Կիրիենկոյին Աբխազիա գործուղելով, Կրեմլը մտածում է ԱՊՀ տիրույթում քաղաքականությունը վերակառուցելու մասին. Ռուսական աղբյուր

Ռուսական աղբյուրի փոխանցմամբ.

«Ավարտվել է նախագահի աշխատակազմի ղեկավարի առաջին տեղակալ Սերգեյ Կիրիենկոյի այցը Աբխազիա։ Առանցքայինը, որին պետք է ուշադրություն դարձնել, փետրվարի 15-ին կայանալիք հանրապետության նախագահական ընտրությունների գլխավոր ֆավորիտ Բադրա Գյունբայի հետ հանդիպումն է։ Ի թիվս այլ հարցերի, նրանք քննարկել են Ռուսաստանի և Սուխումի միջև օդային հաղորդակցությունը վերականգնելու վաղուց ձգձգված հարցը։ Բայց Կովկասում, իհարկե, ամենակարևորը խորհրդանշական մասն է։ Կիրիենկոյի հանդիպումը Աբխազիայի նախագահի թեկնածուի հետ ինքնին նրա աջակցության միանշանակ ազդանշան է։ Շրջանառվող լուրերի համաձայն, ընտրություններում Գունբայի գլխավոր մրցակիցը՝ ընդդիմադիր թեկնածու Արձինբան, նույնպես փորձել է հանդիպել Կիրիենկոյի հետ, սակայն անհաջող։ Եվ սա նույնպես ազդանշան է՝ Ռուսաստանը կատարել է իր ընտրությունը, և այդ մասին քննարկում չի կարող լինել... Իսկ Գունբայի ընտրությունը, եթե հավատանք սոցիոլոգներին, ավելի քան հավանական է»։

Աղբյուրը նաեւ նկատում է, որ այս այցի արդյունքում Կիրիենկով, որին հանձնարարված է վերահսկողության տակ վերցնել աբխազական այդ գործընթացները` այս ուղղությամբ մոսկովյան նախկին կուրատորներին փոխարինելով, Կրեմլին ներկայացնելու է նաեւ զեկույց, թե ինչ վերախմբավորումներ պետք է ունենա ռուսական քաղաքականությունն առհասարակ ԱՊՀ տիրույթում: Հենց Աբխազիայի օրինակը ցույց է տալիս, որ չնայած մեծ ներդրումներին, քարոզչական դաշտում ռուսական դիրքերը մնում են չափազանց վատ: Իսկ, օրինակ, Թուրքիան կարողանում է շատ ավելի փոքր միջոցներով էականորեն ավելի շահեկան դիրքեր ստանալ: Ու այս խնդիրը կա ոչ միայն Անբբազիայում, այլ ողջ ԱՊՀ տիրույթում: «Այսինքն, պետք է շատ արագ միանգամայն այլ ռազմավարական մոտեցումների անցնել, հակառակ դեպքում նման աբխազիաներն ամենուր են եւ ամեն պահի բախբելու ենք նման պայթյունների: Ու առաջին հերթին, պետք է փոխել այն բոլոր կուրատորներին, ովքեր, էլի նույն Աբխազիայի օրինակով, ամեն բան ձախողել են, շատ դեպքերում կենտրոնացած լինելով միայն սեփական «գրպանային հարցերի» վրա: Հենց այդ հիմնական խնդիրն է, որին վրա առաջնային պետք է շեշտադրվի Կիրիենկոյի զեկույցի քաղաքական մասը»,- գրում է աղբյուրը: