o C     02. 04. 2020   : :

ԿԱՐՃ ԼՈՒՐԵՐ

Ուղևորատար ինքնաթիռի օդաչուների հրմշտոցի պատճառով չվերթը խափանվել է

03.02.2020 20:24 ՄԻՋԱԶԳԱՅԻՆ
Ուղևորատար ինքնաթիռի օդաչուների հրմշտոցի պատճառով չվերթը խափանվել է

Փարիզից Մոսկվա թռչող ուղևորատար օդանավի օդաչուների վեճը խափանել է չվերթը և վշտացրել ռուսաստանցիներին: Տեղի ունեցածի մասին պատմել է ականատես Կիրիլ Ֆոն Հոֆմանը:

Միջադեպը տեղի է ունեցել «Air France» ավիաընկերության օդանավում, որը կատարում էր AF1744 չվերթը: Հոֆմանը հայտնել է, որ Շառլ դը Գոլ օդանավակայանից թռչելուց առաջ ուղեւորները սկանդալի ձայներ են լսել օդաչուների խցիկից, որից հետո օդանավը վերադարձել է դեպի վայրէջքային տերմինալ:

Պատրիկ Դևեջյանի հուղարկավորության արարողությունը չեղարկվել է կորոնավիրուսի պատճառով

«Բարձրախոսով ռուսերենով, ֆրանսերենով և անգլերենով հայտնել են, որ օդաչուների խցիկում ծեծկռտուք է եղել, և թռիչքը կշարունակվի միայն այն բանից հետո, երբ անձնակազմը փոխարինվի», - հստակեցրել է զբոսաշրջիկը:

Օդաչուներին փոխելուն պես օդանավը թռչել է «Շերեմետևո», սակայն 1,5 ժամ անց վերադարձել է Շառլ դը Գոլ:

«Սրահում անչափ ցուրտ էր, իլյումինատորները սառած էին, անտանելի էր նստելը, ծանր էր շնչելը», - հիշում է Հոֆմանը:

Նրա խոսքը RT-ի հետ զրույցում հաստատել է ռուսաստանցի Ալֆիա Նեստերենկոն, որը թռչել է նույն օդանավով:

«Շատ անհանգիստ էինք թռչում, ասես ավտոբուսն ընթանում էր գյուղական ճանապարհով՝ ամպեր չկային, բայց մշտական տուրբուլենտություն կար: Ինչի՞ մասին է սա խոսում: Այն մասին, որ թևերը ծածկված էին սառույցով, և դրանք չէին կարողանում հաղթահարել օդանավի կառավարումը», - հստակեցրել է նա՝ ավելացնելով, որ չվերթը 12 ժամով հետաձգվել է:

Արդյունքում ճանապարհորդները կարողացել են Մոսկվա հասնել այն բանից հետո, երբ ուրիշ օդանավ են նստել:

 

КОМСОМОЛЬСКАЯ ПРАВДА