Համահայկական խաղերի համաշխարհային կոմիտեն ընդլայնում է սահմանները

Համահայկական Խաղերի համաշխարհային կոմիտեի նախագահ ԻՇԽԱՆ  ԶԱՔԱՐՅԱՆԸ սեպտեմբերի 17-ից 24-ը հանդիպումներ ունեցավ Ղազախստանի հանրապետության մի շարք քաղաքների հայ համայքի ներկայացուցիչների հետ: Համահայկական խաղերի 20- ամյա պատմության ընթացքում Ղազախստանի հայերը երբեք չեն մասնակցել որեւէ միջոցառման: Նուրսուլթանում ձեւավորվեց Համահայկական խաղերի նորընտիր կոմիտե, որի նախագահ նշանակվեց գործարար ՀԱՅԿ ՍՈՂՈՅԱՆԸ:

Ղազախստանի հանրապետությունում ՀՀ արտակարգ եւ լիազոր դեսպան ԳԱԳԻԿ ՂԱԼԱՉՅԱՆԻ հետ Իշխան Զաքարյանը եւ Հայկ Սողոյանը քննարկեցին կազմակերպչական բազմաթիվ հարցեր: Այնուհետեւ Իշխան Զաքարյանը ժամանեց ԱՄԷ: Արաբական Միացյալ Էմիրությունների Դուբայ քաղաքի 11-հոգանոց պատվիրակությունը Համահայկական խաղերի պատմության ընթացքում առաջին անգամ խաղերին մասնակցեց այս տարի: 

Սեպտեմբերի 30-ին Համահայկական խաղերի համաշխարհային կոմիտեի նախագահը եւ ԱՄԷ- ում ՀՀ արտակարգ եւ լիազոր դեսպան ՄՀԵՐ ՄԿՐՏՈՒՄՅԱՆԸ հյուրընկալվեցին ԱՄԷ- ում եւ Քաթարում կաթողիկոսական փոխանորդ Գերաշնորհ ՏԵՐ ՄԵՍՐՈՊ եպիսկոպոս ՍԱՐԳԻՍԵԱՆԻՆ: Թեմական խորհրդի անդամների եւ Աբու-Դաբիում համայքի որոշ ներկայացուցիչների հետ քննարկվեցին համահայկական հաջորդ խաղերի ընթացքում պատվիրակությունների ձեւավորման եւ մասնակցության խնդիրները: Մեսրոպ եպիսկոպոս Սարգիսեանը քաջատեղյակ էր եւ ոգեւորված Համահայկական 7-րդ խաղերի անցկացման եւ հատկապես բացման արարողությամբ:

Նա  տեղեկացրեց, որ բավականին գործ է արել Քաթարում եւ հաջորդ խաղերին ակնկալվում է Դոհայի մասնակցությունը ֆուտզալ եւ բասկետբոլ մարզաձեւերում: Համատեղ քննարկումների  արդյունքում արձանագրվեց, որ հաջորդ խաղերին բավականին ընդգրկուն մասնակցություն կունենան Շարժա եւ Աբու-Դաբի քաղաքները: Վերջում Մեսրոպ եպիսկոպոս Սարգիսեանը Համահայկական խաղերի համաշխարհային կոմիտեի նախագահին պարգեւատրեց իրենց բարձրագույն մեդալով: Առաջիկայում սպասվում են Իշխան Զաքարյանի հանդիպումները Ռուսաստանի եւ եվրոպական այն քաղաքների ներկայացուցիչների հետ, որոնք փոքր թվով են մասնակցում կամ ընդհանրապես չեն մասնակցում Համահայկական խաղերին:

Այս թեմայով Համահայկական սգո օրը Երեւանում տեղի ունեցան երկու «աննախադեպ», «հոգեցնցող» երեւույթ. Ալլա Հակոբյան Չեմ դադարեցնելու պայքարս` մինչեւ չասեն ինչու է իմ մուտքն արգելված Հայաստանում. հացադուլի 5-րդ օրը Նիկոլ Փաշինյանին սպառնում է 15-20 տարի կամ ցմահ ազատազրկում. հաղորդում` հանցագործության մասին Հավաք՝ ապրիլի 25-ին, ժամը` 14.00-ին ՀՀ գլխավոր դատախազության շենքի դիմաց Երբ տեսնեմ ինձնից շատ ակնկալողներ կան, լուծումների իմ տարբերակն ասելու եմ. Սերժ Սարգսյան