Ռուսական բանակը Լաթակիայում մարտի մեջ է մտնում «Թահրիր ալ-Շամ»-ի ահաբեկիչների հետ. Իրանական աղբյուր

Ինչպես արդեն տեղեկացրել ենք (https://iravunk.com/?p=308607&l=am), ռուսական զորքերը սկսել են տեղակայվել Սիրիայի ափամերձ Լաթաքիայի Խմեյմիմ ավիաբազայի շրջակայքում գտնվող քաղաքներում։ Սա ռուսական զորքերի առաջին բացազատումն է սիրիական հողում՝ երկու բազաներից դուրս՝ Բաշար Ասադի տապալումից հետո։

Եվ ահա, լուրը հաստաելով, իրանական տեղեկացված աղբյուրը հայտնում է.

«Ռուսական բանակը մարտի մեջ է մտնում «Թահրիր ալ-Շամ»-ի ահաբեկիչների հետ: Բախումների ընթացքում ռուսական զորքերը վերահսկողության տակ են վերցրել Լաթաքիա նահանգի Խմեյմիմ ավիաբազայի մերձակայքում գտնվող Խիրբեթ ալ-Աշար, Ալ-Քուբայիսիա և Բահդարմու բնակավայրերը։

Այս գործողությունների պատճառը ալավի փախստականների թվի աճն է և նրանց անվտանգությունն ապահովելու անհրաժեշտությունը, ինչպես նաև ռուսական ռազմակայանի պաշտպանությունը։ Կախված նրանից, թե ինչպես կզարգանա իրավիճակը, ռուսական ուժերի գործողությունը կարող է ընդլայնվել։

Սիրիայում ռուսական զորքերի հրամանատարի տեղակալ, գեներալ Ալեքսանդր Ռոդիոնովը հայտարարել է, որ ռուսական բանակը ահաբեկիչների ողորմությանը չի թողնի ալավի փախստականներին, որոնք ապաստանել են Խմեյմիմ բազայում։

ՌԴ ռազմական ոստիկանության հրամանատար, գեներալ Սերգեյ Վասիլևիչ Կուրալենկոն նույնպես նշել է, որ զինվորականները կպաշտպանեն ահաբեկիչների վայրագություններից փախչող խաղաղ բնակիչներին և անհրաժեշտության դեպքում կձեռնարկեն հակաքայլեր, այդ թվում՝ ռազմական պատասխան։

Ներկայում ռուսական ուժերը պաշտպանություն և մարդասիրական օգնություն են տրամադրում 7000-ից 10000 խաղաղ բնակիչների:

Այնուամենայնիվ, սա, ըստ էության, նշանակում է մահապատիժ այս փախստականների համար, եթե ռուսական բանակը շուտով չվերադառնա ուժեղացումներով, կամ եթե սիրիական ժողովրդական դիմադրությունը չկարողանա ազատագրել ափամերձ շրջանները: Այս դեպքում այս մարդկանց միակ հույսը Ռուսաստանում ապաստան ստանալու հնարավորությունն է»։