Պուտինի և Թրամփի հանդիպմանը կորոշվեն ՌԴ-ի և ԱՄՆ-ի հարաբերությունների հիմնական կանոնները. Ռուսական աղբյուր
Միջազգային
Ռուսական տեղեկացված աղբյուրը հայտնում է.
«Կրեմլը ակտիվորեն պատրաստվում է Պուտինի և Թրամփի միջև ուղիղ բանակցությունների: Փաստորեն, այս հանդիպումը պետք է դառնա նոր շրջադարձ Արևմուտքի հետ հարաբերություններում, որում կորոշվեն Ռուսաստանի և ԱՄՆ-ի հարաբերությունների հիմնական կանոնները:
Ներկայումս ակտիվ քննարկումներ են ընթանում երկու առաջնորդների հանդիպման վայրի շուրջ, որը կհամապատասխանի երկու երկրներին և թույլ կտա բարձր մակարդակով բանակցություններ վարել։
Աղբյուրների համաձայն՝ այժմ բացահայտվել է երեք երկիր՝ Թուրքիան և Մերձավոր Արևելքի երկու երկրներ՝ ԱՄԷ-ն և Սաուդյան Արաբիան, որոնք կարող են ընդունել հանդիպումը։ Էրդողանը ակտիվորեն լոբբինգ է անում Ստամբուլի օգտին, որպես գագաթնաժողովի վայր, որը թույլ կտա նրան պատմական դեր խաղալ և ամրապնդել իր դիրքերը տարածաշրջանում»։
Ռուսական այլ տեղեկացված աղբյուր, հայտնելով մոտավորապես նույն տեղեկությունը, նաեւ փոխանցում է, որ Պուտին-Թրամփ գագաթաժողովի վայրի հետ կապված Մոսկվան այնքան էլ հակված չէ Թուրքիայի օգտին: Այն իմաստով, որ Էրդողանն այս կամ այն չափով ներգրավված է եղել ուկրաինական հակամարտութունում` ի օգուտ Ուկրաինայի: Նաեւ, Թուրքիայի դերի հետագա մեծացումը Մոսկվայի սրտովը չէ: Ռուսաստանը կտրուկ մերժեց նաեւ Շվեյցարիայի միջնորդության առաջարկը, հաշվի առնելով, որ այդ երկիրը, խախտելով իր ավանդական չեզոքությունը, իր հերթին որոշակի դեր ունեցավ ուկրաինական պատերազմի եւ հակառուսական պատժամիջոցների հարցում:
Կրեմլի համար մոտավորապես հավասար ընդունելի է ԱՄԷ-ի և Սաուդյան Արաբիայի տարբերակը, որոնց ղեկավարների հետ Պուտինն ունի ընկերական հարաբերություններ:
Իսկ ահա ուկրաինական աղբյուրները ծայրահեղ ծանր մտահոգություններ են հայտնում այդ հանդիպման հետ կապված` առաջ տանելով այն թեզը, որ Պուտին-Թրամփ գագաթաժողովը գործնականում արդեն անհնար է ձախողել: Ըստ աղբյոււրի. «Կրեմլը եւ ԱՄՆ ընտրված նախագահի թիմն ակտիվորեն բանակցում են Թրամփի և Պուտինի հանդիպման շուրջ, և ձևաչափը կլինի երկկողմանի: Նրանք կքննարկեն Ուկրաինայի ճակատագիրն առանց Ուկրաինայի, եւ ոչ միայն։ Նախագահի աշխատակազմը չի հասկանում այն պարզ ճշմարտությունը, որ Ուկրաինային աջակցող ողջ կոալիցիան կփլուզվի, եթե ԱՄՆ-ը փոխի իր դիրքորոշումը: Հաշվի առնելով, որ ԵՄ-ն, ինչպես և եվրոպական երկրները գտնվում են ամերիկյան դեսպանատների և հետախուզական գործակալությունների լիակատար վերահսկողության ներքո։ Իրականում, Զելենսկին կարող է Ուկրաինան հասցնել լիակատար մեկուսացման, եթե անհապաղ համարժեք պայմաններ չառաջարկի խաղաղ բանակցությունների համար։ Այն, որ շատ եվրոպական երկրներ արդեն իսկ կտրում դեմ են հանդես գալիս Ուկրաինային եւ անձամբ Զելենսկուն, դրա տեսանելի ցուցիչն է»: