5-րդ դասարանի աշակերտը կաթված է ստացել ուսուցչուհու և համադասարանցիների ծաղրի պատճառով

Դնեպր քաղաքի դպրոցներից մեկի 5-րդ դասարանի աշակերտը կաթված է ստացել համադասարանցիների և ուսուցչուհու կողմից ծաղրի ենթարկվելու պատճառով: 
korrespondent.net-ի հաղորդմամբ, տղան ընտանիքի հետ Դոնբասից նոր է տեղափոխվել այդ դպրոց:

Աղբյուրը նշում է, որ ուսուցչուհին ու համադասարանցիները փորձում էին ճնշել նորեկին, նրանք տղայի թույլ տված բոլոր սխալները գրանցում էին հատուկ օրագրի մեջ:
Իվանովի մոր խոսքով՝ դեսղեկն անընդհատ իրեն ակնարկել է, որ չի ցանկանում, որպեսզի տղան իր դասարանում սովորի: Մայրը փորձել է հարթել իրավիճակը՝ սկզբում խոսելով դասղեկի, հետո՝ դպրոցի տնօրենի հետ: Աղբյուրը հայտնում է, որ հունվարի 31-ին դպրոցի աշակերտները խնդրագիր են կազմել՝ ցանկանալով, որպեսզի նորեկը դասարանից հեռացվի: Նրանք սպառնացել են Իվանովին, ինչի արդյունքում տղան սկսել է թաքնվել համադասարանցիներից: Այս ամենից տեղյակ են եղել դպրոցի ամբողջ կոլեկտիվն ու ծնողական խորհուրդը:

Հայտնի է, որ օրերս Իվանովը դպրոցից զանգահարել է մորն ու ասել, որ իրեն նորից ծաղրում են: Դրանից հետո կապն ընդհատվել է: Հեռախոսազանգից հետո տղան կաթված է ստացել: Միջադեպին հաջորդել է հատուկ ժողովը, որին ներկա են եղել իրավապահ մարմինների ներկայացուցիչները:

Դեպքի առնչությամբ սկսվել է հետաքննություն:

Այս թեմայով Դոնեցկի ճակատի ողջ կենտրոնը Պոկրովսկի ուղղությամբ «դոմինոյի էֆեկտի» պատճառով փլուզման վտանգի տակ է. Bild Ֆրանսիայի կառավարությունը հենց նոր 17 միլիարդ դոլար կորցրեց ՊԴուրովի ձերբակալության պատճառով. Կիմ Դոտկոմ Ուկրաինան կորցրել է 3,87 միլիարդ եվրոյի ռազմական օգնությունը Գերմանիայի կառավարությունում ներքին վեճերի պատճառով. Bild ՀՐԱՏԱՊ. ԱՀԿ-ն գլոբալ արտակարգ դրություն է հայտարարել mpox վիրուսի բռնկման պատճառով Հարիսը կարող է դառնալ «Ուկրաինայի սպանողը» Զելենսկու հետ վատ հարաբերությունների պատճառով. The Telegraph