Մարսելի հայ փոքրիկները կժամանեն Հայաստան
Արխիվ 16-20ՀՀ Սփյուռքի նախարար ՀՐԱՆՈՒՇ ՀԱԿՈԲՅԱՆԸ նախորդ շաբաթ պաշտոնական այցով Մարսելում էր` Պրադո համայնքում գործող Սրբոց թարգմանչաց եկեղեցու 86-ամյակի եւ Մարսելի Խաչատուր Աբովյանի անվան հայկական դպրոցի 40-ամյակի կապակցությամբ:
Մարսելում գործող մեկօրյա դպրոցում, որտեղ հայ երեխաները սովորում են արեւելահայերենով, նախարարին սաները դիմավորել են աղ ու հացով, ապա` ուսուցիչների հետ միասին հանդիպման են շատպել նաեւ բոլոր ծնողները, որոնք, իրենց խոսքում չթաքցնելով հուզմունքն ու երախտագիտությունը` շեշտել են. «Տիկին Հրանուշ, մեզ համար Դուք մեր Հայաստանն եք, որ եկել եք մեզ մոտ…»:
Դպրոցում շրջելուց հետո` նախարարը ծանոթացել է Խ . Աբովյանի անվան դպրոցի ուսումնական ողջ ծրագրին, ապա պայմանավորվել` դպրոցին ապահովել հաջորդ տարվա ուսումնական ծրագիրը, որպեսզի դպրոցի սաները հետ չմնան հայաստանյան ծրագրից: Հայաստանյան հայերենով ուսուցանվող ծրագրի հարցում տիկին նախարարը կարեւորել է դպրոցի ներկայիս ղեկավար Կարեն Խուրշուդյանի դերակատարությունը` նշելով. «Խաչատուր Աբովյան դպրոցի ներկայիս ղեկավար Կարեն Խուրշուդյանը այս երկու տարվա իր ղեկավարության օրոք կարելի է ասել վերածնեց այս դպրոցը: Նախկինում, եթե միայն հաճախում էր 7-8 հայ երեխա, այսօր` 2 տարվա ընթացքում, Կարենի շնորհիվ երեխաների քանակը հասել է 70-ի, քանի որ ընթանում են ուսուցման ակտիվ դասընթացներ: Այս փաստը ողջունելի է»,- ծնողներին ասել է տիկին նախարարն ու առաջարկել, որ դպրոցի բոլոր սաները «Արի տուն» ծրագրով հաջորդ տարի վերադառնան Հայաստան:
Առավել մանրամասն` տեսանյութում.
ԼԻԼԻԹ ԵՂԻԱԶԱՐՅԱՆ