Երևանի գլխավոր դիզայները ևս մնացել է նոր քաղաքապետի քմահաճույքին

Երեւանի գլխավոր դիզայներ ԳԱԳԱ ԱՄԱՏՈՒՆԻՆ եւս «Իրավունքի» հետ զրույցում ասաց, որ կշարունակի պաշտոնավարել այնքան, որքան կցանկանա նոր քաղաքապետ Հայկ Մարությանը` Կարգին Հայկոն:

- Գիտեք, պաշտոնի հետ կապված որոշումը ես չեմ կայացնում, այլ նոր  քաղաքապետը: Անկախ ամեն ինչից, կշարունակեմ իմ պաշտոնը, թե` ոչ, միշտ եմ պատրաստ իմ քաղաքին ծառայելու: Չեմ կարծում, որ պաշտոնը այն լծակն է, որը չլինելու դեպքում պետք է չշարունակես քո գործը, փառք Աստծո, լավ ծրագրեր շատ կան, որոնք պետք է շարունակական լինեն:

- Պարոն Ամատունի, ՀՀ վարչապետը հայտարարեց, որ այսուհետ բոլոր այգիները պետք է բաց լինեն: Արդեն ԱԺ-ի, Բաղրամյան 26-ի այգիները բաց են հանրության համար: Ինչպե՞ս եք վերաբերվում դրան:

- Շատ լավ եմ վերաբերվում, արդեն տեղադրեցինք ախղբամաններ, աղբը չի կուտակվում էլ առաջին օրերի նման, արդեն հանրությունը սովորեց, որ պետք է մաքուր պահեն, քանի որ դա իրենցն է:

- Իսկ նույն սկզբունքով ինչո՞ւ չեն բացվում կառավարական մյուս այգիները, օրինակ` կառավարության այգին, կամ նախագահական առանձնատների տարածքի այգին:

- Ես միայն եւ միայն կողմնակից եմ, որ բացվեն բոլոր այգիները, ամբողջ աշխարհում է այդպես, դա ժողովրդինն է, ու չպետք է լինի փակ, միշտ եմ այդ սկզբունքին եղել:

- Տարիներ առաջ Երեւանում տեղադրված կավե արձանները հանրությունը կոտրեց, որից հետո անհետացան դրանք, ի՞նչ ճակատագրի արժանացան:

- Ի սկզբանե արձանները լավ միտք էին, պարզապես չէինք հաշվարկել, որ, ցավոք, գոյություն ունի  վանդալիզմ հասկացողություն, որը մեր համաքաղաքացիներն արեցին, տեսաք` ինչպես վարվեցին այդ կավե արձանների հետ: Ինքս մեծ սիրահար եմ ինստալյացիաների, վստահ եմ` դա շարունակական կլինի մեր քաղաքում, եւ արդեն դրանք կլինեն մետաղական, որ ավելի հեշտ չլինի կոտրելը: Թեպետ, որքան էլ չուզենանք, որ մարդիկ կոտրեն, վանդալիզմը միշտ լինելու է:

ԼԻԼԻԹ ԵՂԻԱԶԱՐՅԱՆ

Այս թեմայով Ալեքսանդրոպոլ 2 և թուրք կարգադրիչները. Հայկ Բաբուխանյան Ադրբեջանին հանձնենք 4 գյուղերը, թե՞ այսօրվա իշխանավորներին. առաջարկում եմ՝ հանրաքվեի դնել. Հայկ Բաբուխանյան Ռուսաստանը Աբխազիայում կառուցում է մեծ ռազմաբազա. Հայկ Բաբուխանյան Գալուստ Սահակյանն այսօր կդառնար 76 տարեկան Մենք շատ ավելի անկախ էինք Սովետի ժամանակ, քան հիմա.Հայկ Բաբուխանյան