ԱՆԲԱՍԻՐ ՆԱԽԱԳԱՀԻ ԹԵԿՆԱԾՈՒԻ ԿԳՏՆԻ՞ ՀԱՆՐՈՒԹՅՈՒՆԸ
Արխիվ 16-20Մինչ սոցցանցերում եւ որոշ լրատվամիջոցներում արդեն զավեշտի է հասնում շրջանառվող ՀՀ նախագահի հնարավոր թեկնածուների անունները, Մելիք-Ադամյան փողոցում ՀՀԿ-ականներն անուններ չեն քննարկում: Ավելին` մեր ունեցած տեղեկությունների համաձայն, անուն կամ անուններ չեն հնչի նաեւ այս հինգշաբթի սպասվելիք ՀՀԿ գործադիր մարմնի նիստի ժամանակ: Նրանք արդեն իսկ հանրությանը ներկայացրել են չափորոշիչները, որ մարտի 2-ին խորհրդարանի կողմից ՀՀ նախագահ պետք է ընտրվի նա, ով անկուսակցական է, վայելում է Հայաստանի եւ Սփյուռքի հարգանքը, քաջատեղյակ է հայաստանյան արտաքին քաղաքականությունից ու ընդունելի կլինի թե՛ իշխանության, թե՛ ընդդիմության համար: Նույն աղբյուրի պնդմամբ` ըստ էության, ընտրությունը կրկին կկայացնի հանրությունը, եթե գտնի վերոնշյալ չափորոշիչներին համապատասխան գործիչ: Հենց դրա համար էլ իշխանությունները բավական հանգիստ են վերաբերվում շրջանառվող անուններին` ստուգելով հանրային պատկերացումները, քաղաքական տրամադրություններն ու ինտրիգը պահելով մինչեւ պատեհ պահը:
ՀՐԱՆՏ ՍԱՐԱՖՅԱՆ