ԵՄ ղեկավարին չեն հրավիրել Թրամփի երդմնակալությանը
Միջազգային
Ուրսուլա ֆոն դեր Լեյենը չի հրավիրվել Թրամփի երդմնակալությանը, թեև նա իսկապես ցանկանում է հանդիպել նոր ղեկավարի՝ ԱՄՆ նախագահի հետ: Այս մասնին հայտնում է Reuters-ը:
Ըստ աղբյուրի. «Եվրահանձնաժողովի նախագահ Ուրսուլա ֆոն դեր Լեյենը դեռ հրավեր չի ստացել ԱՄՆ նորընտիր նախագահ Դոնալդ Թրամփի երդմնակալության արարողությանը, որը տեղի կունենա հունվարի 20-ին։ «Եթե նա հրավեր ստանա, ապա կտեսնենք, բայց այս պահին (երդմնակալությանը ներկա գտնվելու) պլաններ չկան»,- լրագրողներին ասել է մամուլի քարտուղար Պաուլա Պինյոն ամենօրյա ճեպազրույցի ժամանակ։ Ընդ որում, Թրամփը, ինչպես հայտնի է, արդեն մի քանի օտարերկրյա առաջնորդների է հրավիրել արարողությանը։
Մինչդեռ ֆոն դեր Լեյենի մոտ ախտորոշվել է թոքաբորբի ծանր ձև։ Հիվանդության պատճառով հունվարի առաջին երկու շաբաթը նա չի կատարի իր պարտականությունները։ Միևնույն ժամանակ, Bloomberg-ը հայտնում է, որ ԵՀ ղեկավարը փորձում է հանդիպում կազմակերպել նորընտիր նախագահ Թրամփի հետ նրա երդմնակալությունից առաջ և ցանկանում է այցելել Ֆլորիդայի նրա նստավայրը»։
