Հերթական տարօրինակ հայտարարությունը Թրամփից

Հազիվ էր աշխարհը սովորել Բայդենի տարօրինակ հայտարարություններին եւ սկսել դրանց հումորով մոտենալ, որ հիմա էլ Թրանփին պետք է վարժվի: Երեւի նոր նախագահը ցանկանում է առաջին հայացքից միանգամայն ահեղ, բայց խորքում տարօրինակություններով լի հայտարարություննրով եւս իր նախորդից առա՞ջ անցնել:

Այսպես, Ռուսաստանին բանակցային սեղանի շուրջ նստեցնելու Թրամփի վերջին հայտարարությունն անգամ ամերիկյան աղբյուրների հիմնազուրկմ եթե ոչ` զաքվեշտալի համարեցին: Բայց անմիջապես էլ Թրամփը հերթական հնչեղ հայտարարությամբ աչքի ընկավ:

Այս անգամ ընկեր Դոնալդը FoxNews-ին տված հարցազրույցում այն պնդումն առաջ քաշեց, թե Ռուսաստանը գողացել է հիպերձայնային հրթիռների ստեղծման նախագիծը։

Կարող է նման բան էլ լինել: Բայց ահա բացատրությունը, որը Թրամփը դրեց իր մեղադրանքների հիմքում, մեղմ ասած, նրա քաշ ու կշռի համար ամոթալի է: Այսպես, Թրամփը մանրամասնեց, որ դա տեղի է ունեցել ԱՄՆ 44-րդ նախագահ Օբամայի օրոք: Այդ «շատ վատ մարդը» հիպերձայնային զենքի սխեմաները վերցրել եւ հանձնել է Պուտինին:

Արդյունքում, հիմա ԱՄՆ-ն մնացել է առանց հիպերձայնային զենքի, իսկ Ռուսաստանն ունի մասնավորապես` «Օրեշնիկ», «Կինժալ», «Ավանգարդ» ու չգիտես էլ ուրիշ ինչ, բողոքում է Թրամփը: Բայց ոչինչ, նա հրամայել է, որ կստեղծեն նորը, որը, իհարկե, կլինի «ավելի լավը», քան ռուսներինն է՝ «տուրբոհիպերձայնային»։

Բայց մեկ է, հետաքրքիր պատկեր է ստացվում: Ուրեմն, Օբաման ամերիկյան բոլո՞ր սխեմաներն է տվել Պուտինին, որեւէ օրինակ է՞լ հոգեպահուստի համար չի պահել, որ միմա ԱՄՆ-ն էլ, ով այդ զենքը ստեղծել է, ինքն էլ գոնե մեկ հատիկ ունենար, ու Թրամփն էլ ստիպված չլիներ զրոյից նորը ստեղծել: Իսկ չէ՞ որ նման զինատեսակի վրա պետք է, որ աշխատեին ամբողջական գիտական խմբեր, ընկերությունների մի ամբողջ համալիր: Այսինքն, այդ բոլոր գիտնականներին եւս Օբաման տվել է Պուտինի՞ն, որ հիմա ռուսներն այդ զենքից ունեն, իսկ դրա ստեղծող ԱՄՆ-ն` ոչ:

Դեռ մի կողմ թողնենք, թե ինչու պետք է Օբաման նման բան աներ. այս պատնությունն այլ կողմից է ավելի հետաքրքիր: Չէ՞ որ Օբամային փոխարինելու եկավ հենց ինքը` նախկինում 45-րդ նախագահ Թրամփը: Բա այն ժամանակ, ստանձնելով պաշտոնը, նա ինչո՞ւ Օբամային չկանչեց մոտը, թե` «Ա´յ Բարաք, բա հորթն ո՞ւր ա»: Չնայած ինչո՞ւ կանչեր, չէ՞ որ հենց ինքը` ընկեր Դոնալդը եւս «Պուտինի մարդն» էր. բա հո «Պուտինի մյուս մարդուն» չէ՞ր նստացնելու: Բա հիմա ինչո՞ւ է այդ մասին խոսում, ուրեմն Թրամփն էլ «Պուտինի մարդը» չէ՞, ու երբեմնի «գործակալներին» «փո՞ւռն է տալիս»:

Լավ, այդ դեպքում չէ՞ որ նման ծանրագույն պետական դավաճանության հքամար պետք է Օբաման արդեն բերդում լիներ: Այսինքն, գալիս ենք ամենահետաքրքիրին. Թրամփը նախկին նախագահին` այդ «վատ մարդուն» հրապարակավ մեղադրում է պետական դավաճանության մեջ: Ուրեմն, ինչո՞ւ ԿՀՎ-ն, ՀՖԲ-ն կամ նման մեկ այլ կառույց Օբամային արդեն իսկ բանտ չե տարել: Ուրեմն, մնում է մտածել, որ Թրամփը մի կողմից նրան «փուռն է տալիս», մյուս կողմից` չի՞ թողնում բռնեն: Ուրեմն, այսքանից հետո, գնա ու հասկացի` գբդապես Դոնալդը հիմա «պուտինի մա՞րդն է», թե` «Պուտինի մարդը չէ»:

Կամ էլ ամենակարզ տարբերակը` Թրամփն այդ դարակազմիկ գողության մասին ընդամենը ստում է: Բա որ հիմա էլ Օբամա՞ն որոշի նրան մեղադրանք ներկայացնել, ի՞նչ է դառնալու: Ասենք, եթե նույնիսկ չներկայացնի, մեկ է, նման շարունակական հրապարակային հայտարարություններից հետո էլ ո՞վ Թրամփին լուրջ կընդունի... 

Ստանում ենք սա` «Բոշին էշ վրա չեկավ, ԱՄՆ-ին էլ` նախագահ»:

Մյուս կողմից էլ, Թրամփն այն միամիտը չէ, որ նման կոպիտ սխալներ թույլ տա: Կրեմլից մեկնաբանել են, որ նրա նման հայտարարություններն ընկալում են, որպես բանակցություններում իր կշռը բարձրացնելու փորձ: «Մոտավորապես պրոֆեսիոնալ բռնցքամարտիկների նման, երբ մարտից առաջ կանգնում են իրար դիմաց եւ գոռգոռում իրար վրա»,- հայտնեց փորձագետներից մեկը: