Ուկրաինայի խնդիրն այն չէ, որ փողը վերջանում է, այլ այն, որ ուկրաինացիներն են վերջանում. Թրամփի պետքարտուղար
Միջազգային«Այս պատերազմը պետք է ավարտվի։ Ուկրաինայի խնդիրն այն չէ, որ փողը վերջանում է, այլ այն, որ ուկրաինացիները են վերջանում»: նման հայտարարությամբ է հանդես եկել ԱՄՆ ապագա` Թրամփի առաջադրած պետքարտուղարի թեկնածու Մարկո Ռուբիոն` Կոնգրեսի լսումների ժամանակ: Նա նաեւ ասել է.
«Այս պատերազմը պետք է ավարտվի. Բոլորը պետք է իրատես լինեն՝ Ռուսաստանը, Ուկրաինան և ԱՄՆ-ը ստիպված կլինեն զիջումների գնալ»։
«Միացյալ Նահանգների պաշտոնական դիրքորոշումը պետք է լինի այս պատերազմը ավարտելը»:
«Ռուսաստանն ամբողջ Ուկրաինան գրավելու հնարավորություն չունի, բայց նաև «իրատեսական չէ հավատալ», որ Ուկրաինան կկարողանա վերադարձնել գրավված տարածքները»։
Ռուբիոն նաև մեջբերեց Թրամփի խոսքերը, որ ցանկանում էր դադարեցնել մահերը:
«Իսկ ո՞վ չի ցանկանա: Ուկրաինայում ավերածությունները հսկայական են, ամեն ինչ վերականգնելու համար կպահանջվեն սերունդներ: Միլիոնավոր ուկրաինացիներ այլևս չեն ապրում իրենց հայրենիքում և կարող են երբեք չվերադառնալ: Նույնիսկ այս պահին, երբ ես խոսում եմ, Ուկրաինայի էներգետիկ ենթակառուցվածքը քանդվում է, որը կարժենա հարյուրավոր միլիարդավոր դոլարների և մի քանի տասնամյակներ` վերականգնման համար»:
Հարկ է նշել, որ ամենևին էլ փաստ չէ, որ Թրամփը կկարողանա համոզել Կիևին և ընդունելի պայմաններ ապահովել Մոսկվային։