋԱՊԱՀԱԿԱՆ
Մի քանի ամսից ամեն ինչ լավ չի լինելու․ հարաբերականորեն կարող է մի քիչ լավանալ կամ շատ վատանալ. ՏԵՍԱՆՅՈՒԹ

«Հայտնի չէ՝ երբ է այս ամենը վերջանալու, և մենք պետք է երկար պատրաստվենք այս վարակի տարածման օղակները կոտրելուն։ Այնքան երկար, քանի դեռ կամ բոլորը չեն վարակվել և լավացել, իհարկե, անխուսափելի մահերով, կամ չունենք ուղիղ ազդող դեղամիջոց, որը, դժբախտաբար, նույնիսկ հորիզոնում չի երևում, կամ պատվաստանյութ, որը կլինի փրկություն, բայց մոտակա 1-2 տարում պատվաստանյութ ունենալու հույսերը շատ փոքր են»,- Հանրային խորհրդի առցանց նիստում այս մասին ասաց ՀՀ առողջապահության նախարար Արսեն Թորոսյանը։

Մի սրեք, ես ձեզ հարցնում եմ՝ ուր են հիմնադրամի գումարները. Ուրիխանյանը՝ Արթուր Դավթյանին. տեսանյութ

Նա նկատեց՝ պետք չէ պատկերացնել, որ մի քանի ամսից ամեն ինչ լավ է լինելու․ «Իրականում, մի քանի ամսից ամեն ինչ ավելի լավ չի լինելու․ լինելու է կամ այսպես, հարաբերականորեն կարող է մի փոքր լավանալ, կարող է շատ վատանալ»։

Արսեն Թորոսյանն ասաց, որ իրավիճակը պետք է շարունակեն կառավելի պահել։

Անդրադառնալով կորոնավիրուսով ծանր դեպքերին՝ նախարարն ասաց, որ այս պահին ունենք 202 ինտենստիվ թերապիայի մահճակալ մոբիլիզացված հիվանդանոցներում, որից զբաղված է 152-ը:

«Այո, դեռ ազատ մահճակալներ կան, սակայն նրանց զբաղվելը և ազատվելը շատ հակառակ տրամաբանությամբ է տեղի ունենում: Այսինքն՝ դրանք շատ արագ զբաղվում են, կարող է հենց այսօր միանգամից 50-ն էլ զբաղվի, բայց կազատվեն շան դանդաղ, որովհետև այն քաղաքացիները, որոնք վերակենդանացման բաժանմունքներում են, մոտավորապես 20 օր մնում են այնտեղ: Միայն այն դեպքերում է կարճ լինում ռեանիմացիոն մահճակալների զբաղվածությունը, եթե հիվանդի վիճակը կտրուկ վատանում է, և մենք չենք կարողանում փրկել»,- նշեց նա:

Այսինքն՝ ըստ նախարարի՝  մոբիլիզացված ռեսուրները հնարավոր է՝ ինչ-որ պահի չհերիքեն: Եվ այդ դեպքում իրենք ունեն իրենց մարտավարությունը, բայց դա ամենաանցանկալի բանն է, որ կուզեին անել: «Դա առողջապահական ամբողջ համակարգի ներգրավումն է պրոցեսի մեջ՝ բոլոր հիվանդանոցների, բոլոր ռեանիմացիաների ամբողջ բժշկական անձնակազմի: Դա կարող է լինել անխուսափելի, եթե մենք շարունակաբար ունենանք նման բարձր թվեր: Դա ստիպված քայլ կլինի, որն իր հետ բերելու է վատ սցենարների նաև բուժաշխատողների վարակվածության առումով, որն անխուսափելիորեն բարձրանալու է»,- ասաց նա: Ըստ նախարարի՝ մինչ օրս կորոնավիրուսով վարակված է մոտ 350 բուժաշխատող: Նաև մեկ այլ վատ սցենար կարող է լինել՝ հիվանդանոցներում բուժվող այլ խրոնիկական հիվանդություններով ծանր քաղաքացիները ներհիվանդանոցային վարակի պատճառով կվարակվեն, իրենց առողջական առանց այն էլ վատ վիճակը կվատթարանա:

«Հետևաբար, մենք գերնպատակն է այդ սցենարը թույլ չտալ՝ կառավարելի պահելով իրավիճակը»,- նշեց նա: Նախարարը դարձյալ ասաց, որ այս իրավիճակը երկար է տևելու, մի քանի ամսում կորոնավիրուսը չի վերանալու, իսկ դեղամիջոցն ու պատվաստանյութը շուտ չեն հայտնաբերվելու:

 

КОМСОМОЛЬСКАЯ ПРАВДА