Ինչու է պետությունը հրաժարվում ավարտին հասցնել 4 տարի նկարահանած մուլտֆիլմը

«Ռոբերտ Սահակյանց» անիմացիոն ստուդիայի ղեկավար, ռեժիսոր, անիմատոր, մշակույթի վաստակավոր գործիչ Դավիթ Սահակյանցի Վարազդատ թագավորի մասին մուլտֆիլմի պետական ֆինանսավորումը, չորս տարի տեւած աշխատանքներից հետո տարեսկզբին դադարեցվել է: «Իրավունքի» հետ զրույցում Դ. Սահակյանցն ասաց, որ մինչեւ այսօր որեւէ հստակ պատասխան չեն ստացել. «Արդեն 7 ամիս է չունենք ֆինանսավորում: Մինչ այդ, 4 տարի Մշակույթի նախարարությունը ֆինանսավորել է մեր նախագիծը, մասնակից է եղել ֆիլմի ստեղծմանը, փաստացի նախարարության պատվերով էր արվում այդ ֆիլմը: Գումարի մի մասը տալիս էր նախարարությունը, մնացածը` փորձում էինք այլ աղբյուրներից հայթայթել, 4 տարի այդպես ենք աշխատել: Թեպետ ֆինանսավորումը դադարեցվեց, բայց աշխատանքները չենք դադարեցրել` չենք սպասել, ֆինանսավորում կտրամադրվի, թե` ոչ, աշխատել ենք: Փաստացի 7 ամիս է մենք մեր գրպանից եւ ստուդիայի ռեսուրսով ենք պահապնում խումբը, որովհետեւ չենք ցանկանում փաստի առաջ կանգնել, ստիպված ֆիլմարտադրությունը սառեցնենք եւ մարդկանց ասենք` գնացեք տուն, կգաք, երբ գումար լինի»,- ասում է Դ. Սահակյանցն ու անորոշությամբ շեշտում, որ ինքն էլ չգիտի, թե երբ կստանանք պետական ֆինանսավորում: Մեր այն հարցադրմանը, թե ինչ հիմնավորմամբ է նախարարությունը դադարեցրել ֆինանսավորումը 4 տարի անց, մուլտիպլիկատորը դժվարացավ պատասխանել. «Ինքս էլ չգիտեմ, դա այսօրվա իշխանության աշխատաոճն է, կարծում եմ` բոլոր ոլորտներում նույն բանն է կատարվում` դիլետանտիզմ եւ ոչ պրոֆեսիոնալ լինել... Մենք, այսպես ասած, րոպեների ու վայրկյանների տեսքով ունեինք ինչ-որ պարտք, որը պետք է հանձնեինք Մշակույթի նախարարությանը` մինչեւ տարեվերջ, ինչը եւ արեցինք: Փաստացի, այսօր այն բոլոր պարտավորությունները, որոնք ունենինք Մշակույթի նախարարության առջեւ, կատարվել են, մնում է վերջին փուլը` գումարի փոխանցումը, որը դեռ չկա: Ինչ կլինի, չեմ կարող ոչինչ ասել»:

ԼԻԼԻԹ ԵՂԻԱԶԱՐՅԱՆ

Հարցազրույցն ամբողջությամբ դիտե՛ք տեսանյությում.

Այս թեմայով Չորս գյուղով չեն եզրափակվի. ԴԱՎԻԹ ՍԱՀԱԿՅԱՆՑ Կրթություն չստացած ինտերնետային «աստղի» խոսքին այսօր ավելի շատ են կարեւորություն տալիս. ԴԱՎԻԹ ՄՇԵՑԻ Նոր ազատագրական պայքարի սկիզբ եմ ակնկալում՝ ներկայիս իշխանության դեմ. Դավիթ Սահակյանց Հայաստանի շուրջ օղակը սեղմվում է, Փաշինյանը շտապում է չեզոքացնել քաղաքական օպոնենտներին. Ֆիդանյան Եթե անգամ մեկ քաղբանտարկյալ կա, ուրեմն՝ թերանում ենք նրանց ազատ արձակման պայքարում. Ֆիդանյան (ԱՆՈՆՍ)