Ջրահեռացման խողովակները աղբի մեջ կորած են, դրա համար էլ հեղեղ եղավ. ճարտարապետ

Ինչն էր պատճառը, որ հունիսի 12-ին տեղացած անձրևը այդկերպ ողողեց Երևանի փողոցները: Հայաստանի ճարտարապետների միության նախագահ Մկրտիչ Մինասյանի հավաստամամբ՝ անձրեւներից հետո ջրի կուտակման պատճառն այն է, որ ջրահեռացման համակարգի այդ հատվածները աղբի մեջ կորած են:

 <<Ամեն ինչ չի կարելի պետության վրա բարդել: Համակարգված աշխատանքն է հարկավոր:
Շենքերի թեքությունները  չեն պաշտպանվում, բոլորն արված է մոտավոր  հաշվարկներով: Այդ կառուցապատողների պատճառով էլ նման խնդրիներ ենք ունենում>>:

Իսկ  ճարտարապետ Գուրգեն Մուշեղյանն իր հերթին նշեց, որ խնդիրը ոչ ճիշտ շահագործման հետ է կապված, հորանները պետք է մաքուր պահել: Խողովակները խցանված են եղել, դրա համար էլ ջուրը հավաքվել է:

<< Անգամ  Զանգուի ձորում կամ Հրազդանի կիճում  կարող ենք նկատել  մարդկանց անփությունը, ուտում-խմում են, հետո էլ աղբը  նետում, իսկ բնությունն  այս ամենը պարզապես վերադարձնում է մեզ>>:

Նշենք, որ Երևանի քաղաքապետարանում աշխատանքային հերթական խորհրդակցության ժամանակ զեկուցվել է, որ մայրաքաղաքում 1 ժամում տեղացել է 13-14մմ անձրև, որը կազմում է Երևանում հունիս ամսվա տեղումների բազմամյա միջին ամսական քանակի շուրջ 50 տոկոսը: Խորհրդակցությանը ներկա «Վեոլիա ջուր» ընկերության ներկայացուցիչն էլ տեղեկացրել է, որ առատ տեղումների հետևանքով գրանցված անձրևաջրերի հոսքը որոշ տեղերում հանգեցրել է անձրևատար համակարգի թողունակության գերբեռնվածության, բացի այդ, կարկուտի հետևանքով կոտրված ճյուղերը և տերևները խցանել են անձրևատարների պաշտպանիչ ցանցերը, ինչն իր հերթին որոշ փողոցներում հանգեցրել է անձրևաջրերի կուտակումների:

Ս.Ա.

Այս թեմայով Պեսկովը հայտնել է, որ Ջո Բայդենի և Վլադիմիր Պուտինի հանդիպման համար նախադրյալներ չկան Թեհրանը խնդրել է Մոսկվային` տրամադրել արբանյակային տվյալներ պաշտպանության համար Բիրտ ճնշումների է ենթարկվելու. Ինչ է պատրաստել հոկտեմբերը վարչապետի համար Ադրբեջանը պատմություն է հորինում, որպեսզի փաստարկ ունենա իր գործողություններին աջակցելու համար. Ստեֆան Շեննախ ՀՀ իշխանությունների «խեղճիզմի» քաղաքականությունը ավելի վտանգավոր իրավիճակ է ստեղծում մեր պետության համար. Հայրապետյան